ជាតិ
សង្គមជាតិ
ខ្មែរឥស្លាមគាំទ្រគោលនយោបាយCNRPដែលឲ្យស្ត្រីពាក់ក្រមាពេលថតធ្វើអត្តសញ្ញាណប័ណ្ណ
លោក សម រង្ស៊ី និងសាសនិកឥស្លាម ក្នុងពិធីពិសារអាហារស្រាយបួស ដែលរៀបចំនៅគេហដ្ឋានរបស់លោក កាលពីថ្ងៃទី ៥ កក្កដា កន្លងទៅ។ រូបភាព៖ Sam Rainsy
×![]()
ភ្នំពេញ៖ គោលនយោបាយចំនួន៧ចំណុច ត្រូវបានគណបក្សសង្គ្រោះជាតិដាក់ចេញសម្រាប់សហគមន៍ខ្មែរឥស្លាមនៅកម្ពុជា ប្រសិនបើខ្លួនឈ្នះឆ្នោត។ ក្នុងចំណោមគោលនយោបាយទាំងនោះ ឃើញថាការអនុញ្ញាតឲ្យស្ត្រីឥស្លាមអាចពាក់ក្រមានៅពេលថតរូបធ្វើអត្តសញ្ញាណប័ណ្ណ ឫលិខិតឆ្លងដែន គឺមានការគាំទ្រច្រើន ហើយដែលចំណុចមួយនេះ ជាចំណុចរសើប ដែលសហគមន៍ឥស្លាមធ្លាប់ទាមទារនាពេលកន្លងមក។
យុវជនខ្មែរឥស្លាមមួយក្រុម បានសម្តែងការគាំទ្រចំពោះគោលនយោបាយរបស់គណបក្សសង្គ្រោះជាតិ ដែលនឹងអនុញ្ញាតឲ្យស្ត្រីខ្មែរឥស្លាមអាចពាក់កន្សែងក្រមា នៅពេលពួកគេធ្វើអត្តសញ្ញាណប័ណ្ណ លិខិតឆ្លងដែន ឫលិខិតស្នាមផ្សេងៗជាដើម ។ ពួកគេបានហៅគោលការណ៍នេះថា ជាអ្វីដែលពួកគេចង់បានជាយូរមកហើយ។
កាលពីថ្ងៃទី៥ កក្កដា ឆ្នាំ២០១៥ លោក សម រង្ស៊ី បានប្រកាសគោលនយោបាយចំនួន៧ចំណុច របស់គណបក្សសង្គ្រោះជាតិ ជាមួយខ្មែរឥស្លាម ក្នុងពិធីជួបជុំពិសារអាហារស្រាយបួសជាមួយតំណាងខ្មែរឥស្លាមជាង ១០០នាក់ នៅគេហដ្ឋានរបស់លោក ក្នុងរាជធានីភ្នំពេញ។ គោលនយោបាយទាំងនោះរួមមាន បន្តធ្វើអ្វីដែលរដ្ឋាភិបាលបច្ចុប្បន្នកំពុងអនុវត្តន៍ជាមួយសហគមន៍ឥស្លាម ដូចជាការកសាងវិហារ សាលារៀន និងបន្តការបញ្ជូននិស្សិតខ្មែរឥស្លាមទៅសិក្សានៅប្រទេសក្រៅជាដើម។ ផ្តល់ប្រាក់ខែដល់គ្រូបង្រៀនសាសនាប្រចាំខែពីរដ្ឋាភិបាល ជំរុញឲ្យមានការរៀបចំកន្លែងថ្វាយបង្គំនៅតាមទីសាធារណៈ តាមមន្ទីរពេទ្យ សាកលវិទ្យាល័យ សណ្ឋាគារ និងតាមផ្សារទំនើបជាដើម។
