ជាតិ
សង្គមជាតិ
×![]()
សាលាដំបូងរាជធានីភ្នំពេញបានបង្ហាញអត្តសញ្ញាណរបស់បុរសដែលទះកំផ្លៀងសិស្សស្រី យ៉ាងពេញទំហឹងនៅសាលាវិទ្យាល័យជា ស៊ីម បឹងកេងកង កាលពីថ្ងៃទី១ ខែកក្កដាកន្លងទៅ។ តុលាការបញ្ជាក់ថា បុរសនោះ មានតួនាទីជាប្រធានសមាគមសិទ្ធិមនុស្ស ដើម្បីអភិវឌ្ឍន៍ និងថែរក្សាកុមារកំព្រា ស្ត្រីក្រីក្រមួយ ដែលមានទីតាំងស្ថិតក្នុងខណ្ឌចំការមន។ 
ចៅក្រមស៊ើបសួរនៃសាលាដំបូងរាជធានីភ្នំពេញ លោក ហេង សុខណា បានបញ្ជាក់ថា ជនត្រូវចោទឈ្មោះ ទេព ឃួន ហៅ ពៅ អាយុ ៤៩ឆ្នាំ ពុំមែនជាមន្ត្រីក្របខ័ណ្ឌ ឬជាមន្ត្រីជាប់កិច្ចសន្យានៃទីស្តីការគណៈរដ្ឋមន្ត្រីនោះទេ។ តាមរយៈលិខិតជូនដំណឹងទៅទីស្តីការគណៈរដ្ឋមន្ត្រី ចុះថ្ងៃទី៨ ខែកក្កដា ចៅក្រមស៊ើបសួរ បញ្ជាក់ថា ជនជាប់ចោទ មានមុខងារ និងតួនាទីជាប្រធានសមាគមសិទ្ធិមនុស្ស ដើម្បីអភិវឌ្ឍន៍ និងថែរក្សាកុមារកំព្រា ស្ត្រីក្រីក្រ ហៅកាត់ថា (សមាគម កូ.ភី.អេ) ដែលមានទីតាំងស្ថិតនៅសង្កាត់ទន្លេបាសាក់ ខណ្ឌចំការមន ដែលជាផ្ទះរបស់គេផ្ទាល់។
ចៅក្រមស៊ើបសួរក៏បានបញ្ជាក់ពីមូលហេតុដែលជនត្រូវចោទអះអាងខ្លួនថា ជាមន្ត្រីជាប់កិច្ចសន្យាម្នាក់ នៅទីស្តីគណៈរដ្ឋមន្ត្រី។ លោកចៅក្រមសរសេរថា៖«មូលហេតុដែលជនជាប់ ចោទអះអាងប្រាប់សមត្ថកិច្ចថាខ្លួនជាមន្ត្រីធ្វើការនៅទីស្តីការគណៈរដ្ឋមន្ត្រីនោះ ព្រោះតែគេមានបំណងគំរាមដល់អ្នកនៅកន្លែងកើតហេតុ និងជនរងគ្រោះកុំឲ្យហ៊ានរករឿងខ្លួន ប៉ុណ្ណោះ»។ ហើយថា ជនត្រូវចោទ ក៏បានទទួលស្គាល់កំហុសទាំងស្រុង និងសំណូមពរឲ្យតុលាការកែប្រែពីតួនាទី និងមុខរបររបស់ខ្លួនដែលត្រឹមត្រូវពិតប្រាកដវិញ។
ជនជាប់ចោទឈ្មោះ ទេព ឃួន ត្រូវស្ថិតក្រោមការពិនិត្យពីបទហិង្សាដោយចេតនា តាមមាត្រា ២១៧ នៃក្រមព្រហ្មទណ្ឌ។ មាត្រា ២១៧ ចែងថា អំពើហិង្សាប្រព្រឹត្តដោយចេតនា លើអ្នកដទៃ ត្រូវផ្តន្ទាទោសដាក់ពន្ធនាគារពី ១ឆ្នាំ ទៅ ៣ឆ្នាំ និងពិន័យជាប្រាក់ពី ២លានរៀល ទៅ ៦លានរៀល។
គួររម្លឹកថា ទិដ្ឋភាពដ៏គួរឲ្យតក់ស្លុត និងហួសចិត្តមួយ ដែលបុរសម្នាក់ទះកំផ្លៀងសិស្សស្រីយ៉ាងពេញទំហឹងនៅសាលាវិទ្យាល័យជា ស៊ីម បឹងកេងកង ត្រូវបានបង្ហោះតាមរយៈក្លីបវីដេអូមានរយៈពេល១៤ វិនាទី កាលពីថ្ងៃទី១ កក្កដា។ មុននឹងប្រើអំពើហិង្សាបុរសនោះបានដើរតម្រង់មកសិស្សស្រីនោះដោយ បន្លឺសម្លេងបែបកំហឹងថា ហេតុអីបានវាយគ្នា..ហា៎! មួយរំពេចបុរសនោះក៏ប្រើដៃខាងស្តាំទះកំផ្លៀងសិស្សស្រីនោះតែម្តង។ ក្រោយពីទះកំផ្លៀងសិស្សស្រីនោះហើយ បុរសនោះបានអះអាងថា ខ្លួនបានសុំការអនុញ្ញាតពីនាយកសាលារួចហើយ។ ការនិយាយថា ខ្លួនសុំការអនុញ្ញាតពីនាយកសាលា បុរសនោះចង់មានន័យថា ខ្លួនអាចទះកំផ្លៀងសិស្សស្រីនោះបាន ដោយសារតែនាយកសាលាអនុញ្ញាត៕
