ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
សង្គមជាតិ
នាយករដ្ឋមន្ត្រីបង្ហាញវត្តមានក្នុងពិធីអាហារស្រាយបួសស្ងាត់ៗបង្កភាពភ្ញាក់ផ្អើល
09, Jul 2015 ,
12:50 pm
រូបភាព
រូបភាព៖ ហ្វេសប៊ុក
×
ដោយ:
អុីសា រ៉ហានី (Isa Rohany)
ភ្នំពេញ៖ លោកនាយករដ្ឋមន្ត្រី ហ៊ុន សែន បានធ្វើឲ្យមានការភ្ញាក់ផ្អើលកាលពីម្សិលមិញ នៅពេលលោកបង្ហាញវត្តមានដ៏កម្រមួយនៅក្នុងវិហារឥស្លាមមួយកន្លែងក្នុងរាជធានីភ្នំពេញ។ លោកនាយករដ្ឋមន្ត្រី បានចូលរួមពិធីអាហារស្រាយបួសជាមួយសាសនិកឥស្លាមនៅទីនោះដោយស្ងាត់ៗ គឺមិនបានរៀបចំពិធីធំដុំដូចមុនៗទេ ដែលការណ៍នេះធ្វើឲ្យសាសនិកឥស្លាម សិស្សនិស្សិតនៅទីនោះ មានការភ្ញាក់ផ្អើលជាខ្លាំងនឹងវត្តមានរបស់លោក។
សាសនិកឥស្លាមនៅតំបន់បឹងកក់ បង្ហាញភាពភ្ញាក់ផ្អើលនៅពេលឃើញលោកនាយករដ្ឋមន្ត្រី ហ៊ុន សែន ចុះពីរថយន្តស្ងាត់ៗ ពុំមានការហែហមពីមន្ត្រីធំៗ ឫមានអ្នកយាមនោះ។ គេឃើញមានតែអភិបាលរាជធានីភ្នំពេញ លោក ប៉ា សុជាតិវង្ស អភិបាលខណ្ឌដូនពេញ លោក គួច ចំរើន ដែលអមដំណើរលោកនាយករដ្ឋមន្ត្រី នៅពេលលោកមកដល់វិហារឥស្លាមបឹងកក់ ឫវិហារអាល់សារកាល់ ក្រៅពីថ្នាក់ដឹកនាំខ្មែរឥស្លាមមួយចំនួន ដែលរួមមានលោក អូស្មាន ហាស្សាន់ លោក សុះ កំរី លោក សុះ មុះសិន និងលោក ហ្សាការីយ៉ា អាដាម។ល។
អាចថាគ្មានការគ្រោងទុកក៏ថាបាន ឫថាលោកនាយករដ្ឋមន្ត្រី ចង់ប្តូររូបភាពថ្មី បង្កើនភាពស្និទ្ធស្នាលជាមួយសាសនិកឥស្លាមក៏ថាបាន។ យ៉ាងណា អ្នកដែលបានឃើញវត្តមានលោកនាយករដ្ឋមន្ត្រីក្នុងវិហារបឹងកក់កាលពីថ្ងៃទី៨ កក្កដាម្សិលមិញ សុទ្ធសឹងមានការភ្ញាក់ផ្អើល។ ព្រោះថា លោកបានបង្ហាញពីភាពរាក់ទាក់ និងសិ្នទ្ធស្នាលជាមួយខ្មែរឥស្លាម ដោយអនុញ្ញាតឲ្យមានការថតរូបជាក្រុមៗជាដើម។
យុវជន ស្រ៊ីប ឡានី ដែលបានថតរូបជាមួយនាយករដ្ឋមន្ត្រីកាលពីម្សិលមិញដែរនោះ បាននិយាយថា លោកមានការភ្ញាក់ផ្អើលមែនទែន។ លោកបន្ថែមថា កាយវិការរបស់លោកនាយករដ្ឋមន្ត្រី គីសាមញ្ញ បង្ហាញពីគំរូល្អ ដែលថ្នាក់ដឹកនាំមានចំពោះប្រជាពលរដ្ឋទូទៅ ជាពិសេសមកលើសហគមន៍ខ្មែរឥស្លាម។ លោក ឡានី បន្តថា៖« ខ្ញុំយល់ថា គាត់ចង់បង្ហាញពីទំនាក់ទំនងល្អនឹងសហគមន៍ឥស្លាមនៅកម្ពុជា ក៏ដូចជាការយកចិត្តទុកដាក់ ចង់ដឹងចំពោះខែបុណ្យរ៉ាម៉ាឌន ដែលសាសនិកឥស្លាមនៅកម្ពុជាកំពុងប្រតិបត្តិ»។