ផ្តល់ពេលវេលាផ្សាយនៅក្នុងទូរទស្សន៍ព្រះអាទិត្យ សម្រាប់រៀបចំឲ្យមានកម្មវិធីបែបសាសនា និងសង្គម យ៉ាងហោចណាស់១ម៉ោងក្នុងមួយថ្ងៃ អនុញ្ញាតឲ្យខ្មែរឥស្លាមទាំងអស់អាចឈប់សម្រាករយៈពេល៣ថ្ងៃ នៅថ្ងៃបុណ្យរ៉យ៉ាស្រាយបួស (ចូលឆ្នាំ) និងបីថ្ងៃសម្រាប់បុណ្យរ៉យ៉ាហាជ្ជី។ ធ្វើការពង្រីកស្ថានទូកកម្ពុជានៅតាមប្រទេសឥស្លាមជាមិត្ត និងផ្តល់ឳកាសការងារដល់ខ្មែរឥស្លាមនៅតាមស្ថានទូតទាំងនោះ។ ចុងក្រោយ គឺអនុញ្ញាតឲ្យស្ត្រីខ្មែរឥស្លាម អាចគ្របក្បាល នៅពេលថតរូបធ្វើអត្តសញ្ញាណប័ណ្ណ ឫធ្វើឯកសារផ្លូវការផ្សេង។ល។
លោក ហ៊ីម ខទៀត សាសនិកឥស្លាមនិងជាសមាជិកគណៈកម្មការដឹកនាំក្រុមនិស្សិតមូស្លឹមកម្ពុជា បានហៅការដាក់គោលនយោបាយរបស់បក្សសង្គ្រោះជាតិ ថាមានភាពទាក់ទាញខ្លាំង។ ព្រោះថា បើតាមការពន្យល់របស់លោក ខទៀត វាបានបង្ហាញពីការយកចិត្តទុកដាក់ និងសិទ្ធិសេរីភាពសាសនា របស់ថ្នាក់ដឹកនាំ ក៏ដូចជាបក្សនយោបាយមកលើសហគមន៍ឥស្លាម។ លោក ខទៀត បញ្ជាក់ថា៖« សម្រាប់យើងជាសហគមន៍ឥស្លាម អត់មាននិន្នាការទៅបក្សណាៗខ្លាំងទេ ប៉ុន្តែអ្វីដែលយើងចង់បាន គឺគណបក្សនយោបាយណាក៏ដោយ ឲ្យតែមានការគោរព និងផ្តល់តម្លៃការប្រតិបត្តិ តាមទំនៀមទំលាប់របស់សាសនាឥស្លាម គឺយើងផ្តល់ការគាំទ្រទៅវិញដូចគ្នា។ ឃើញថាកន្លងមក គណបក្សប្រជាជនកម្ពុជាបានជួយយើងច្រើន ដូចជាអនុញ្ញាតឲ្យស្ត្រីឥស្លាមអាចស្លៀកសំលៀកបំពាក់តាមប្រពៃណីនៅក្នុងគ្រឹះស្ថានអប់រំនោះ ឃើញថាគាត់ទទួលបានការចាប់អារម្មណ៍ និងគាំទ្រខ្ពស់...»។
ក្រៅពីចាប់អារម្មណ៍លើការផ្តល់សិទ្ធិឲ្យស្ត្រីអាចពាក់ក្រមានៅពេលថតរូបធ្វើអត្តសញ្ញាណប័ណ្ណហើយនោះ លោក ខទៀត ក៏បានកោតសរសើរចំណុចការផ្តល់ប្រាក់បៀវត្សរ៍ដល់គ្រូបង្រៀនសាសនាផងដែរ។ សម្រាប់លោក ខទៀត វាបានរួមចំណែកទ្រទ្រង់មិនត្រឹមតែជីវភាព តួនៗ (គ្រូបង្រៀន) នៅតាមភូមិឃុំប៉ុណ្ណោះទេ ប៉ុន្តែថែមទាំងរួមចំណែកអភិវឌ្ឍវិស័យអប់រំនៅកម្ពុជាផងដែរ។
