ជាតិ
សង្គមជាតិ
×![]()
បាត់ដំបង៖ តារាងតម្លៃសេវាសារធារណៈកំពុងតែបង្កើនតម្លាភាព និងសុចរិតភាពរវាងមន្ត្រីដែលជាអ្នកបម្រើពលរដ្ឋ និងពលរដ្ឋខ្លួនឯងផ្ទាល់។ កាលពីមិនទាន់មានតារាងតម្លៃសេវាសាធារណៈ មានការអ៊ូររទាំច្រើនទាក់ទងនឹងការយកតម្លៃសេវាក្រៅផ្លូវការ ម្ដងច្រើនម្ដងតិចតាមតែចិត្តរបស់មន្ត្រីដែលជាអ្នកធ្វើការងារនៅកន្លែងផ្ដល់សេវា។ 
ពេលនេះ មិនដូចមុនទៀតឡើយ។ លោកពូ តាំឡាង ដែលជាពលរដ្ឋរស់នៅក្នុងឃុំតាម៉ឺនបានរៀបរាប់ថា កាលពីមិនទាន់មានតារាងតម្លៃសេវាសាធារណៈនោះ មន្ត្រីយកតម្លៃលើការធ្វើលិខិតស្នាមនានាតាមតែចិត្តរបស់ពួកគេ។ លោកបន្តថា ពេលខ្លះត្រូវចំណាយច្រើន ហើយពេលខ្លះក៏ចំណាយតិច។
«តែចាប់ពីពេលមានតារាងសេវាសាធារណៈនេះមក ខ្ញុំមិនចាំបាច់គិតថាមានលុយមិនគ្រប់ដូចមុនទៀតឡើយ។ ខ្ញុំបានឃើញនៅតម្លៃនៅលើតារាងរួចជាស្រេច។ ហើយបើស្មៀន ឬមេឃុំទារលុយថែម ក៏ខ្ញុំមិនឲ្យដែរ»។ នេះជាការតាំងចិត្តរបស់លោកពូ តាំឡាង។
ចំនែកឯលោក សុខ ហួត ដែលជាពលរដ្ឋនៅឃុំតែមួយជាមួយ ពូ តាំឡាង ក៏បានបញ្ជាក់ដែរថា តាំងពីមានតារាងសេវាសាធារណៈនេះមក លោកក៏មិនបាច់ត្រូវចំណាយថវិកាគ្រួសារច្រើនដូចមុនទៀតឡើយ។ ជាងនេះទៅទៀត លោកសង្កេតឃើញថា ពលរដ្ឋ និងមន្ត្រីហាក់បានយល់គ្នាច្រើនជាងមុន។ បានន័យថា ពលរដ្ឋក៏មិនអន់ចិត្តនឹងមន្ត្រីដែលទារលុយពួកគាត់តាមចិត្តដូចមុននោះឡើយ។
លោក សុខ ហួតបន្តថា៖«មួយវិញទៀតធ្វើឱ្យយើងច្បាស់ពីតម្លៃនៃសេវាមួយរបស់រដ្ឋប្រកបដោយតម្លាភាពបំផុត និងគ្មានអ្វីលាក់បាំងទៀតឡើយ»។
លោក ដៀង ម៉ាក់ដែលជាមេឃុំតាម៉ឺនបានប្រាប់អ្នកសារព័ត៌មានថ្មីៗឱ្យដឹងថា លោកក៏មិនខុសអ្វីពីពលរដ្ឋនោះទេ គឺលោកការសប្បាយរីករាយ នៅពេលរដ្ឋាភិបាលបានចេញគោលការណ៍បិទផ្សាយតារាងតម្លៃសេវាសាធារណៈយ៉ាងដូច្នេះ។ លោកមេឃុំទទួលស្គាល់ពីភាពល្អក់កករក្នុងចិត្តរបស់ពលរដ្ឋ ក្នុងពេលមុន។ «ពេលមុនគឺប្រជាពលរដ្ឋចោទថាពួកខ្ញុំបានយកលុយពីពួកគាត់តាមចិត្ត។ តែពេលនេះគឺមានតារាងតម្លៃច្បាប់។ ដូច្នេះទាំងសងខាង គឺមានតម្លាភាព និងមិនមានអ្វីដែលពួកយើងលាក់បាំងពលរដ្ឋទៀតដែរ។ ប្រសិនជាមានអ្នកណាយកលុយពួកគាត់(ប្រជាពលរដ្ឋ)លើសពីតារាងកំណត់គឺមិនបានឡើយ»។ នេះជាការធានារបស់មេឃុំតាម៉ឺនវ័យ ៦៧ឆ្នាំ៕