ដោយឡែកលោក ហ៊ីម ខទៀត វិញ ក៏បានកោតសរសើរចំពោះការចុះសួរសុខទុក្ខ និងចូលរួមអាហារស្រាយបួសរបស់លោកនាយករដ្ឋមន្ត្រីដែរ។ បើទោះជាមិនបានចូលរួមក៏ពិតមែន តែលោក ខទៀត បានហៅទង្វើនេះថា បានបង្ហាញនូវការយកចិត្តទុកដាក់ ពីសំណាក់ថ្នាក់ដឹកនាំ មកលើសាសនិកឥស្លាម ពិសេសក្នុងពិធីបុណ្យរ៉ាម៉ាឌននេះ។ យ៉ាងណាលោក ខទៀត បានសំណូមពរឲ្យថ្នាក់ដឹកនាំបន្តជួយ និងដោះស្រាយរាល់បញ្ហាដែលសហគមន៍ខ្មែរឥស្លាមចង់បានបន្ថែមទៀត ក្នុងនោះដូចជាការស្នើសុំឲ្យស្ត្រីខ្មែរឥស្លាមមានសិទ្ធិទទួរក្រមាពេលថតរូបធ្វើអត្តសញ្ញាណប័ណ្ណជាដើម។ លោក ខទៀត បានហៅបញ្ហានេះថា ជារឿងសំខាន់ ដែលសហគមន៍ឥស្លាមកម្ពុជាចង់បាន។
គួររម្លឹកថា នេះជាលើកទី២ហើយ ដែលប្រមុខរដ្ឋាភិបាលកម្ពុជាលោកនាយករដ្ឋមន្ត្រី ហ៊ុន សែន បានចូលរួមក្នុងពិធីអាហារស្រាយបួសក្នុងបុណ្យខែរ៉ាម៉ាឌនជាមួយសាសនិកឥស្លាមនៅឆ្នាំនេះ។ កាលពីថ្ងៃទី ២៦ មិថុនា ពិធីអាហារស្រាយបួសជាថ្នាក់ជាតិ ត្រូវបានរៀបចំនៅសាលសន្និសីទកោះពេជ្រ ដែលពេលនោះមានអ្នកចូលរួមប្រមាណជាង៤ពាន់នាក់។ កាលពីថ្ងៃទី ១៨ កក្កដា ឆ្នាំ២០១៤ ជាឆ្នាំទី១ នៃពិធីអាហារស្រាយបួសដែលរដ្ឋាភិបាលរៀបចំសម្រាប់សហគមន៍ឥស្លាម លោកនាយករដ្ឋមន្ត្រីបានប្រកាសថា លោកនឹងចូលរួមជាមួយសាសនិកឥស្លាមរៀងរាល់ឆ្នាំ ក្នុងគោលបំណងបង្កើនភាពសិ្នទ្ធស្នាល និងដឹងសុខទុក្ខគ្នា រវាងមេដឹកនាំ និងពលរដ្ឋខ្មែរឥស្លាម៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
5 ថ្ងៃ
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
7 ថ្ងៃ
បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧
1 សប្តាហ៍
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
14 ម៉ោង
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
2 ថ្ងៃ
អត្ថបទពេញនិយមបន្ថែម