ចំណែកលោក ទត សុលហី ជាសមាជិកចលនានិស្សិតខ្មែរឥស្លាមវិញ ក៏បង្ហាញការចាប់អារម្មណ៍ទៅលើគោលនយោបាយខាងដើមដែរ។ សម្រាប់លោក សុលហី អ្វីដែលលោកចាប់អារម្មណ៍ខ្លាំង រួមមានការផ្តល់ម៉ោងផ្សាយរបស់ទូរទស្សន៍សង្គ្រោះជាតិ ការរៀបចំឲ្យមានកន្លែងថ្វាយបង្គំនៅកន្លែងសាធារណៈ និងជាពិសេស ការបើកសិទ្ធិឲ្យស្ត្រីពាក់ក្រមាពេលថតរូបធ្វើអត្តសញ្ញាណប័ណ្ណ។ ត្រង់ចំណុចនេះ លោក សុលហី ពន្យល់ថា វាពិតជាមានសារសំខាន់ណាស់ ពេលអត្តសញ្ញាណរបស់បុគ្គលមួយៗត្រូវបានបង្ហាញជាសាធារណៈ និងអន្តរជាតិ។ លោកពន្យល់ថា៖« ឧទាហរណ៍ ប្រសិនបើយើងមានគ្រោះថ្នាក់ ឫស្លាប់ នៅកន្លែងណាមួយចឹង ពេលគេឃើញអត្តសញ្ញាណប័ណ្ណ ឫលិខិតឆ្លងដែនយើង នោះគេនឹងដឹងថាយើងជាឥស្លាម ឫមិនមែន។ បើសិនគេឃើញយើងពាក់ក្រមា គេនឹងដឹងភ្លាមថាយើងជាឥស្លាម ដូច្នេះគេអាចបញ្ជូនយើងទៅកន្លែងឥស្លាម ដើម្បីធ្វើបុណ្យតាមប្រពៃណី។ ចុះបើគេមិនដឹងវិញ»។
ដោយឡែកលោក ស្លេះ ណាស៊ី ប្រធានមជ្ឈមណ្ឌលព័ត៌មានមូស្លឹមកម្ពុជានោះវិញ បានសាទរចំពោះគោលនយោបាយទាំង៧ចំណុចរបស់គណបក្សសង្គ្រោះជាតិ ព្រោះថា វាសុទ្ធសឹងបានបម្រើផលប្រយោជន៍ដល់សហគមន៍ខ្មែរឥស្លាម។ បើទោះជាមិនទាន់មានក្តីរំពឹងខ្លាំងចំពោះគោលនយោបាយទាំងនោះយ៉ាងណាក្តី តែលោក ណាស៊ី ហាក់ចាប់អារម្មណ៍ខ្លាំងចំពោះ ការរៀបចំឲ្យមានប្រាក់ខែគ្រូបង្រៀនសាសនានៅតាមភូមិឃុំនានា ក្នុងប្រទេសកម្ពុជា ដូចទៅនឹងគ្រូបង្រៀនក្នុងស្ថាប័នរដ្ឋដូច្នោះដែរ។ លោក ណាស៊ី ពន្យល់ថា៖« ទាក់ទងនឹងប្រាក់ខែគ្រូបង្រៀន គឺវាទាក់ទងនឹងការវិវត្តន៍ធនធានមនុស្សនៅតាមសហគមន៍ខ្មែរឥស្លាម។ ឃើញថា បច្ចុប្បន្ននៅតាមសាលារៀនសាសនាឥស្លាម គ្រូបង្រៀនខ្លួនឯងបង្រៀនដោយមិនមានប្រាក់ខែច្បាស់លាស់។ ប្រសិនណាគ្មានប្រាក់ខែច្បាស់លាស់ហើយនោះ គុណភាពនៃការអប់រំក៏ទៅតាមហ្នឹងដែរ។ ដូច្នេះបើសិនមានប្រាក់ខែត្រឹមត្រូវ ឫក៏អាចបញ្ចូលពួកគាត់ឲ្យចូលក្នុងក្របខណ្ឌមន្ត្រីរាជការតែម្តង គឺរិតតែប្រសើរ»។
