ជាតិ
សង្គមជាតិ
សំណាប និងសម្ទូងជាង ៧ពាន់ហិកតាស្វិតស្រពោន ដោយសារគ្រោះរាំងស្ងួតនៅខេត្តកំពង់ស្ពឺ
×![]()
ដោយ: ថ្មីៗ
ភ្នំពេញ៖ សម្ទូង សំណាប និងស្រូវពង្រោះជាង ៧ពាន់ហិកតារបស់កសិករក្នុងខេត្តកំពង់ស្ពឺ នឹងស្វិតស្រពោន ហើយឈានទៅរកការខូចខាតទាំងស្រុង ប្រសិនបើភ្លៀងមិនធ្លាក់ក្នុងរយៈពេលមួយសប្តាហ៍ទៀត ស្របពេលស្រូវជាង ៦០ហិកតាបានងាប់ខូចខាតទាំងស្រុង ដោយសារគ្រោះរាំងស្ងួតក្នុងខេត្តកំពង់ស្ពឺ។ នេះបើយោងតាមការផ្សាយរបស់ទីភ្នាក់សារព័ត៌មានរដ្ឋ (AKP) ដែលស្រង់សំដីប្រធានមន្ទីរកសិកម្មខេត្តកំពង់ស្ពឺ។
ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ស្ពឺ លោក សយ បញ្ញា បាននិយាយថា ស្ថានភាពគ្រោះរាំងស្ងួត បាននិងកំពុងធ្វើឱ្យសម្ទូង សំណាប និងស្រូវពង្រោះជាង ៧ពាន់ហិកតា កំពុងឈានទៅរកការខូចខាតទាំងស្រុង។ បញ្ហាចំពោះមុខនេះ ក្នុងនាមជាអាជ្ញាធរមូលដ្ឋាន លោកមានសុទិដ្ឋិនិយមថា នឹងអាចជួយសង្គ្រោមដំណាំស្រូវក្នុងដីស្រែរបស់កសិករ ដោយលោកអះអាងថា មន្ទីរកសិកម្មខេត្តបានសហការជាមួយមន្ត្រីកសិកម្មមូលដ្ឋាន ដើម្បីផ្តល់ប្រឹក្សាដល់កសិករពីការត្រៀមទប់ទល់ជាមុន ព្រមទាំងការពន្យារពេលដាំដុះដំណាំកសិកម្មនៅពេលនេះ ដើម្បីកុំឱ្យខ្ជះខ្ជាយគ្រាប់ពូជ និងសម្ភារៈដាំដុះ។
ចំពោះដំណាំស្រូវដែលរងការខូតខាតនោះ មន្ទីរកសិកម្មនឹងប្រគល់គ្រាប់ពូជដល់កសិករ ដើម្បីពួកគេអាចស្តារការផលិតឡើងវិញ។ ជាងនេះ មន្ត្រីជំនាញមន្ទីកសិកម្ម សហការជាមួយមន្ទីរធនធានទឹក បានចុះតាមដានពិនិត្យពីស្ថានភាពគ្រោះរាំង ស្ងួត ពិនិត្យរកកន្លែងប្រភពទឹក ដើម្បីបូមសង្គ្រោះស្រូវរបស់កសិករ។ បន្ថែមលើនេះ លោកបានអំពាវនាវអាជ្ញាធរស្រុក ឃុំ ត្រូវតែបង្វែរ ថវិកាវិនិយោគឱ្យទៅជាការវិនិយោគផ្នែក ប្រព័ន្ធធារាសាស្ត្រ និងប្រើប្រាស់ទឹកប្រកបដោយប្រសិទ្ធភាពដែរ។
