ព័ត៍មានសុខភាព
សុខភាព៖ គួររួមភេទពេលណា បន្ទាប់ពីសម្រាលកូន?
×
ជាធម្មតា ស្ត្រីត្រូវបានណែនាំ ឱ្យរង់ចាំរហូតដល់សប្តាហ៍ទី ៦ បន្ទាប់ពីសម្រាលកូន មុននឹងមានការរួមភេទ ដោយសារក្រោយពេលសម្រាលកូន អ្នកមានការហូរឈាម និងហូរទឹករំអិល ព្រមទាំងមានស្នាមជាំ និងស្លាកស្នាម នៅទ្វារមាសផងដែរ។
ជាការពិត ស្ត្រីភាគច្រើន អាចទទួលយកការរួមភេទ នៅមុនរយៈពេលនេះ ប៉ុន្តែ ស្ត្រីគួរទទួលយកការពន្យារកំណើត ដើម្បីសុវត្តិភាព ក្នុងការបង្កកំណើតម្ដងទៀតនៃគភ៌។
ការស្រាវជ្រាវបានបង្ហាញថា ស្ត្រីដែលមិនបំបៅកូន អាចបញ្ចេញពងអូវុល លើកដំបូងនៅថ្ងៃទី ២៨ ក្រោយសម្រាលកូន។ ជាការពិត រយៈពេល ៦ ទៅ ៩ ខែដំបូង បន្ទាប់ពីសម្រាលកូន ស្ត្រីអាចមានឱកាស មានផ្ទៃពោះខ្ពស់ ដូច្នេះ ការជ្រើសយកវិធីពន្យារកំណើត គឺជាជម្រើសល្អបំផុត បន្ទាប់ពីសម្រាលកូនរួច៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com