ក្រៅពីចាប់អារម្មណ៍ទៅលើគោលនយោបាយខាងដើមហើយនោះ យុវជនខ្មែរឥស្លាមក៏បានមើលឃើញនូវចំណុចមួយចំនួនទៀតដែរ ដែលថ្នាក់ដឹកនាំគួរធ្វើ ក៏ដូចជាបំណងរបស់សហគមន៍ខ្មែរឥស្លាមផងនោះ។ លោក ទត សុលហី៖« នៅពេលដែលគណបក្សសង្គ្រោះជាតិឈ្នះឆ្នោតតែម្តង ខ្ញុំចង់សុំប្រេកង់វិទ្យុ និងទូរទស្សន៍ ដាច់ដោយឡែកតែម្តង ឲ្យដូចទៅនឹងប្រទេសថៃ ដែលគេមានប៉ុស្តិ៍ទូរទស្សន៍ឥស្លាមដាច់ពីរដ្ឋាភិបាល»។ លោក ហ៊ីម ខទៀត និងលោក ស្លេះ ណាស៊ី វិញ ចង់ឲ្យមានការរៀបចំកម្មវិធីអប់រំតាមស្តង់ដា និងជាលក្ខណៈថ្នាក់ជាតិមួយសម្រាប់សហគមន៍ខ្មែរឥស្លាម ដែលសព្វថ្ងៃការបង្រៀនពុំមានរចនាសម្ព័ន្ធត្រឹមត្រូវ។ ស្នើឲ្យរៀបចំគណៈដឹកនាំជាន់ខ្ពស់នៃសាសនាឥស្លាមកម្ពុជាឡើងវិញ គឺរៀបចំឲ្យមានអាណត្តិត្រឹមត្រូវ ឲ្យប្រជាពលរដ្ឋបោះឆ្នោត ដើម្បីឲ្យមានតម្លាភាព ជៀសវាងការរៀបចំ និងគ្រប់គ្រងដោយគណបក្សនយោបាយណាមួយ។ល។
បើទោះជាគោលនយោបាយរបស់គណបក្សសង្គ្រោះជាតិ មានការសាទរច្រើនពីសាសនិកខ្មែរឥស្លាមនៅកម្ពុជាយ៉ាងណាក្តី តែមិនប្រាកដថា វានឹងផ្តល់ការគាំទ្រច្រើននោះដែរ។ ក្រុមយុវជនខ្មែរឥស្លាមបញ្ជាក់ថា ពួកគេនឹងរង់ចាំមើលចំពោះការអនុវត្តជាក់ស្តែង។ មានតែការអនុវត្តទេ ដែលអាចឲ្យគេដឹងថា តើមេដឹកនាំណាដែលប្រជាពលរដ្ឋត្រូវការពិតប្រាកដ៕
យុវជនខ្មែរឥស្លាមមួយក្រុម បានសម្តែងការគាំទ្រចំពោះគោលនយោបាយរបស់គណបក្សសង្គ្រោះជាតិ ដែលនឹងអនុញ្ញាតឲ្យស្ត្រីខ្មែរឥស្លាមអាចពាក់កន្សែងក្រមា នៅពេលពួកគេធ្វើអត្តសញ្ញាណប័ណ្ណ លិខិតឆ្លងដែន ឫលិខិតស្នាមផ្សេងៗជាដើម ។ ពួកគេបានហៅគោលការណ៍នេះថា ជាអ្វីដែលពួកគេចង់បានជាយូរមកហើយ។
