ជាតិ
សង្គមជាតិ
ក្រុមសង្គមស៊ីវិលរួមគ្នាថ្កោលទោសលោក សុខ ប៊ុន ដែលប្រើអំពើហិង្សាលើ កញ្ញា សាសា
×![]()
ដោយ: ម៉ៅ សុផា
បណ្តាញសង្គមស៊ីវិលធ្វើការផ្នែកស្ទួយសិទ្ធិស្ដ្រីនៅកម្ពុជា រួមមាន បណ្តាញយេនឌ័រ និងអភិវឌ្ឃន៍, បណ្តាញបុរសកម្ពុជា, កម្មវិធីតំបន់អាស៊ីអាគ្នេយ៍, ក្រុមយុវជនមួយរយកោដិសំឡេង និងក្រុមយុវជនផ្សេងទៀតបានថ្កោលទោស លោក សុខ ប៊ុន ដែលបានប្រើអំពើហិង្សាលើ កញ្ញា ឯក សុជាតិ ហៅ សាសា នៅកោះពេជ្រ កាលពីថ្ងៃទី២ ខែកក្កដា កន្លងទៅ។ នេះបើតាមសេចក្តីថ្លែងការណ៍រួមរបស់ក្រុមសង្គមស៊ីវិលធ្វើការលើកកម្ពស់ស្រី្ដកម្ពុជា។
ក្រុមអង្គការធ្វើការលើកកម្ពស់ស្រី្ដនៅកម្ពុជា បានថ្កោលទោសយ៉ាងដាច់អហង្ការ ចំពោះការប្រើអំពើហិង្សាយ៉ាងសាហាវព្រៃផ្សៃ របស់លោក សុខ ប៊ុនលើកញ្ញា សាសា អតីតពិធីការិនីទូរទស្សន៍ CTNដែលជាទង្វើបំបាក់ស្មារតីនិងជាន់ឈ្លីកិត្តិយសស្ដ្រីដ៏ធ្ងន់ធ្ងរ។បើតាមសេចក្តីថ្លែងការណ៍របស់ក្រុមអង្គការសង្គមស៊ីវិលទាំងនោះ កាលពីថ្ងៃសុក្រ ទី ១០ ខែកក្កដា។ ក្រុមសង្គមស៊ីវិលទាំងនោះបញ្ជាក់ថាអំពើហិង្សា របស់លោក សុខ ប៊ុន រួមជាមួយក្រុមអង្គរក្សរបស់ខ្លួន ដែលបានប្រព្រឹត្តលើកញ្ញា សាសា គឺជាទង្វើដែលប្រាសចាករដ្ឋធម្មនុញ្ញនៃព្រះរាជាណាចក្រកម្ពុជា មាត្រា ៤៥, ក្រមព្រហ្មទណ្ឌមាត្រា ២១៧ និង២១៨, អនុសញ្ញាស្តីពីការលុបបំបាត់រាល់ទម្រង់នៃការរើសអើងលើស្រី្ដ, និងផ្ទុយពីផែនសកម្មភាពជាតិស្តីពីការទប់ស្កាត់អំពើហិង្សាលើស្ត្រី។
ក្រុមសង្គមស៊ីវិល ស្នើឲ្យស្ថាប័នពាក់ព័ន្ធ ជាពិសេសស្ថាប័នតុលារ ត្រូវចាត់វិធានការជាបន្ទាន់ ដើម្បីដោះស្រាយរកយុត្តិធម៌ជូនជនរងគ្រោះ ហើយដើម្បីទប់ស្កាត់ និងបញ្ឈប់អំពើហិង្សាលើស្ត្រីលើកក្រោយទៀត។
សូមរំឭកថា លោក សុខ ប៊ុន ជាឧកញ៉ា និងជាប្រធានក្រុមហ៊ុន TEHO Developmentព្រមទាំងជាប្រធានសមាគមអ្នកវាយតម្លៃអចលនវត្ថុកម្ពុជារួមជាមួយក្រុមអង្គរក្សរបស់ខ្លួន បានប្រើអំពើហិង្សា វាយដំជាន់ធាក់យ៉ាងធ្ងន់ធ្ងរ និងរហូតដល់ដោះសម្លៀកបំពាក់កញ្ញា សាសា ក្នុងហាងមួយ ស្ថិតក្នុងបរិវេណកោះពេជ្រកាលពីយប់ថ្ងៃទី២ ខែកក្កដា កន្លងទៅ។
