ជាតិ
សង្គមជាតិ
សហជីពអល់អែកទាមទារប្រាក់ខែ ១៧៧ដុល្លារសម្រាប់ឆ្នាំ២០១៦ ក្រោយបទបង្ហាញ ILO
×![]()
ភ្នំពេញ៖ ប្រធានសហព័ន្ធសហជីពខ្មែរ និងជាអនុប្រធានគណៈកម្មការប្រឹក្សាការងារភាគីកម្មករ និយោជិត លោក ជួន មុំថុល បាននិយាយថា ភាគីសហជីពនឹងពិចារណាទាមទារប្រាក់ ខែ ១៧៧ដុល្លារអាមេរិក បន្ទាប់ពីពិនិត្យមើលបទបង្ហាញពីរបៀប គណនា វាយតម្លៃចំណូល និងចំណាយក្នុងរោងចក្រនៅកម្ពុជា។ បទបង្ហាញនេះ ត្រូវបានរៀបចំឡើងដោយអង្គការ ពលកម្មអន្តរជាតិ (ILO) ក្នុងកិច្ចពិភាក្សា កំណត់ប្រាក់ឈ្នួលអប្បបរមាសម្រាប់ឆ្នាំ ២០១៦ ។
អង្គការពលកម្មអន្តរជាតិ (ILO) បានបើកកិច្ចពិភាក្សាកំណត់ប្រាក់ឈ្នួលអប្បបរមាសម្រាប់ឆ្នាំ ២០១៦ ជាមួយភាគីសហជីព កាលពីថ្ងៃទី២ កក្កដា ដើម្បីឲ្យក្រុមសហជីពទៅចរចាដំឡើង ប្រាក់ឈ្នួលអប្បបរមាកម្មករប្រចាំ ជាមួយភាគីនិយោជក និងក្រសួងការងារ បណ្តុះបណ្តាលវិជ្ជាជីវៈ។
លោក ជួន មុំថុល បាននិយាយថា ភាគីសហជីពនៅពុំទាន់កំណត់ប្រាក់ឈ្នួលអប្បបរមា សម្រាប់ ឆ្នាំ២០១៦ ដើម្បីដាក់ទៅគណៈកម្មាធិការការងារ (LAC) នៅឡើយ ដោយលោក អះអាងថា ភាគីសហជីពនឹងពិចារណាពិនិត្យបន្ថែមទៀត ទៅតាមលទ្ធភាពភាគីនិយោជក។
«ILO បានបង្ហាញប្រៀបធៀបតួលេខតាមពីបណ្តារោងចក្រប្រទេសមួយចំនួន ដូចជា កូរ៉េ វៀតណាម និងបង់ក្លាដែស ដើម្បីជាមូលដ្ឋានសម្រាប់ឲ្យសហព័ន្ធ សហជីពយើងពិចារណា មុនដាក់ទៅចរចាជាមួយ LAC»។ នេះជាការពន្យល់របស់ លោក ជួន មុំថុល។
ចំពោះការទាមទារប្រាក់ឈ្នួលគោល ១៧៧ដុល្លារកន្លងមក ប្រធានសហជីពរូប នេះ យល់ឃើញថា ភាគីនិយោជក នឹងមិនអាចទទួលយកបានទេ។ «បើប្រៀបធៀបរវាង ចំណូល ចំណាយ និងផលិតភាពក្នុងរោងចក្រ យើងមិនអាច ប្រាក់ឈ្នួល ១៧៧ដុល្លារបានទេ ដូចនេះយើងនឹងពិភាក្សាកំណត់ជាថ្មី»។ នេះជាប្រសាសន៍របស់ប្រធានសហព័ន្ធសហជីពខ្មែរ។
បើយោងតាមសេចក្តីប្រកាសព័ត៌មានក្រសួងការងារ កាលពីខែមិថុនាកន្លងទៅ ការដំឡើង ប្រាក់ឈ្នួលដល់កម្មករ រោងចក្រកាត់ដេរ និងផលិតស្បែកជើងសម្រាប់ ឆ្នាំ២០១៦ នឹងត្រូវ ចាប់ផ្តើមនៅអំឡុងខែកក្កដា ឆ្នាំ២០១៥នេះ។ គួរបញ្ជាក់ថា រដ្ឋាភិបាលបានសម្រេច ដំឡើងប្រាក់ឈ្នួលអប្បបរមាដល់កម្មករវាយនភណ្ឌកាត់ដេរ និង ផលិតស្បែកជើង ជាបន្តបន្ទាប់ ចាប់តាំងពីឆ្នាំ២០១៤ មានចំនួន១០០ដុល្លារ ហើយនៅឆ្នាំ២០១៥ ចំនួន ១២៨ ដុល្លារអាមេរិក៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
7 ម៉ោង