កាលពីថ្ងៃទី៥ កក្កដា ឆ្នាំ២០១៥ លោក សម រង្ស៊ី បានប្រកាសគោលនយោបាយចំនួន៧ចំណុច របស់គណបក្សសង្គ្រោះជាតិ ជាមួយខ្មែរឥស្លាម ក្នុងពិធីជួបជុំពិសារអាហារស្រាយបួសជាមួយតំណាងខ្មែរឥស្លាមជាង ១០០នាក់ នៅគេហដ្ឋានរបស់លោក ក្នុងរាជធានីភ្នំពេញ។ គោលនយោបាយទាំងនោះរួមមាន បន្តធ្វើអ្វីដែលរដ្ឋាភិបាលបច្ចុប្បន្នកំពុងអនុវត្តន៍ជាមួយសហគមន៍ឥស្លាម ដូចជាការកសាងវិហារ សាលារៀន និងបន្តការបញ្ជូននិស្សិតខ្មែរឥស្លាមទៅសិក្សានៅប្រទេសក្រៅជាដើម។ ផ្តល់ប្រាក់ខែដល់គ្រូបង្រៀនសាសនាប្រចាំខែពីរដ្ឋាភិបាល ជំរុញឲ្យមានការរៀបចំកន្លែងថ្វាយបង្គំនៅតាមទីសាធារណៈ តាមមន្ទីរពេទ្យ សាកលវិទ្យាល័យ សណ្ឋាគារ និងតាមផ្សារទំនើបជាដើម។
ផ្តល់ពេលវេលាផ្សាយនៅក្នុងទូរទស្សន៍ព្រះអាទិត្យ សម្រាប់រៀបចំឲ្យមានកម្មវិធីបែបសាសនា និងសង្គម យ៉ាងហោចណាស់១ម៉ោងក្នុងមួយថ្ងៃ អនុញ្ញាតឲ្យខ្មែរឥស្លាមទាំងអស់អាចឈប់សម្រាករយៈពេល៣ថ្ងៃ នៅថ្ងៃបុណ្យរ៉យ៉ាស្រាយបួស (ចូលឆ្នាំ) និងបីថ្ងៃសម្រាប់បុណ្យរ៉យ៉ាហាជ្ជី។ ធ្វើការពង្រីកស្ថានទូកកម្ពុជានៅតាមប្រទេសឥស្លាមជាមិត្ត និងផ្តល់ឳកាសការងារដល់ខ្មែរឥស្លាមនៅតាមស្ថានទូតទាំងនោះ។ ចុងក្រោយ គឺអនុញ្ញាតឲ្យស្ត្រីខ្មែរឥស្លាម អាចគ្របក្បាល នៅពេលថតរូបធ្វើអត្តសញ្ញាណប័ណ្ណ ឫធ្វើឯកសារផ្លូវការផ្សេង។ល។
លោក ហ៊ីម ខទៀត សាសនិកឥស្លាមនិងជាសមាជិកគណៈកម្មការដឹកនាំក្រុមនិស្សិតមូស្លឹមកម្ពុជា បានហៅការដាក់គោលនយោបាយរបស់បក្សសង្គ្រោះជាតិ ថាមានភាពទាក់ទាញខ្លាំង។ ព្រោះថា បើតាមការពន្យល់របស់លោក ខទៀត វាបានបង្ហាញពីការយកចិត្តទុកដាក់ និងសិទ្ធិសេរីភាពសាសនា របស់ថ្នាក់ដឹកនាំ ក៏ដូចជាបក្សនយោបាយមកលើសហគមន៍ឥស្លាម។ លោក ខទៀត បញ្ជាក់ថា៖« សម្រាប់យើងជាសហគមន៍ឥស្លាម អត់មាននិន្នាការទៅបក្សណាៗខ្លាំងទេ ប៉ុន្តែអ្វីដែលយើងចង់បាន គឺគណបក្សនយោបាយណាក៏ដោយ ឲ្យតែមានការគោរព និងផ្តល់តម្លៃការប្រតិបត្តិ តាមទំនៀមទំលាប់របស់សាសនាឥស្លាម គឺយើងផ្តល់ការគាំទ្រទៅវិញដូចគ្នា។ ឃើញថាកន្លងមក គណបក្សប្រជាជនកម្ពុជាបានជួយយើងច្រើន ដូចជាអនុញ្ញាតឲ្យស្ត្រីឥស្លាមអាចស្លៀកសំលៀកបំពាក់តាមប្រពៃណីនៅក្នុងគ្រឹះស្ថានអប់រំនោះ ឃើញថាគាត់ទទួលបានការចាប់អារម្មណ៍ និងគាំទ្រខ្ពស់...»។
