ព័ត៍មានសុខភាព
×![]()
ដោយ: ថ្មីៗ
ស្ត្រី មានអត្រាកើតជំងឺរលាកប្លោកនោមច្រើនជាងបុរស ៨ដង ដោយសារតែបំពង់បង្ហូរទឹកនោមរបស់ស្ត្រីខ្លីជាងបុរស និងនៅជិតរន្ធគូថ។ ការបង្ករោគនៅក្នុងប្លោកនោម គឺសម្បូរកើតនៅលើស្ត្រី។ ការព្យាបាលដោយថ្នាំផ្សះ ក្នុងរយៈពេលខ្លីមួយ គឺជាការព្យាបាលសម្រាប់ជំងឺរលាកប្លោកនោម។ ជួនកាលជំងឺនេះអាចជាទៅវិញ ដោយមិនចាំបាច់ប្រើថ្នាំផ្សះផងដែរ។
នៅក្នុងករណីភាគច្រើនបំផុត នៃជំងឺរលាកប្លោកនោម វាអាចជាទៅវិញយ៉ាងឆាប់រហ័ស ដោយគ្មានបន្សល់ទុកនូវផលវិបាកអ្វីនោះទេ។ ជារៀងរាល់ឆ្នាំ មានរហូតដល់ទៅ ១៥ភាគរយនៃស្ត្រីដែលមានជំងឺរលាកប្លោកនោម ហើយប្រហែលជាពាក់កណ្តាលនៃស្ត្រីទាំងអស់ យ៉ាងហោចណាស់កើតជំងឺនេះម្តងនៅក្នុងជីវិតរបស់ពួកគេ។ កត្តាដែលបង្កឱ្យមានជំងឺរលាកប្លោកនោមផ្សេងទៀតមានដូចជា៖ ជំងឺទឹកនោមផ្អែម ការមានផ្ទៃពោះ និងការរួមភេទ។ ភាគច្រើននៃស្ត្រីដែលទទួលការព្យាបាល គឺជាសះស្បើយទៅវិញក្នុងរយៈពេលពីរទៅបីថ្ងៃ៕
ផ្តល់សិទ្ធិដោយ www.health.com.kh
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
5 ម៉ោង
