ជាតិ
សង្គមជាតិ
ថ្នាក់ដឹកនាំរដ្ឋាភិបាលច្រើនរូបបង្ហាញវត្តមានក្នុងពិធីស្រាយបួសជាមួយសាសនិកឥស្លាម
×![]()
បន្ទាប់ពីប្រមុខរដ្ឋាភិបាលកម្ពុជា លោកនាយករដ្ឋមន្ត្រី ហ៊ុន សែន ជាបន្តបន្ទាប់បានចូលរួមក្នុងពិធីអាហារស្រាយបួសជាមួយសាសនិកឥស្លាមទាំងនៅកោះពេជ្រ និងនៅវិហារឥស្លាមបឹងកក់រួចមក ឃើញថា ថ្នាក់ដឹកនាំរដ្ឋាភិបាលមួយចំនួន ក៏បានបង្ហាញវត្តមានរបស់ខ្លួនក្នុងពិធីនេះដែរ។ ជាក់ស្តែងមានរដ្ឋមន្ត្រីក្រសួងបរិស្ថាន និងលោក គីម រិទ្ធី អភិបាលរងខេត្តកណ្តាលជាដើម ដែលពួកលោកបានទៅចូលរួមតាមការអញ្ជើញរបស់សមាគម និងអង្គការឥស្លាមមួយចំនួន។
នៅថ្ងៃអាទិត្យម្សិលមិញ លោក សាយ សំអាល់ ត្រូវបានអញ្ជើញឲ្យចូលរួមក្នុងពិធីអាហារស្រាយបួស ដែលរៀបចំឡើងដោយសមាគមគ្រូពេទ្យឥស្លាមកម្ពុជា។ ពិធីនេះធ្វើឡើងនៅបុរីពិភពថ្មី ដែលមានទីតាំងនៅខណ្ឌសែនសុខ រាជធានីភ្នំពេញ។ ក្រៅពីលោក សាយ សំអាល់ ដែលគេឃើញអង្គុយលើតុអាហារស្រាយបួសហើយនោះ នៅក្បែរនោះក៏ឃើញអ្នកនាំពាក្យសាលារាជធានីភ្នំពេញ លោក ឡង់ ឌីម៉ង់ ផងដែរ។ អ្នកទាំងពីរ បង្ហាញពីភាពស្និទ្ធស្នាលនឹងថ្នាក់ដឹកនាំខ្មែរឥស្លាមមួយចំនួនទៀត មានលោក សុះ មុះសិន រដ្ឋលេខាធិការក្រសួងធម្មការ និងសាសនា និងជាប្រធានសមាគមគ្រូពេទ្យឥស្លាមកម្ពុជា។
.jpg)
ដោយឡែកអភិបាលរងខេត្តកណ្តាល លោក គីម រិទ្ធី នោះវិញ រូបភាពចូលរួមពិសារអាហារស្រាយបួសជាមួយសាសនិកឥស្លាមជាច្រើនសន្លឹក បានបង្ហោះក្នុងទំព័រហ្វេសប៊ុករបស់លោក ដែលមានឈ្មោះថា គីម រិទ្ធី (Kim Rithy) ។ អមដោយរូបភាពនឹងថ្នាក់ដឹកនាំសមាគម និងអង្គការឥស្លាម លោក គីម រិទ្ធី បានកោតសរសើរចំពោះសមាគម និងអង្គការទាំងនោះ ដែលតែងតែសហការយ៉ាងសកម្មជាមួយរាជរដ្ឋាភិបាល ក្នុងការអភិវឌ្ឍន៍សហគមន៍ឥស្លាម ក៏ដូចជាសង្គមកម្ពុជាទាំងមូល។ អភិបាលរងខេត្តកណ្តាល បានចូលរួមពិសារអាហារស្រាយបួសនៅសណ្ឋាគារ Le Grand Palace តាមការអញ្ជើញរបស់អង្គការក្រុមប្រឹក្សាឥស្លាមអភិវឌ្ឍន៍កម្ពុជា ក៏ដូចជាសមាគមយុវជនឥស្លាមកម្ពុជា។