ក្រៅពីចាប់អារម្មណ៍លើការផ្តល់សិទ្ធិឲ្យស្ត្រីអាចពាក់ក្រមានៅពេលថតរូបធ្វើអត្តសញ្ញាណប័ណ្ណហើយនោះ លោក ខទៀត ក៏បានកោតសរសើរចំណុចការផ្តល់ប្រាក់បៀវត្សរ៍ដល់គ្រូបង្រៀនសាសនាផងដែរ។ សម្រាប់លោក ខទៀត វាបានរួមចំណែកទ្រទ្រង់មិនត្រឹមតែជីវភាព តួនៗ (គ្រូបង្រៀន) នៅតាមភូមិឃុំប៉ុណ្ណោះទេ ប៉ុន្តែថែមទាំងរួមចំណែកអភិវឌ្ឍវិស័យអប់រំនៅកម្ពុជាផងដែរ។
ចំណែកលោក ទត សុលហី ជាសមាជិកចលនានិស្សិតខ្មែរឥស្លាមវិញ ក៏បង្ហាញការចាប់អារម្មណ៍ទៅលើគោលនយោបាយខាងដើមដែរ។ សម្រាប់លោក សុលហី អ្វីដែលលោកចាប់អារម្មណ៍ខ្លាំង រួមមានការផ្តល់ម៉ោងផ្សាយរបស់ទូរទស្សន៍សង្គ្រោះជាតិ ការរៀបចំឲ្យមានកន្លែងថ្វាយបង្គំនៅកន្លែងសាធារណៈ និងជាពិសេស ការបើកសិទ្ធិឲ្យស្ត្រីពាក់ក្រមាពេលថតរូបធ្វើអត្តសញ្ញាណប័ណ្ណ។ ត្រង់ចំណុចនេះ លោក សុលហី ពន្យល់ថា វាពិតជាមានសារសំខាន់ណាស់ ពេលអត្តសញ្ញាណរបស់បុគ្គលមួយៗត្រូវបានបង្ហាញជាសាធារណៈ និងអន្តរជាតិ។ លោកពន្យល់ថា៖« ឧទាហរណ៍ ប្រសិនបើយើងមានគ្រោះថ្នាក់ ឫស្លាប់ នៅកន្លែងណាមួយចឹង ពេលគេឃើញអត្តសញ្ញាណប័ណ្ណ ឫលិខិតឆ្លងដែនយើង នោះគេនឹងដឹងថាយើងជាឥស្លាម ឫមិនមែន។ បើសិនគេឃើញយើងពាក់ក្រមា គេនឹងដឹងភ្លាមថាយើងជាឥស្លាម ដូច្នេះគេអាចបញ្ជូនយើងទៅកន្លែងឥស្លាម ដើម្បីធ្វើបុណ្យតាមប្រពៃណី។ ចុះបើគេមិនដឹងវិញ»។
ដោយឡែកលោក ស្លេះ ណាស៊ី ប្រធានមជ្ឈមណ្ឌលព័ត៌មានមូស្លឹមកម្ពុជានោះវិញ បានសាទរចំពោះគោលនយោបាយទាំង៧ចំណុចរបស់គណបក្សសង្គ្រោះជាតិ ព្រោះថា វាសុទ្ធសឹងបានបម្រើផលប្រយោជន៍ដល់សហគមន៍ខ្មែរឥស្លាម។ បើទោះជាមិនទាន់មានក្តីរំពឹងខ្លាំងចំពោះគោលនយោបាយទាំងនោះយ៉ាងណាក្តី តែលោក ណាស៊ី ហាក់ចាប់អារម្មណ៍ខ្លាំងចំពោះ ការរៀបចំឲ្យមានប្រាក់ខែគ្រូបង្រៀនសាសនានៅតាមភូមិឃុំនានា ក្នុងប្រទេសកម្ពុជា