ពេលនេះ មិនដូចមុនទៀតឡើយ។ លោកពូ តាំឡាង ដែលជាពលរដ្ឋរស់នៅក្នុងឃុំតាម៉ឺនបានរៀបរាប់ថា កាលពីមិនទាន់មានតារាងតម្លៃសេវាសាធារណៈនោះ មន្ត្រីយកតម្លៃលើការធ្វើលិខិតស្នាមនានាតាមតែចិត្តរបស់ពួកគេ។ លោកបន្តថា ពេលខ្លះត្រូវចំណាយច្រើន ហើយពេលខ្លះក៏ចំណាយតិច។«តែចាប់ពីពេលមានតារាងសេវាសាធារណៈនេះមក ខ្ញុំមិនចាំបាច់គិតថាមានលុយមិនគ្រប់ដូចមុនទៀតឡើយ។ ខ្ញុំបានឃើញនៅតម្លៃនៅលើតារាងរួចជាស្រេច។ ហើយបើស្មៀន ឬមេឃុំទារលុយថែម ក៏ខ្ញុំមិនឲ្យដែរ»។ នេះជាការតាំងចិត្តរបស់លោកពូ តាំឡាង។
ចំនែកឯលោក សុខ ហួត ដែលជាពលរដ្ឋនៅឃុំតែមួយជាមួយ ពូ តាំឡាង ក៏បានបញ្ជាក់ដែរថា តាំងពីមានតារាងសេវាសាធារណៈនេះមក លោកក៏មិនបាច់ត្រូវចំណាយថវិកាគ្រួសារច្រើនដូចមុនទៀតឡើយ។ ជាងនេះទៅទៀត លោកសង្កេតឃើញថា ពលរដ្ឋ និងមន្ត្រីហាក់បានយល់គ្នាច្រើនជាងមុន។ បានន័យថា ពលរដ្ឋក៏មិនអន់ចិត្តនឹងមន្ត្រីដែលទារលុយពួកគាត់តាមចិត្តដូចមុននោះឡើយ។
លោក សុខ ហួតបន្តថា៖«មួយវិញទៀតធ្វើឱ្យយើងច្បាស់ពីតម្លៃនៃសេវាមួយរបស់រដ្ឋប្រកបដោយតម្លាភាពបំផុត និងគ្មានអ្វីលាក់បាំងទៀតឡើយ»។
លោក ដៀង ម៉ាក់ដែលជាមេឃុំតាម៉ឺនបានប្រាប់អ្នកសារព័ត៌មានថ្មីៗឱ្យដឹងថា លោកក៏មិនខុសអ្វីពីពលរដ្ឋនោះទេ គឺលោកការសប្បាយរីករាយ នៅពេលរដ្ឋាភិបាលបានចេញគោលការណ៍បិទផ្សាយតារាងតម្លៃសេវាសាធារណៈយ៉ាងដូច្នេះ។ លោកមេឃុំទទួលស្គាល់ពីភាពល្អក់កករក្នុងចិត្តរបស់ពលរដ្ឋ ក្នុងពេលមុន។ «ពេលមុនគឺប្រជាពលរដ្ឋចោទថាពួកខ្ញុំបានយកលុយពីពួកគាត់តាមចិត្ត។ តែពេលនេះគឺមានតារាងតម្លៃច្បាប់។ ដូច្នេះទាំងសងខាង គឺមានតម្លាភាព និងមិនមានអ្វីដែលពួកយើងលាក់បាំងពលរដ្ឋទៀតដែរ។ ប្រសិនជាមានអ្នកណាយកលុយពួកគាត់(ប្រជាពលរដ្ឋ)លើសពីតារាងកំណត់គឺមិនបានឡើយ»។ នេះជាការធានារបស់មេឃុំតាម៉ឺនវ័យ ៦៧ឆ្នាំ៕
© រក្សាសិទ្ធិដោយ thmeythmey.com
