លោក នេត សាវឿន ព្រមានដកតំណែងនគរបាល ដែលអសកម្មនៅមូលដ្ឋាន

ជាតិ

សង្គមជាតិ

លោក នេត សាវឿន ព្រមានដកតំណែងនគរបាល ដែលអសកម្មនៅមូលដ្ឋាន

10, Jul 2015 , 9:55 am

រូបភាព

ដោយ: ថ្មីៗ

ភ្នំពេញ៖ លោកនាយឧត្តមសេនីយ៍ នេត សាវឿន អគ្គស្នងការនគរបាលជាតិបានព្រមានដកតំណែងមេប៉ុស្តិ៍នគរបាលរដ្ឋបាល និងមន្ត្រីប៉ុស្តិ៍នគរបាលនៅតាមមូលដ្ឋានណា ដែលមិនកែប្រែឥរិយាបថ ដែលធ្វើឲ្យប្រជាជនបាត់ជំនឿលើកិច្ចការពារសន្តិសុខសណ្តាប់ធ្នាប់ក្នុងមូលដ្ឋាន។ នេះបើតាមការផ្សាយរបស់អគ្គស្នងការដ្ឋាននគរបាលជាតិ។

នាសិក្ខាសាលាស្តីពីការពង្រឹងរបៀបរបបគ្រប់គ្រងភារកិច្ចប៉ុស្តិ៍នគរបាលរដ្ឋបាលនៅរសៀលទី៩ ខែកក្តដានេះ លោក នេត សាវឿន បានព្រមានឲ្យកងកម្លាំងនគរបាលទាំងអស់ផ្លាស់ប្តូរឥរិយាបទ និងចរិតក្នុងការបំពេញតួនាទី ពិសេសគឺ លោកថ្លែងផ្តោតលើការបំពេញតួនាទីរបស់នគរបាលប៉ុស្តិ៍រដ្ឋបាលនៅតាមមូលដ្ឋាន។

ក្នុងនាមជាមេនគរបាលជាតិ លោក នេត សាវឿន បានចាត់ទុកកងកម្លាំងនគរបាល ជាអ្នកបម្រើការពារសន្តិសុខសណ្តាប់ធ្នាប់នៅតាមមូលដ្ឋាន ពិសេសគឺជាអ្នកចេះជួបប្រាស្រ័យ ទាក់ទងល្អជាមួយប្រជាជន ដើម្បីឲ្យប្រជាជនមានជំនឿទុកចិត្តមកលើការបំពេញតួនាទី ភារកិច្ចរបស់នគរបាលជាតិ។

បើតាមការផ្សាយរបស់ប៉ូលីស បច្ចុប្បន្ននេះ កម្ពុជាមានប៉ុស្តិ៍នគរបាលរដ្ឋបាលចំនួន ១៦៣៣ប៉ុស្តិ៍ និងមានមន្ត្រីនគរបាលបម្រើការងារជិត ១៥០០០នាក់ ស្រី ៤៣៩នាក់៕

សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម

5 ថ្ងៃ

«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!

7 ថ្ងៃ

បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧

1 សប្តាហ៍

តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?

13 ម៉ោង

«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?

2 ថ្ងៃ

អត្ថបទពេញនិយមបន្ថែម