លោកស្រីរស់ សុភាព នាយិការអង្គការយេនឌ័រ និងអភិវឌ្ឍន៍កម្ពុជាបានបង្ហាញពីក្តីព្រួយបារម្ភ និងការហួសចិត្តយ៉ាងខ្លាំង ដែលឃើញបុរសដែលត្រូវបានគេចាត់ទុកថា ជាអ្នកការពារនិងលើកស្ទួយស្ត្រីបែរជាប្រើកម្លាំងបាយដ៏ធ្ងន់ធ្ងរនិងឥតពិចារណាមកលើស្ដ្រីយ៉ាងដូច្នេះសោះ។ លោកស្រីសង្កត់ធ្ងន់ៗដូច្នេះថា៖ «ទង្វើរបស់បុរសនោះអាចធ្វើដូច្នេះបានដោយសារតែភាពធូររលង់នៃការអនុវត្តច្បាប់និងបង្ហាញពីការធ្លាក់ចុះសីលធម៌សង្គមព្រមទាំងការបាត់បង់តម្លៃជាបុរសខ្លួនឯងផ្ទាល់។ បញ្ហាទាំងអស់នេះហើយដែលយើងទាំងអស់គ្នាគួរតែព្រួយបារម្ភ»។
ទាក់ទងនឹងបញ្ហានេះ សារព័ត៌មានថ្មីៗមិនអាចទាក់ទងសុំការបកស្រាយពីលោក សុខ ប៊ុន និងមេធាវីរបស់លោក បាននោះទេ។ ករណីនេះដែរ កញ្ញា សាសា ធ្លាប់អះអាងប្រាប់បណ្តាសារព័ត៌មានមួយចំនួនថា អំពើហិង្សាដែលលោក សុខ ប៊ុន ធ្វើមកលើខ្លួន មិនអាចមានតែសំណង ហើយរួចខ្លួនដោយឥតមានទោសនោះទេ។ ហើយតារារូបនេះ ក៏ប្រកាសប្តឹងទារសំណងជំងឺចិត្ត ១ លានដុល្លារពីឧកញ៉ា សុខ ប៊ុន នោះផងដែរ៕
បណ្តាញសង្គមស៊ីវិលធ្វើការផ្នែកស្ទួយសិទ្ធិស្ដ្រីនៅកម្ពុជា រួមមាន បណ្តាញយេនឌ័រ និងអភិវឌ្ឃន៍, បណ្តាញបុរសកម្ពុជា, កម្មវិធីតំបន់អាស៊ីអាគ្នេយ៍, ក្រុមយុវជនមួយរយកោដិសំឡេង និងក្រុមយុវជនផ្សេងទៀតបានថ្កោលទោស លោក សុខ ប៊ុន ដែលបានប្រើអំពើហិង្សាលើ កញ្ញា ឯក សុជាតិ ហៅ សាសា នៅកោះពេជ្រ កាលពីថ្ងៃទី២ ខែកក្កដា កន្លងទៅ។ នេះបើតាមសេចក្តីថ្លែងការណ៍រួមរបស់ក្រុមសង្គមស៊ីវិលធ្វើការលើកកម្ពស់ស្រី្ដកម្ពុជា។
ក្រុមអង្គការធ្វើការលើកកម្ពស់ស្រី្ដនៅកម្ពុជា បានថ្កោលទោសយ៉ាងដាច់អហង្ការ ចំពោះការប្រើអំពើហិង្សាយ៉ាងសាហាវព្រៃផ្សៃ របស់លោក សុខ ប៊ុនលើកញ្ញា សាសា អតីតពិធីការិនីទូរទស្សន៍ CTNដែលជាទង្វើបំបាក់ស្មារតីនិងជាន់ឈ្លីកិត្តិយសស្ដ្រីដ៏ធ្ងន់ធ្ងរ។បើតាមសេចក្តីថ្លែងការណ៍របស់ក្រុមអង្គការសង្គមស៊ីវិលទាំងនោះ កាលពីថ្ងៃសុក្រ ទី ១០ ខែកក្កដា។ ក្រុមសង្គមស៊ីវិលទាំងនោះបញ្ជាក់ថាអំពើហិង្សា របស់លោក សុខ ប៊ុន