ជាតិ
សង្គមជាតិ
សាកលវិទ្យាល័យកម្ពុជាណាខ្លះ ដែលទទួលស្គាល់ដោយបណ្តាញសាកលវិទ្យាល័យអាស៊ាន?
×
ជាគោលការណ៍បណ្តាញសាកលវិទ្យាល័យអាស៊ាន(AUN = ASEAN University Network)គឺជាស្ថាប័នមួយរបស់អាស៊ានដែលបង្កើតឡើងចាប់តាំងពីខែវិច្ឆិកា ឆ្នាំ១៩៩៥ក្នុងគោលបំណងលើកកម្ពស់ការអភិវឌ្ឍន៍ធនធានមនុស្សតាមរយៈការពង្រឹងនូវបទដ្ឋាននៃសាកលវិទ្យាល័យនៅក្នុងតំបន់។សម្រាប់ភាគីកម្ពុជាបានក្លាយជាសមាជិកនៃបណ្តាញសាកលវិទ្យាល័យអាស៊ាននៅឆ្នាំ១៩៩៩ពោលគឺក្រោយពីកម្ពុជាបានក្លាយជាសមាជិកពេញអង្គរបស់អាស៊ាន។
អ្វីដែលគួរកត់សម្គាល់នោះមានតែសាកលវិទ្យាល័យកម្ពុជាពីរតែប៉ុណ្ណោះដែលត្រូវបានទទួលស្គាល់ក្នុងបទដ្ឋានឬស្តង់ដារអាស៊ាន។ក្នុងនោះរួមមានសាកលវិទ្យាល័យភូមិន្ទភ្នំពេញ និងសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ចដែលសុទ្ធសឹងតែជាគ្រឹះស្ថានសារធាណៈឈានមុខគេនៅកម្ពុជា។
បច្ចុប្បន្នសមាជិករបស់បណ្តាញសាកលវិទ្យាល័យអាស៊ានមានការគាំទ្រពីសមាជិកអាស៊ានទាំងដប់។ ក្នុងនោះផងដែរ បណ្តាញសាកលវិទ្យាល័យអាស៊ានមានសាកលវិទ្យាល័យដែលជាសមាជិក៣០សាកលវិទ្យាល័យក្នុងបណ្តាប្រទេសអាស៊ានទាំងអស់ផង។
AUN មានយុទ្ធសាស្ត្រចម្បងៗរបស់ខ្លួនក្នុងការជម្រុញកិច្ចសហប្រតិបត្តិការក្នុងតំបន់ក្នុងការអភិវឌ្ឍន៍របស់ខ្លួនដូចជា៖
១. ពង្រឹងនូវបណ្តាញនៃការសហប្រតិបត្តិការក្នុងចំណោមសាកលវិទ្យាល័យរបស់អាស៊ាន
២. លើកកម្ពស់ការសិក្សាដែលមានលក្ខណៈសហប្រតិបត្តិការគ្នាដូចជាការស្រាវជ្រាវ និងកម្មវិធីអប់រំ
៣. លើកកម្ពស់សហប្រតិបត្តិការនិងរួបរួមក្នុងចំណោមអ្នកមានចំណេះដឹងអប់រំខ្ពស់និងអ្នកស្រាវជ្រាវនៅក្នុងចំណោមសមាជិកអាស៊ាន
៤. ផ្តល់នូវទម្រង់និងគោលការណ៍ដែលមានលក្ខណៈបទដ្ឋានអប់រំខ្ពស់នៅក្នុងតំបន់អាស៊ាន
គួរបញ្ជាក់ផងដែរសាកលវិទ្យាល័យដែលជាសមាជិករបស់AUN គឺមិនត្រឹមតែទទួលគុណភាពអប់រំពីបណ្តាប្រទេសអាស៊ានតែប៉ុណ្ណោះនេះទេតែក៏ត្រូវបានទទួលស្គាល់ពីដៃគូសហ-ប្រតិបត្តិការធំៗដូចជាសហភាបអឺរ៉ុបស្ថាប័នជំនាញអង្គការសហប្រជាជាតិលើវិស័យអប់រំអង្គការ jicaវិទ្យាស្ថានអាស៊ីអឺរ៉ុបនិងស្ថាប័នវិស័យអបរំជាច្រើនផ្សេងទៀត៕
© រក្សាសិទ្ធិដោយ thmeythmey.com