ជាតិ
សង្គមជាតិ
×![]()
ដោយ: ថ្មីៗ
ការប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជាក្នុងឆ្នាំ២០១៥នេះ បានចាប់ផ្តើមពីថ្ងៃទី២៤ ខែសីហា ឆ្នាំ២០១៥ នេះតទៅ ។ សម្រាប់ការចំណាយនេះ ក្រសួងអប់រំ យុវជន និងកីឡា ចំណាយថវិកាជាង៣លានដុល្លារអាមេរិក។ នេះបើតាមប្រសាសន៍របស់លោក រស់ សាលីន។
អ្នកនាំពាក្យក្រសួងអប់រំ លោក រស់ សាលីន បានឲ្យដឹងថា ឆ្នាំ២០១៥នេះ ក្រសួងប្រើប្រាស់កញ្ចប់ថវិកាជាង៣លានដុល្លារអាមេរិក ដើម្បីរៀបចំដំណើការប្រឡងបាក់ឌុប។ ហើយថវិកានេះ ចំណាយបេសកកម្មមន្ត្រីអប់រំ និងសម្ភារនានា ដែលបម្រើឲ្យការប្រឡងបាក់ឌុប។
ការប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជាក្នុងឆ្នាំ២០១៥នេះ ទាំងថ្នាក់វិទ្យាសាស្ដ្រ និងថ្នាក់វិទ្យាសាស្ដ្រសង្គម មានបេក្ខជនប្រឡងសរុបចំនួន ៨៨,៤៨៨នាក់ និងមានមណ្ឌលប្រឡង១៤៩មណ្ឌល ចែកជា ៣,៥៧៦បន្ទប់ នៅរាជធានីខេត្ដទាំង ២៥។ បេក្ខជនធ្លាក់បាក់ឌុបឆ្នាំមុនជាង១ម៉ឺននាក់ ក៏នឹងចូលរួមប្រឡងក្នុងឆ្នាំ ២០១៥ម្តងទៀតដែរ។
ក្រសួងនៅតែរក្សាវិធានការរឹតបន្តឹងការប្រឡងដូចបទបញ្ញត្តិឆ្នាំមុនដដែល ដើម្បីពង្រឹងគុណភាពវិស័យអប់រំ។ បេក្ខជនមិនត្រូវអនុញ្ញាតឲ្យលាក់ទុក ឬយកឧបករណ៍អេឡិចត្រូនិចចូលក្នុងមណ្ឌល ឬបន្ទប់ប្រឡងឡើយ។ ក្នុងករណីដែលក្រសួងរកឃើញបេក្ខជនលាក់ទុកឧបករណ៍អេឡិចត្រូនិច ត្រូវបានកំណត់ឲ្យធ្លាក់ដោយស្វ័យប្រវត្តិតែម្តង។
គួរបញ្ជាក់ផងដែរថា សម័យប្រឡងឆ្នាំ២០១៥នេះ ក្រសួងពុំមានគោលការណ៍រៀបចំការប្រឡងលើកទី២ ដូចឆ្នាំមុនទៀតឡើយ៕
អ្នកនាំពាក្យក្រសួងអប់រំ លោក រស់ សាលីន បានឲ្យដឹងថា ឆ្នាំ២០១៥នេះ ក្រសួងប្រើប្រាស់កញ្ចប់ថវិកាជាង៣លានដុល្លារអាមេរិក ដើម្បីរៀបចំដំណើការប្រឡងបាក់ឌុប។ ហើយថវិកានេះ ចំណាយបេសកកម្មមន្ត្រីអប់រំ និងសម្ភារនានា ដែលបម្រើឲ្យការប្រឡងបាក់ឌុប។
ការប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជាក្នុងឆ្នាំ២០១៥នេះ ទាំងថ្នាក់វិទ្យាសាស្ដ្រ និងថ្នាក់វិទ្យាសាស្ដ្រសង្គម មានបេក្ខជនប្រឡងសរុបចំនួន ៨៨,៤៨៨នាក់ និងមានមណ្ឌលប្រឡង១៤៩មណ្ឌល ចែកជា ៣,៥៧៦បន្ទប់ នៅរាជធានីខេត្ដទាំង ២៥។ បេក្ខជនធ្លាក់បាក់ឌុបឆ្នាំមុនជាង១ម៉ឺននាក់ ក៏នឹងចូលរួមប្រឡងក្នុងឆ្នាំ ២០១៥ម្តងទៀតដែរ។
ក្រសួងនៅតែរក្សាវិធានការរឹតបន្តឹងការប្រឡងដូចបទបញ្ញត្តិឆ្នាំមុនដដែល ដើម្បីពង្រឹងគុណភាពវិស័យអប់រំ។ បេក្ខជនមិនត្រូវអនុញ្ញាតឲ្យលាក់ទុក ឬយកឧបករណ៍អេឡិចត្រូនិចចូលក្នុងមណ្ឌល ឬបន្ទប់ប្រឡងឡើយ។ ក្នុងករណីដែលក្រសួងរកឃើញបេក្ខជនលាក់ទុកឧបករណ៍អេឡិចត្រូនិច ត្រូវបានកំណត់ឲ្យធ្លាក់ដោយស្វ័យប្រវត្តិតែម្តង។
គួរបញ្ជាក់ផងដែរថា សម័យប្រឡងឆ្នាំ២០១៥នេះ ក្រសួងពុំមានគោលការណ៍រៀបចំការប្រឡងលើកទី២ ដូចឆ្នាំមុនទៀតឡើយ៕
© រក្សាសិទ្ធិដោយ thmeythmey.com
