ជាតិ
នយោបាយជាតិ
លោក សម រង្ស៊ី នឹងអញ្ជើញអ្នកជំនាញគូសផែនទី Digital កំណត់ព្រំដែនវិវាទកម្ពុជា និងវៀតណាម ពីបារាំង
×![]()
ភ្នំពេញ៖ ក្រៅពីបញ្ជាក់ពីគោលជំហររបស់គណបក្សសង្គ្រោះជាតិ ក្នុងការរកយុត្តិធម៌ ដល់អ្នករងគ្រោះ លោក សម រង្ស៊ី ប្រធានគណបក្សសង្គ្រោះជាតិ ក៏បានថ្លែងបញ្ជាក់ពីជំហរការពារបូរណភាពព្រំដែនកម្ពុជា នៅតាមបណ្តោយព្រំដែនផងដែរ ជាពិសេសបញ្ហាព្រំដែនជាមួយប្រទេសវៀតណាម។ លោកថា បច្ចុប្បន្ននេះ លោកបាន និងកំពុងសិក្សាពីរបៀបកំណត់ផែនទីតាមប្រព័ន្ធបច្ចេកវិទ្យាកុំព្យូទ័រជាមួយអ្នកបច្ចេកទេសពីប្រទេសបារាំង ដើម្បីកំណត់ព្រំដែនវិវាទរវាងប្រទេសកម្ពុជា និងវៀតណាមឲ្យបានច្បាស់លាស់។
សំឡេងលោក សម រង្ស៊ី៖
លោកថ្លែងបែបនេះ ក្នុងពិធីបង្សុកូលគោរពវិញ្ញាណក្ខន្ធអ្នកបាត់បង់ជីវិតក្នុងព្រឹត្តិការណ៍ ផ្ទុះអាវុធកណ្តាល រាជធានីភ្នំពេញ កាលពីថ្ងៃទី៥ -៦ ខែកក្កដា ឆ្នាំ១៩៩៧ នៅទីស្នាក់កណ្តាល គណបក្សសង្គ្រោះ (CNRP) នៅថ្ងៃទី៥ ខែកក្កដានេះ។
គណបក្សសង្គ្រោះជាតិ បាន និងកំពុងពិភាក្សាជាមួយអ្នកបច្ចេកទេសវាស់វែងផែនទីមកពីប្រទេសបារាំង ដើម្បីកំណត់ឲ្យច្បាស់ពីបណ្តោយព្រំដែនរវាងកម្ពុជា និងវៀតណាម។ លោក សម រង្ស៊ី បានថ្លែងប្រាប់អ្នកសារព័ត៌មានថា លោកជឿជាក់ថា ការវាស់វែងផែនទីនេះ នឹងបញ្ជាក់ច្បាស់ពីទឹកដីកម្ពុជា។ ហើយថា ការវាស់វែងតាមប្រព័ន្ធបច្ចេកវិទ្យា កំណត់ព្រំដែនចុងក្រោយនេះ នឹងក្លាយជារបាយការណ៍មួយយ៉ាងសំខាន់ ដើម្បីធ្វើជាភស្តុតាង ក្នុងការតវ៉ាលើឆាកអន្តរជាតិ ប្រសិនភាគីម្ខាងមិនយល់ព្រម។
បើតាមលោក សម រង្ស៊ី ការវាស់វែងនេះ គឺផ្អែកលើផែនទីដែលរដ្ឋាភិបាលបារាំងបានធ្វើនៅអំឡុងសម័យអាណានិគមនិយមបារាំង៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
5 ម៉ោង
