កីឡាជាតិ
ជាតិ
វឌ្ឍនាការកបាន៨គ្រាប់ ស៊ីម៉ាក់ស្គាល់បរាជ័យ និងកាតក្រហម៤នៅស្តាតចាស់ ចាន់ វឌ្ឍនាកា រកបាន៨គ្រាប់ក្នុងជ័យជម្នះ ១២-២ របស់បឹងកេតលើគិរីវង់។ រូបថត Cam Photo Agency
× ការប្រកួតក្របខណ្ឌមិត្តហ្វូនខេមបូឌានលីកសប្តាហ៍ទី៤នាថ្ងៃសៅរ៍ ទី១១ ខែកក្កដា នេះ បានបញ្ចប់ជាមួយនឹងកំណត់ត្រាដ៏គួរឲ្យចាប់អារម្មណ៍។ នៅទីលានបាល់ទាត់ទន្លេបាទី បឹងកេតអង្គរបានយកឈ្នះគិរីវង់សុខសែនជ័យ ១២-២ ដោយខ្សែប្រយុទ្ធឆ្នើម ចាន់ វឌ្ឍនាកា រកគ្រាប់បាល់បញ្ចូលទីតែម្នាក់ឯងរហូតដល់ទៅ៨គ្រាប់។
នៅទីលានមួយទៀតនៃមជ្ឈមណ្ឌលបាល់ទាត់ជាតិបាទី ខ្សែប្រយុទ្ធហ្គាណា Barry Leuluma បានស៊ុតបាល់បញ្ចូលទីចំនួន៣គ្រាប់សម្រាប់ជ័យជម្នះរបស់ណាហ្គាវើលលើស៊ីម៉ាក់។ នេះជាបរាជ័យលើកដំបូងរបស់ក្រុមចំណូលថ្មីស៊ីម៉ាក់ក្រោមការដឹកនាំរបស់លោក មាស សំអឿន។
ដោយឡែកនៅលើទីលានស្តាតចាស់រវាងក្រុមម្ចាស់ផ្ទះក្រសួងការពារជាតិ និងខេមបូឌានថាយហ្គឺរ មានការប្រកួតពោរពេញទៅជម្លោះ។ ម្ចាស់ផ្ទះបានទទួលជ័យជម្នះក្នុងលទ្ធផល ២-១ ដោយមានការបណ្តេញចេញកីឡាករការពារជាតិ២រូប និងកីឡាករថាយហ្គឺរ២រូប។
សារព័ត៌មានថ្មីៗ នឹងផ្តល់ព័ត៌មានជាបន្តបន្ទាប់ទៀត។
© រក្សាសិទ្ធិដោយ thmeythmey.com