ជាតិ
សង្គមជាតិ
លោក នេត សាវឿន បញ្ជាឲ្យកម្លាំងព្រំដែនទប់ស្តាត់ជនអន្តោប្រវេសន៍ខុសច្បាប់ចូលមកកម្ពុជា
× អគ្គស្នងការនគរបាលជាតិ លោក នេត សាវឿន បញ្ជាឲ្យ កងកម្លាំងវរសេនាតូចនគរបាលការពារព្រំដែនទាំងអស់ ត្រូវតែពង្រឹងសមត្ថភាពក្នុងកិច្ចការការពារខ្សែបន្ទាត់ព្រំដែន ទប់ស្កាត់នូវការហូរចូលជនអន្តោប្រវេសន៍ខុសច្បាប់មកកម្ពុជា ក្នុងការអនុវត្តឲ្យបានតឹងរឹងនូវច្បាប់អន្តប្រវេសន៍។ ការបញ្ជារបស់លោក នេត សាវឿន បែបនេះ ធ្វើឡើងនៅក្នុងកិច្ចប្រជុំពង្រឹងវិធានការអនុវត្តច្បាប់ស្តីពីអន្តោប្រវេសន៍ ព្រឹកថ្ងៃទី៨ ខែកក្កដា ឆ្នាំ២០១។
លោក នេត សាវឿន បានបញ្ជាឲ្យ នគរបាលការពារព្រំដែនទាំងអស់ ត្រូវពង្រឹងសមត្ថភាពដើម្បីការពារបូរណភាពទឹកដី ទប់ស្កាត់ការហូរចូលជនអន្តោប្រវេសន៍ និងទំនិញខុសច្បាប់នានាចូលមកកម្ពុជា។ ជាមួយគ្នានោះលោកក៏ជំរុញកម្លាំងការពារព្រំដែន អនុវត្តការហ្វឹកហាត់ជាប្រចាំ ជាពិសេសការថែបំប៉នកងកម្លាំង ។នេះបើយោងតាមគេហទំព័រអគ្គស្នងការដ្ឋាននគរបាលជាតិ ដែលបានចុះផ្សាយនៅថ្ងៃទី ០៨ ខែ កក្កដា។
សូមបញ្ជាក់ថា ក្នុងរយៈពេល៦ខែ ដើមឆ្នាំ២០១៥នេះ អគ្គនាយកដ្ឋានអន្តោប្រវេសន៍ បានចុះចាត់វិធានការ បណ្តេញជនអន្តោប្រវេសន៍បរទេសខុសច្បាប់ចំនួន ១២០០នាក់ ក្នុងនោះជនអន្តោប្រវេសន៍ខុសច្បាប់វៀតណាម មានប្រមាណ៩៨ភាគរយ ត្រូវបានបញ្ជូនទៅស្រុកកំណើតវិញ។ ឆ្នាំ២០១៤កន្លងមក កម្ពុជាបានបណ្តេញជនបរទេសអន្តោប្រវេសន៍ខុសច្បាប់ចំនួន ១៨០០នាក់ ក្នុងនោះជនជាតិវៀតណាមមានចំនួនប្រមាណ ១៥០០នាក់ ត្រូវបានបណ្តេញទៅប្រទេសវៀតណាមវិញ៕
© រក្សាសិទ្ធិដោយ thmeythmey.com