ជាតិ
នយោបាយជាតិ
មនុស្សជិត១ពាន់នាក់ត្រៀមចូលរួមចុះត្រួតពិនិត្យព្រំដែនជាមួយលោក រៀល ខេមរិន្ទ្រ
×![]()
គិតត្រឹមថ្ងៃទី៨ កក្កដានេះ មានប្រជាពលរដ្ឋ យុវជន និងព្រះសង្ឃ ជិត១ពាន់នាក់ហើយ ដែលបានត្រៀមខ្លួនចុះទៅត្រួតពិនិត្យព្រំដែន នៅថ្ងៃទី១៩ កក្កដា ជាមួយលោក រៀល ខេមរិន្ទ្រ តំណាងរាស្ត្រគណបក្សសង្គ្រោះជាតិ។
លោក រៀល ខេមរិន្ទ្រ ដែលជាដឹកនាំប្រជាពលរដ្ឋចុះត្រួតពិនិត្យព្រំដែន បានបញ្ជាក់ថា លោកបានទទួលចំនួនអ្នកចូលរួម ពីតំណាងប្រជាពលរដ្ឋនៅរាជធានីភ្នំពេញ និងតាមបណ្ដាខេត្តជាបណ្ដើរៗហើយ ដែលមានអ្នកចូលរួមជិត១ពាន់នាក់។ លោក រៀល ខេមរិន្ទ្រ បន្ថែមថា ចំនួនអ្នកចូលរួមចុះត្រួតពិនិត្យព្រំដែន នឹងកើនឡើងលើសពីនេះ ខណៈដែលរូបលោកកំពុងរៀបចំមធ្យោបាយធ្វើដំណើរ។ ថ្លែងប្រាប់សារព័ត៌មានថ្មីៗ តំណាងរាស្ត្រគណបក្សសង្គ្រោះជាតិមណ្ឌលស្វាយរៀងរូបនេះ បានអះអាងយ៉ាងដូច្នេះថា៖«នៅពេលនេះក្នុងនាមខ្ញុំជាតំណាងរាស្ត្រដែលដឹកនាំពលរដ្ឋ យុវជន ព្រះសង្ឃ កំពុងរកមធ្យោបាយរៀបចំការធ្វើដំណើរ ដើម្បីធានាសុវត្ថិភាពជូនពួកគេ។ហើយខ្ញុំជឿថាចំនួនអ្នកចូលរួមនឹងកើនឡើងជាង១ពាន់នាក់នៅថ្ងៃទី១៩កក្កដា»។
កាលពីថ្ងៃទី០៧ កក្កដា លោក រៀល ខេមរិន្ទ្រ បានសរសេរលិខិតជូនដំណឹងទៅកាន់ អភិបាលនៃគណៈអភិបាលខេត្តស្វាយរៀង ដើម្បីស្នើសុំចុះត្រួតពិនិត្យព្រំដែនកម្ពុជា-វៀតណាមលេខ ២០២ និង២០៣ ស្ថិតនៅភូមិធ្លក ឃុំត្នោត ស្រុកកំពង់រោទិ៍ ខេត្តស្វាយរៀង។
ទន្ទឹមនឹងការដឹកនាំប្រជាពលរដ្ឋចុះត្រួតពិនិត្យព្រំដែន នៅថ្ងៃទី១៩ កក្កដា ខាងមុខនេះ លោក រៀល ខេមរិន្ទ្រ ក៏បានបបួលលោក វ៉ា គឹមហុង ទេសរដ្ឋមន្ត្រីទទួលបន្ទុកកិច្ចការព្រំដែន និងជាប្រធានកិច្ចការចម្រុះព្រំដែន ទៅត្រួតពិនិត្យព្រំដែនជាមួយគ្នាដែរ តែត្រូវបានលោក វ៉ា គឹមហុង បដិសេធ៕
លោក រៀល ខេមរិន្ទ្រ ដែលជាដឹកនាំប្រជាពលរដ្ឋចុះត្រួតពិនិត្យព្រំដែន បានបញ្ជាក់ថា លោកបានទទួលចំនួនអ្នកចូលរួម ពីតំណាងប្រជាពលរដ្ឋនៅរាជធានីភ្នំពេញ និងតាមបណ្ដាខេត្តជាបណ្ដើរៗហើយ ដែលមានអ្នកចូលរួមជិត១ពាន់នាក់។ លោក រៀល ខេមរិន្ទ្រ បន្ថែមថា ចំនួនអ្នកចូលរួមចុះត្រួតពិនិត្យព្រំដែន នឹងកើនឡើងលើសពីនេះ ខណៈដែលរូបលោកកំពុងរៀបចំមធ្យោបាយធ្វើដំណើរ។ ថ្លែងប្រាប់សារព័ត៌មានថ្មីៗ តំណាងរាស្ត្រគណបក្សសង្គ្រោះជាតិមណ្ឌលស្វាយរៀងរូបនេះ បានអះអាងយ៉ាងដូច្នេះថា៖«នៅពេលនេះក្នុងនាមខ្ញុំជាតំណាងរាស្ត្រដែលដឹកនាំពលរដ្ឋ យុវជន ព្រះសង្ឃ កំពុងរកមធ្យោបាយរៀបចំការធ្វើដំណើរ ដើម្បីធានាសុវត្ថិភាពជូនពួកគេ។ហើយខ្ញុំជឿថាចំនួនអ្នកចូលរួមនឹងកើនឡើងជាង១ពាន់នាក់នៅថ្ងៃទី១៩កក្កដា»។
កាលពីថ្ងៃទី០៧ កក្កដា លោក រៀល ខេមរិន្ទ្រ បានសរសេរលិខិតជូនដំណឹងទៅកាន់ អភិបាលនៃគណៈអភិបាលខេត្តស្វាយរៀង ដើម្បីស្នើសុំចុះត្រួតពិនិត្យព្រំដែនកម្ពុជា-វៀតណាមលេខ ២០២ និង២០៣ ស្ថិតនៅភូមិធ្លក ឃុំត្នោត ស្រុកកំពង់រោទិ៍ ខេត្តស្វាយរៀង។
ទន្ទឹមនឹងការដឹកនាំប្រជាពលរដ្ឋចុះត្រួតពិនិត្យព្រំដែន នៅថ្ងៃទី១៩ កក្កដា ខាងមុខនេះ លោក រៀល ខេមរិន្ទ្រ ក៏បានបបួលលោក វ៉ា គឹមហុង ទេសរដ្ឋមន្ត្រីទទួលបន្ទុកកិច្ចការព្រំដែន និងជាប្រធានកិច្ចការចម្រុះព្រំដែន ទៅត្រួតពិនិត្យព្រំដែនជាមួយគ្នាដែរ តែត្រូវបានលោក វ៉ា គឹមហុង បដិសេធ៕
© រក្សាសិទ្ធិដោយ thmeythmey.com
