ជាតិ
សង្គមជាតិ
មន្ត្រីក្រសួងមហាផ្ទៃនិងមន្ត្រីព្រំដែននឹងជជែកគ្នាជំរុញឲ្យអាជ្ញាធរការពារសុវត្ថិភាពពលរដ្ឋតាមព្រំដែន
×![]()
ដោយ: ម៉ៅ សុផា
រដ្ឋមន្ត្រីក្រសួងមហាផ្ទៃ លោក ស ខេង បានប្រកាសថា នៅសប្តាហ៍ក្រោយនេះ មន្ត្រីក្រសួងមហាផ្ទៃរបស់លោក និងជួបប្រជុំគ្នា ជាមួយមន្ត្រីគណៈកម្មាធិការព្រំដែនកម្ពុជា ដើម្បីស្វែងរកវិធី និងជំរុញឲ្យអាជ្ញាធរថ្នាក់ក្រោមជាតិ ក្តាប់សភាពការណ៍តាមព្រំដែនឲ្យបាន ក្នុងទិសដៅថែរក្សាសុវត្ថិភាពរបស់ពលរដ្ឋដែលរស់នៅតាមព្រំដែន។ 
នៅថ្ងៃទី ១៤ ខែកក្កដា សប្តាហ៍ក្រោយនេះ ក្រសួងមហាផ្ទៃ នឹងបើកកិច្ចប្រជុំរួមគ្នាជាមួយគណៈកម្មធិការព្រំដែន ក្នុងគោលដៅឲ្យអាជ្ញាធរថ្នាក់ក្រោមជាតិ បន្ថែមការយកចិត្តទុកដាក់ ការពារប្រជាពលរដ្ឋនៅតាមព្រំដែន ដែលកំពុងមានជម្លោះជាមួយប្រទេសជិតខាង។ នេះជាប្រសាសន៍របស់លោក រដ្ឋមន្ត្រីក្រសួងមហាផ្ទៃ នៅក្នុងពិធីប្រកាសមុខតំណែងអនុរដ្ឋលេខាធិការថ្មីចំនួន ៧ រូបរបស់ក្រសួងមហាផ្ទៃ និងបំពាក់ឋាន្តរសក្តិដល់នគរបាលជាតិ នៅទីស្តីការក្រសួងមហាផ្ទៃនៅថ្ងៃពុធនេះ។
លោក ស ខេង បានបញ្ជាក់យ៉ាងនេះថា៖« កិច្ចប្រជុំនេះ ដើម្បីជំរុញឲ្យអភិបាលខេត្ត អភិបាលស្រុក ទាំងប៉ូលិស នគរបាល ត្រូវចុះទៅមើលព្រំដែន ដើម្បីក្តាប់ស្ថានការណ៍នៅតាមព្រំដែនឲ្យបានគ្រប់ជ្រុងជ្រោយ ហើយដើម្បីងាយស្រួលក្នុងការការពារសុវត្ថិភាពប្រជាពលរដ្ឋនៅតាមព្រំដែន ដែលកំពុងមានជម្លោះជាមួយប្រទេសជិតខាង» ។
សូមបញ្ជាក់ថា ក្នុងរយៈពេលចុងក្រោយនេះ បញ្ហាព្រំដែនកម្ពុជា និងវៀតណាម បានផ្ទុះឡើងវិញ ក្រោយពីតំណាងរាស្ត្រគណបក្សសង្គ្រោះជាតិ និងសិស្ស និស្សិត ព្រះសង្ឃ មួយចំនួន បានធ្វើដំណើរទៅពិនិត្យមើលបង្គោលព្រំដែនកម្ពុជា-វៀតណាម។ កាលពីថ្ងៃទី ២៨ ខែមិថុនា កន្លងទៅ សកម្មជនមួយចំនួននិងតំណាងរាស្ត្រគណបក្សសង្គ្រោះជាតិមានលោក រៀល ខេមរិន្ទ្រ និងលោក អ៊ុំ សំអាន ជាដើម បានប៉ះទង្គិចគ្នាជាមួយអាជ្ញាធរ និងប្រជាជនវៀតណាម នៅត្រង់ចំណុច ភូមិធ្លក ឃុំត្នោត ស្រុកកំពង់រោទិ៍ ខែត្រ ស្វាយរៀង។ ក្រោយអំពើហិង្សា ក្រសួងការបរទេសវៀតណាម បានចេញលិខិតថ្កោលទោសសកម្មជន និងតំណាងរាស្ត្របក្សប្រឆាំងទាំងនោះផងដែរ៕