បើយោងប្រភពផ្សាយដដែល ដោយឡែកប្រធានមន្ទីរធនធានទឹក និងឧតុនិយមខេត្តកំពង់ស្ពឺ លោក អៀ ពិសិដ្ឋ បាននិយាយពីស្ថានភាពទឹកភ្លៀងទូទៅក្នុងខេត្តកំពង់ស្ពឺក្នុងឆ្នាំនេះថា ចាប់ពីដើមរដូវវស្សា រហូតដល់ចុងខែកក្កដា ទើបតែទទួលបានទឹកភ្លៀងចំនួន៣០៧ មីល្លីម៉ែត្រប៉ុណ្ណោះ។ ហេតុនេះ ធ្វើឱ្យការងារបង្កបង្កើនផលស្រូវវស្សាមានភាពយឺតយ៉ាវខ្លាំង៕
ប្រភព៖ AKP
ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ស្ពឺ លោក សយ បញ្ញា បាននិយាយថា ស្ថានភាពគ្រោះរាំងស្ងួត បាននិងកំពុងធ្វើឱ្យសម្ទូង សំណាប និងស្រូវពង្រោះជាង ៧ពាន់ហិកតា កំពុងឈានទៅរកការខូចខាតទាំងស្រុង។ បញ្ហាចំពោះមុខនេះ ក្នុងនាមជាអាជ្ញាធរមូលដ្ឋាន លោកមានសុទិដ្ឋិនិយមថា នឹងអាចជួយសង្គ្រោមដំណាំស្រូវក្នុងដីស្រែរបស់កសិករ ដោយលោកអះអាងថា មន្ទីរកសិកម្មខេត្តបានសហការជាមួយមន្ត្រីកសិកម្មមូលដ្ឋាន ដើម្បីផ្តល់ប្រឹក្សាដល់កសិករពីការត្រៀមទប់ទល់ជាមុន ព្រមទាំងការពន្យារពេលដាំដុះដំណាំកសិកម្មនៅពេលនេះ ដើម្បីកុំឱ្យខ្ជះខ្ជាយគ្រាប់ពូជ និងសម្ភារៈដាំដុះ។
ចំពោះដំណាំស្រូវដែលរងការខូតខាតនោះ មន្ទីរកសិកម្មនឹងប្រគល់គ្រាប់ពូជដល់កសិករ ដើម្បីពួកគេអាចស្តារការផលិតឡើងវិញ។ ជាងនេះ មន្ត្រីជំនាញមន្ទីកសិកម្ម សហការជាមួយមន្ទីរធនធានទឹក បានចុះតាមដានពិនិត្យពីស្ថានភាពគ្រោះរាំង ស្ងួត ពិនិត្យរកកន្លែងប្រភពទឹក ដើម្បីបូមសង្គ្រោះស្រូវរបស់កសិករ។ បន្ថែមលើនេះ លោកបានអំពាវនាវអាជ្ញាធរស្រុក ឃុំ ត្រូវតែបង្វែរ ថវិកាវិនិយោគឱ្យទៅជាការវិនិយោគផ្នែក ប្រព័ន្ធធារាសាស្ត្រ និងប្រើប្រាស់ទឹកប្រកបដោយប្រសិទ្ធភាពដែរ។
បើយោងប្រភពផ្សាយដដែល ដោយឡែកប្រធានមន្ទីរធនធានទឹក និងឧតុនិយមខេត្តកំពង់ស្ពឺ លោក អៀ ពិសិដ្ឋ បាននិយាយពីស្ថានភាពទឹកភ្លៀងទូទៅក្នុងខេត្តកំពង់ស្ពឺក្នុងឆ្នាំនេះថា ចាប់ពីដើមរដូវវស្សា រហូតដល់ចុងខែកក្កដា ទើបតែទទួលបានទឹកភ្លៀងចំនួន៣០៧ មីល្លីម៉ែត្រប៉ុណ្ណោះ។ ហេតុនេះ ធ្វើឱ្យការងារបង្កបង្កើនផលស្រូវវស្សាមានភាពយឺតយ៉ាវខ្លាំង៕
ប្រភព៖ AKP
© រក្សាសិទ្ធិដោយ thmeythmey.com