រួមជាមួយក្រុមអង្គរក្សរបស់ខ្លួន ដែលបានប្រព្រឹត្តលើកញ្ញា សាសា គឺជាទង្វើដែលប្រាសចាករដ្ឋធម្មនុញ្ញនៃព្រះរាជាណាចក្រកម្ពុជា មាត្រា ៤៥, ក្រមព្រហ្មទណ្ឌមាត្រា ២១៧ និង២១៨, អនុសញ្ញាស្តីពីការលុបបំបាត់រាល់ទម្រង់នៃការរើសអើងលើស្រី្ដ, និងផ្ទុយពីផែនសកម្មភាពជាតិស្តីពីការទប់ស្កាត់អំពើហិង្សាលើស្ត្រី។
ក្រុមសង្គមស៊ីវិល ស្នើឲ្យស្ថាប័នពាក់ព័ន្ធ ជាពិសេសស្ថាប័នតុលារ ត្រូវចាត់វិធានការជាបន្ទាន់ ដើម្បីដោះស្រាយរកយុត្តិធម៌ជូនជនរងគ្រោះ ហើយដើម្បីទប់ស្កាត់ និងបញ្ឈប់អំពើហិង្សាលើស្ត្រីលើកក្រោយទៀត។
សូមរំឭកថា លោក សុខ ប៊ុន ជាឧកញ៉ា និងជាប្រធានក្រុមហ៊ុន TEHO Developmentព្រមទាំងជាប្រធានសមាគមអ្នកវាយតម្លៃអចលនវត្ថុកម្ពុជារួមជាមួយក្រុមអង្គរក្សរបស់ខ្លួន បានប្រើអំពើហិង្សា វាយដំជាន់ធាក់យ៉ាងធ្ងន់ធ្ងរ និងរហូតដល់ដោះសម្លៀកបំពាក់កញ្ញា សាសា ក្នុងហាងមួយ ស្ថិតក្នុងបរិវេណកោះពេជ្រកាលពីយប់ថ្ងៃទី២ ខែកក្កដា កន្លងទៅ។
លោកស្រីរស់ សុភាព នាយិការអង្គការយេនឌ័រ និងអភិវឌ្ឍន៍កម្ពុជាបានបង្ហាញពីក្តីព្រួយបារម្ភ និងការហួសចិត្តយ៉ាងខ្លាំង ដែលឃើញបុរសដែលត្រូវបានគេចាត់ទុកថា ជាអ្នកការពារនិងលើកស្ទួយស្ត្រីបែរជាប្រើកម្លាំងបាយដ៏ធ្ងន់ធ្ងរនិងឥតពិចារណាមកលើស្ដ្រីយ៉ាងដូច្នេះសោះ។ លោកស្រីសង្កត់ធ្ងន់ៗដូច្នេះថា៖ «ទង្វើរបស់បុរសនោះអាចធ្វើដូច្នេះបានដោយសារតែភាពធូររលង់នៃការអនុវត្តច្បាប់និងបង្ហាញពីការធ្លាក់ចុះសីលធម៌សង្គមព្រមទាំងការបាត់បង់តម្លៃជាបុរសខ្លួនឯងផ្ទាល់។ បញ្ហាទាំងអស់នេះហើយដែលយើងទាំងអស់គ្នាគួរតែព្រួយបារម្ភ»។
ទាក់ទងនឹងបញ្ហានេះ សារព័ត៌មានថ្មីៗមិនអាចទាក់ទងសុំការបកស្រាយពីលោក សុខ ប៊ុន និងមេធាវីរបស់លោក បាននោះទេ។ ករណីនេះដែរ កញ្ញា សាសា ធ្លាប់អះអាងប្រាប់បណ្តាសារព័ត៌មានមួយចំនួនថា អំពើហិង្សាដែលលោក សុខ ប៊ុន ធ្វើមកលើខ្លួន មិនអាចមានតែសំណង ហើយរួចខ្លួនដោយឥតមានទោសនោះទេ។ ហើយតារារូបនេះ ក៏ប្រកាសប្តឹងទារសំណងជំងឺចិត្ត ១ លានដុល្លារពីឧកញ៉ា សុខ ប៊ុន នោះផងដែរ៕
© រក្សាសិទ្ធិដោយ thmeythmey.com