សម្រាប់ព័ត៌មានពាក់ព័ន្ធ សូមចូលទៅកាន់៖ http://www.thmeythmey.com
ចៅក្រមស៊ើបសួរនៃសាលាដំបូងរាជធានីភ្នំពេញ លោក ហេង សុខណា បានបញ្ជាក់ថា ជនត្រូវចោទឈ្មោះ ទេព ឃួន ហៅ ពៅ អាយុ ៤៩ឆ្នាំ ពុំមែនជាមន្ត្រីក្របខ័ណ្ឌ ឬជាមន្ត្រីជាប់កិច្ចសន្យានៃទីស្តីការគណៈរដ្ឋមន្ត្រីនោះទេ។ តាមរយៈលិខិតជូនដំណឹងទៅទីស្តីការគណៈរដ្ឋមន្ត្រី ចុះថ្ងៃទី៨ ខែកក្កដា ចៅក្រមស៊ើបសួរ បញ្ជាក់ថា ជនជាប់ចោទ មានមុខងារ និងតួនាទីជាប្រធានសមាគមសិទ្ធិមនុស្ស ដើម្បីអភិវឌ្ឍន៍ និងថែរក្សាកុមារកំព្រា ស្ត្រីក្រីក្រ ហៅកាត់ថា (សមាគម កូ.ភី.អេ) ដែលមានទីតាំងស្ថិតនៅសង្កាត់ទន្លេបាសាក់ ខណ្ឌចំការមន ដែលជាផ្ទះរបស់គេផ្ទាល់។
ចៅក្រមស៊ើបសួរក៏បានបញ្ជាក់ពីមូលហេតុដែលជនត្រូវចោទអះអាងខ្លួនថា ជាមន្ត្រីជាប់កិច្ចសន្យាម្នាក់ នៅទីស្តីគណៈរដ្ឋមន្ត្រី។ លោកចៅក្រមសរសេរថា៖«មូលហេតុដែលជនជាប់ ចោទអះអាងប្រាប់សមត្ថកិច្ចថាខ្លួនជាមន្ត្រីធ្វើការនៅទីស្តីការគណៈរដ្ឋមន្ត្រីនោះ ព្រោះតែគេមានបំណងគំរាមដល់អ្នកនៅកន្លែងកើតហេតុ និងជនរងគ្រោះកុំឲ្យហ៊ានរករឿងខ្លួន ប៉ុណ្ណោះ»។ ហើយថា ជនត្រូវចោទ ក៏បានទទួលស្គាល់កំហុសទាំងស្រុង និងសំណូមពរឲ្យតុលាការកែប្រែពីតួនាទី និងមុខរបររបស់ខ្លួនដែលត្រឹមត្រូវពិតប្រាកដវិញ។
ជនជាប់ចោទឈ្មោះ ទេព ឃួន ត្រូវស្ថិតក្រោមការពិនិត្យពីបទហិង្សាដោយចេតនា តាមមាត្រា ២១៧ នៃក្រមព្រហ្មទណ្ឌ។ មាត្រា ២១៧ ចែងថា អំពើហិង្សាប្រព្រឹត្តដោយចេតនា លើអ្នកដទៃ ត្រូវផ្តន្ទាទោសដាក់ពន្ធនាគារពី ១ឆ្នាំ ទៅ ៣ឆ្នាំ និងពិន័យជាប្រាក់ពី ២លានរៀល ទៅ ៦លានរៀល។
គួររម្លឹកថា ទិដ្ឋភាពដ៏គួរឲ្យតក់ស្លុត និងហួសចិត្តមួយ ដែលបុរសម្នាក់ទះកំផ្លៀងសិស្សស្រីយ៉ាងពេញទំហឹងនៅសាលាវិទ្យាល័យជា ស៊ីម បឹងកេងកង ត្រូវបានបង្ហោះតាមរយៈក្លីបវីដេអូមានរយៈពេល១៤ វិនាទី កាលពីថ្ងៃទី១ កក្កដា។ មុននឹងប្រើអំពើហិង្សាបុរសនោះបានដើរតម្រង់មកសិស្សស្រីនោះដោយ បន្លឺសម្លេងបែបកំហឹងថា ហេតុអីបានវាយគ្នា..ហា៎! មួយរំពេចបុរសនោះក៏ប្រើដៃខាងស្តាំទះកំផ្លៀងសិស្សស្រីនោះតែម្តង។ ក្រោយពីទះកំផ្លៀងសិស្សស្រីនោះហើយ បុរសនោះបានអះអាងថា ខ្លួនបានសុំការអនុញ្ញាតពីនាយកសាលារួចហើយ។ ការនិយាយថា ខ្លួនសុំការអនុញ្ញាតពីនាយកសាលា បុរសនោះចង់មានន័យថា ខ្លួនអាចទះកំផ្លៀងសិស្សស្រីនោះបាន ដោយសារតែនាយកសាលាអនុញ្ញាត៕
សម្រាប់ព័ត៌មានពាក់ព័ន្ធ សូមចូលទៅកាន់៖ http://www.thmeythmey.com
© រក្សាសិទ្ធិដោយ thmeythmey.com