គួររម្លឹកថា ក្រៅពីថ្នាក់ដឹកនាំក្នុងជួររដ្ឋាភិបាល ដែលបានចូលរួមក្នុងពិធីអាហារស្រាយបួសជាមួយសាសនិកឥស្លាមហើយ គេក៏ឃើញវត្តមានក្រុមយុវជនសហភាពសហព័ន្ធយុវជនកម្ពុជា ជាបន្តបន្ទាប់ក៏បានចូលរួមក្នុងពិធីនេះដែរ។ ការចូលរួមទាំងនេះ វាបានបង្ហាញពីការស្រលាញ់រាប់អាន សាមគ្គីភាពរវាងប្រជាជននិងប្រជាជន បើទោះជាការប្រតិបត្តិសាសនាខុសគ្នាយ៉ាងណាក្តី៕
នៅថ្ងៃអាទិត្យម្សិលមិញ លោក សាយ សំអាល់ ត្រូវបានអញ្ជើញឲ្យចូលរួមក្នុងពិធីអាហារស្រាយបួស ដែលរៀបចំឡើងដោយសមាគមគ្រូពេទ្យឥស្លាមកម្ពុជា។ ពិធីនេះធ្វើឡើងនៅបុរីពិភពថ្មី ដែលមានទីតាំងនៅខណ្ឌសែនសុខ រាជធានីភ្នំពេញ។ ក្រៅពីលោក សាយ សំអាល់ ដែលគេឃើញអង្គុយលើតុអាហារស្រាយបួសហើយនោះ នៅក្បែរនោះក៏ឃើញអ្នកនាំពាក្យសាលារាជធានីភ្នំពេញ លោក ឡង់ ឌីម៉ង់ ផងដែរ។ អ្នកទាំងពីរ បង្ហាញពីភាពស្និទ្ធស្នាលនឹងថ្នាក់ដឹកនាំខ្មែរឥស្លាមមួយចំនួនទៀត មានលោក សុះ មុះសិន រដ្ឋលេខាធិការក្រសួងធម្មការ និងសាសនា និងជាប្រធានសមាគមគ្រូពេទ្យឥស្លាមកម្ពុជា។
ដោយឡែកអភិបាលរងខេត្តកណ្តាល លោក គីម រិទ្ធី នោះវិញ រូបភាពចូលរួមពិសារអាហារស្រាយបួសជាមួយសាសនិកឥស្លាមជាច្រើនសន្លឹក បានបង្ហោះក្នុងទំព័រហ្វេសប៊ុករបស់លោក ដែលមានឈ្មោះថា គីម រិទ្ធី (Kim Rithy) ។ អមដោយរូបភាពនឹងថ្នាក់ដឹកនាំសមាគម និងអង្គការឥស្លាម លោក គីម រិទ្ធី បានកោតសរសើរចំពោះសមាគម និងអង្គការទាំងនោះ ដែលតែងតែសហការយ៉ាងសកម្មជាមួយរាជរដ្ឋាភិបាល ក្នុងការអភិវឌ្ឍន៍សហគមន៍ឥស្លាម ក៏ដូចជាសង្គមកម្ពុជាទាំងមូល។ អភិបាលរងខេត្តកណ្តាល បានចូលរួមពិសារអាហារស្រាយបួសនៅសណ្ឋាគារ Le Grand Palace តាមការអញ្ជើញរបស់អង្គការក្រុមប្រឹក្សាឥស្លាមអភិវឌ្ឍន៍កម្ពុជា ក៏ដូចជាសមាគមយុវជនឥស្លាមកម្ពុជា។
គួររម្លឹកថា ក្រៅពីថ្នាក់ដឹកនាំក្នុងជួររដ្ឋាភិបាល ដែលបានចូលរួមក្នុងពិធីអាហារស្រាយបួសជាមួយសាសនិកឥស្លាមហើយ គេក៏ឃើញវត្តមានក្រុមយុវជនសហភាពសហព័ន្ធយុវជនកម្ពុជា ជាបន្តបន្ទាប់ក៏បានចូលរួមក្នុងពិធីនេះដែរ។ ការចូលរួមទាំងនេះ វាបានបង្ហាញពីការស្រលាញ់រាប់អាន សាមគ្គីភាពរវាងប្រជាជននិងប្រជាជន បើទោះជាការប្រតិបត្តិសាសនាខុសគ្នាយ៉ាងណាក្តី៕
© រក្សាសិទ្ធិដោយ thmeythmey.com