ដូចទៅនឹងគ្រូបង្រៀនក្នុងស្ថាប័នរដ្ឋដូច្នោះដែរ។ លោក ណាស៊ី ពន្យល់ថា៖« ទាក់ទងនឹងប្រាក់ខែគ្រូបង្រៀន គឺវាទាក់ទងនឹងការវិវត្តន៍ធនធានមនុស្សនៅតាមសហគមន៍ខ្មែរឥស្លាម។ ឃើញថា បច្ចុប្បន្ននៅតាមសាលារៀនសាសនាឥស្លាម គ្រូបង្រៀនខ្លួនឯងបង្រៀនដោយមិនមានប្រាក់ខែច្បាស់លាស់។ ប្រសិនណាគ្មានប្រាក់ខែច្បាស់លាស់ហើយនោះ គុណភាពនៃការអប់រំក៏ទៅតាមហ្នឹងដែរ។ ដូច្នេះបើសិនមានប្រាក់ខែត្រឹមត្រូវ ឫក៏អាចបញ្ចូលពួកគាត់ឲ្យចូលក្នុងក្របខណ្ឌមន្ត្រីរាជការតែម្តង គឺរិតតែប្រសើរ»។
ក្រៅពីចាប់អារម្មណ៍ទៅលើគោលនយោបាយខាងដើមហើយនោះ យុវជនខ្មែរឥស្លាមក៏បានមើលឃើញនូវចំណុចមួយចំនួនទៀតដែរ ដែលថ្នាក់ដឹកនាំគួរធ្វើ ក៏ដូចជាបំណងរបស់សហគមន៍ខ្មែរឥស្លាមផងនោះ។ លោក ទត សុលហី៖« នៅពេលដែលគណបក្សសង្គ្រោះជាតិឈ្នះឆ្នោតតែម្តង ខ្ញុំចង់សុំប្រេកង់វិទ្យុ និងទូរទស្សន៍ ដាច់ដោយឡែកតែម្តង ឲ្យដូចទៅនឹងប្រទេសថៃ ដែលគេមានប៉ុស្តិ៍ទូរទស្សន៍ឥស្លាមដាច់ពីរដ្ឋាភិបាល»។ លោក ហ៊ីម ខទៀត និងលោក ស្លេះ ណាស៊ី វិញ ចង់ឲ្យមានការរៀបចំកម្មវិធីអប់រំតាមស្តង់ដា និងជាលក្ខណៈថ្នាក់ជាតិមួយសម្រាប់សហគមន៍ខ្មែរឥស្លាម ដែលសព្វថ្ងៃការបង្រៀនពុំមានរចនាសម្ព័ន្ធត្រឹមត្រូវ។ ស្នើឲ្យរៀបចំគណៈដឹកនាំជាន់ខ្ពស់នៃសាសនាឥស្លាមកម្ពុជាឡើងវិញ គឺរៀបចំឲ្យមានអាណត្តិត្រឹមត្រូវ ឲ្យប្រជាពលរដ្ឋបោះឆ្នោត ដើម្បីឲ្យមានតម្លាភាព ជៀសវាងការរៀបចំ និងគ្រប់គ្រងដោយគណបក្សនយោបាយណាមួយ។ល។
បើទោះជាគោលនយោបាយរបស់គណបក្សសង្គ្រោះជាតិ មានការសាទរច្រើនពីសាសនិកខ្មែរឥស្លាមនៅកម្ពុជាយ៉ាងណាក្តី តែមិនប្រាកដថា វានឹងផ្តល់ការគាំទ្រច្រើននោះដែរ។ ក្រុមយុវជនខ្មែរឥស្លាមបញ្ជាក់ថា ពួកគេនឹងរង់ចាំមើលចំពោះការអនុវត្តជាក់ស្តែង។ មានតែការអនុវត្តទេ ដែលអាចឲ្យគេដឹងថា តើមេដឹកនាំណាដែលប្រជាពលរដ្ឋត្រូវការពិតប្រាកដ៕
© រក្សាសិទ្ធិដោយ thmeythmey.com
