កងទ័ពអាមេរិកនឹងកាត់បន្ថយចំនួន ៤ ម៉ឺននាក់ក្នុងរយៈពេលពីរឆ្នាំខាងមុខ

អន្តរជាតិ

កងទ័ពអាមេរិកនឹងកាត់បន្ថយចំនួន ៤ ម៉ឺននាក់ក្នុងរយៈពេលពីរឆ្នាំខាងមុខ

08, Jul 2015 , 8:39 pm

រូបភាព

ដោយ: ធីតា

សហរដ្ឋអាមេរិកគ្រោងនឹងកាត់បន្ថយកងទ័ពជើងគោករបស់ខ្លួនចំនួន ៤ ម៉ឺននាក់ក្នុងរយៈពេលពីរឆ្នាំខាងមុខ។ វិធានការនេះនឹងមានផលវិបាកទាំងក្នុងប្រទេសរបស់ខ្លួន និងក្នុងការឈរជើងរបស់កងទ័ពនៅបរទេសផងដែរ នេះបើតាមសេចក្តីរាយការណ៍របស់សារព័ត៌មាន USA Today កាលពីថ្ងៃអង្គារកន្លងទៅនេះ។

កាសែតនេះបានបន្ថែមទៀតថា ផែនការកាត់បន្ថយនេះនឹងពាក់ព័ន្ធជនស៊ីវិលចំនួន ១៧ ០០០ នាក់។ ដូច្នេះ កងទ័ពដែលកំពុងបម្រើការបច្ចុប្បន្នក្នុងជួរទ័ពអាមេរិកនឹងធ្លាក់ចុះពី ៤៩០ ០០០ នាក់មកត្រឹម ៤៥០ ០០០ នាក់ ដែលតួលេខនេះនឹងក្លាយជាតួលេខកម្រិតទាបបំផុត ចាប់តាំងពីការសន្យារបស់សហរដ្ឋអាមេរិកនៅក្នុងសម័យសង្គ្រាមលោកលើកទីពីរ ក្រោយការវាយប្រហារលើមូលដ្ឋាន Pearl Harbour នៅខែធ្នូ ឆ្នាំ១៩៤១ ។

ផែនការកាត់បន្ថយកងទ័ពនេះត្រូវបានប្រកាសឲ្យដឹងកាលពីខែកុម្ភៈ ឆ្នាំ២០១៤ ខណៈដែលលោក Chuck Hagel នៅធ្វើជាលេខាក្រសួងការពារជាតិនៅឡើយ ហើយលោកបានបង្ហាញពីផែនការនេះនៅក្នុងគម្រោងថវិការបស់បន្ទាយ Pentagone ប្រចាំឆ្នាំ២០១៥ ។

អ្នកទទួលខុសត្រូវមួយរូបនៃក្រសួងការពារជាតិអាមេរិកបានបញ្ជាក់ថា ស្ថាប័នកងទ័ពនឹងផ្សព្វផ្សាយព័ត៌មានលម្អិតជាសាធារណៈនៅថ្ងៃព្រហស្បត្តិ៍ស្អែកទាក់ទិននឹងផែនការនេះ។ គួរបញ្ជាក់ថា វិធានការនេះគឺជាផែនការកាត់បន្ថយខ្ទង់ចំណាយចំនួន ១ ០០០ ០០០ លានដុល្លារក្នុងវិស័យការពារជាតិក្នុងរយៈពេល ១០ ឆ្នាំ៕

សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម

6 ថ្ងៃ

«ប្រទានកម្ម»មានន័យដូចម្តេច?

4 ម៉ោង

«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!

1 សប្តាហ៍

តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?

1 ថ្ងៃ

«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?

2 ថ្ងៃ

អត្ថបទពេញនិយមបន្ថែម