នៅថ្ងៃទី ១៤ ខែកក្កដា សប្តាហ៍ក្រោយនេះ ក្រសួងមហាផ្ទៃ នឹងបើកកិច្ចប្រជុំរួមគ្នាជាមួយគណៈកម្មធិការព្រំដែន ក្នុងគោលដៅឲ្យអាជ្ញាធរថ្នាក់ក្រោមជាតិ បន្ថែមការយកចិត្តទុកដាក់ ការពារប្រជាពលរដ្ឋនៅតាមព្រំដែន ដែលកំពុងមានជម្លោះជាមួយប្រទេសជិតខាង។ នេះជាប្រសាសន៍របស់លោក រដ្ឋមន្ត្រីក្រសួងមហាផ្ទៃ នៅក្នុងពិធីប្រកាសមុខតំណែងអនុរដ្ឋលេខាធិការថ្មីចំនួន ៧ រូបរបស់ក្រសួងមហាផ្ទៃ និងបំពាក់ឋាន្តរសក្តិដល់នគរបាលជាតិ នៅទីស្តីការក្រសួងមហាផ្ទៃនៅថ្ងៃពុធនេះ។
លោក ស ខេង បានបញ្ជាក់យ៉ាងនេះថា៖« កិច្ចប្រជុំនេះ ដើម្បីជំរុញឲ្យអភិបាលខេត្ត អភិបាលស្រុក ទាំងប៉ូលិស នគរបាល ត្រូវចុះទៅមើលព្រំដែន ដើម្បីក្តាប់ស្ថានការណ៍នៅតាមព្រំដែនឲ្យបានគ្រប់ជ្រុងជ្រោយ ហើយដើម្បីងាយស្រួលក្នុងការការពារសុវត្ថិភាពប្រជាពលរដ្ឋនៅតាមព្រំដែន ដែលកំពុងមានជម្លោះជាមួយប្រទេសជិតខាង» ។
សូមបញ្ជាក់ថា ក្នុងរយៈពេលចុងក្រោយនេះ បញ្ហាព្រំដែនកម្ពុជា និងវៀតណាម បានផ្ទុះឡើងវិញ ក្រោយពីតំណាងរាស្ត្រគណបក្សសង្គ្រោះជាតិ និងសិស្ស និស្សិត ព្រះសង្ឃ មួយចំនួន បានធ្វើដំណើរទៅពិនិត្យមើលបង្គោលព្រំដែនកម្ពុជា-វៀតណាម។ កាលពីថ្ងៃទី ២៨ ខែមិថុនា កន្លងទៅ សកម្មជនមួយចំនួននិងតំណាងរាស្ត្រគណបក្សសង្គ្រោះជាតិមានលោក រៀល ខេមរិន្ទ្រ និងលោក អ៊ុំ សំអាន ជាដើម បានប៉ះទង្គិចគ្នាជាមួយអាជ្ញាធរ និងប្រជាជនវៀតណាម នៅត្រង់ចំណុច ភូមិធ្លក ឃុំត្នោត ស្រុកកំពង់រោទិ៍ ខែត្រ ស្វាយរៀង។ ក្រោយអំពើហិង្សា ក្រសួងការបរទេសវៀតណាម បានចេញលិខិតថ្កោលទោសសកម្មជន និងតំណាងរាស្ត្របក្សប្រឆាំងទាំងនោះផងដែរ៕
© រក្សាសិទ្ធិដោយ thmeythmey.com
