កីឡាជាតិ
ជាតិ
×![]()
ដោយ: ថ្មីៗ
ក្រុមបាល់ទាត់ជម្រើសជាតិកម្ពុជា ក្រោមអាយុ ១៦ ឆ្នាំរបស់ម្ចាស់ផ្ទះកម្ពុជា ត្រូវជួបក្រុមខ្លាំងក្នុងទ្វីបអាស៊ី អូស្ត្រាលី ហើយក្រុមហ្វីលីពីន ត្រូវប្រកួតជាមួយសិង្ហបុរី នៅល្ងាចថ្ងៃ ៣០ ខែ កក្កដា នេះនៅទីលានពហុកីឡដ្ឋានជាតិ ក្នុងប្រកួតជម្រុះពូល B លើកទី២ នៃពានរង្វាន់បាល់ទាត់តំបន់អាស៊ាន AFF BIDC U16 Championship 2015 ដែលរៀបចំនៅទីក្រុងភ្នំពេញ ប្រទេសកម្ពុជា។ ប្រកួតទាំង២ គូនៅថ្ងៃនេះក៏មានផ្សាយផ្ទាល់តាមប៉ុស្ដិ៍ទូរទស្សន៍ក្នុងស្រុក BTV ផងដែរ។
ប្រកួតដំបូងចាប់ផ្ដើមពីម៉ោង ៣:៣០ នាទីតទៅ ដោយក្រុមហ្វីលីពីន ប្រកួតជាមួយសិង្ហបុរី ដើម្បីប្រជែងរក ៣ ពិន្ទុ រៀងៗខ្លួន ខណៈប្រកួតដំបូងក្រុមទាំងបរាជ័យដូចគ្នា។ សិង្ហបុរី បានប្រកួតចាញ់មីយ៉ាន់ម៉ា ដោយលទ្ធផល ៣ ទល់ ១ កាលពីថ្ងៃបើកឆាក ហើយហ្វីលីពីន បានប្រកួតចាញ់ ម្ចាស់ផ្ទះកម្ពុជា ១ ទល់ ០ កាលពីថ្ងៃបើកឆាក។
ចំណែកក្រុមកម្ពុជា ត្រូវជួបក្រុមជើងខ្លាំងប្រចាំទ្វីបអាស៊ី គឺក្រុមអូស្ត្រាលី នៅវេលាម៉ោង ៦:៣០ នាទីល្ងាច។ លោកគ្រូបង្វឹកជនជាតិជប៉ុន Iki Yusuke របស់ក្រុម U16 កម្ពុជា ទទួលស្គាល់ថាក្រុមអូស្ត្រាលី ជាជើងខ្លាំង ហើយលោកនៅមិនទាន់បានឃើញពីទម្រង់លេងរបស់ក្រុមមួយនេះនៅឡើយទេ។ លោកគ្រូបង្វឹករូបនេះសន្យាថានឹងប្រឹងប្រែងដឹកនាំក្រុមបន្ថែមដើម្បីរកជ័យជម្នះជាលើកទី២ ប្រចាំពូល B នេះ។
សហព័ន្ធកីឡាបាល់ទាត់អាស៊ីអាគ្នេយ៍ បានផ្ដល់សិទ្ធិឱ្យសហព័ន្ធកីឡាបាល់ទាត់កម្ពុជា ធ្វើជាម្ចាស់ផ្ទះក្នុងការប្រកួតកីឡាបាល់ទាត់ក្រោមអាយុ១៦ឆ្នាំប្រចាំតំបន់នេះ ចាប់ពីថ្ងៃទី ២៧ ខែ កក្កដា ដល់ ៩ ខែ សីហា ឆ្នាំ ២០១៥ ខាងមុខ ដោយមានក្រុមចូលរួមចំនួន ១១ ចែកជា ២ ពូល។ ចំពោះពូល A មាន ម៉ាឡេស៊ី, វៀតណាម, ឡាវ, ទីម័រខាងកើត, ប្រ៊ុយណេ និង ថៃ ហើយពូល B មាន អូស្ត្រាលី, សិង្ហបុរី, ហ្វីលីពីន, មីយ៉ាន់ម៉ា និងម្ចាស់ផ្ទះកម្ពុជា ប្រកួតជម្រុះនៅពហុកីឡដ្ឋានជាតិ និង កីឡដ្ឋានកងយោធពលខេមរភូមិន្ទ (ស្ដាតចាស់)។
ប្រកួតនេះសហព័ន្ធកីឡាបាល់ទាត់កម្ពុជា បានដាក់លក់សំបុត្រចូលទស្សនាការប្រកួតក្នុងពានរង្វាន់នេះ នៅខាងមុខច្រកចូលពហុ កីឡដ្ឋានជាតិក្នុងតម្លៃ ៥០០០ រៀល និង ១០០០០ រៀល។ សម្រាប់ពត៌មានបន្ថែមអាចទាក់ទងទៅកាន់លេខ: ០៧១ ៤៨ ៦៩ ៤៧៥ ឬ ០១៥ ៤៤ ៧៦ ៨០ ៕
ចំពោះលទ្ធផលប្រកួតនៅក្នុងពូល A ម្សិលមិញមាន៖
- ឡាវ ៣-២ ទីម័រខាងកើត
- ប្រ៊ុយណេ ១-៦ វៀតណាម
- ម៉ាឡេស៊ី ១-៣ ថៃ
តើកម្ពុជា ឬ អូស្ត្រាលី អាចរកបាន ៣ ពិន្ទុនៅល្ងាចនេះ?
ប្រកួតដំបូងចាប់ផ្ដើមពីម៉ោង ៣:៣០ នាទីតទៅ ដោយក្រុមហ្វីលីពីន ប្រកួតជាមួយសិង្ហបុរី ដើម្បីប្រជែងរក ៣ ពិន្ទុ រៀងៗខ្លួន ខណៈប្រកួតដំបូងក្រុមទាំងបរាជ័យដូចគ្នា។ សិង្ហបុរី បានប្រកួតចាញ់មីយ៉ាន់ម៉ា ដោយលទ្ធផល ៣ ទល់ ១ កាលពីថ្ងៃបើកឆាក ហើយហ្វីលីពីន បានប្រកួតចាញ់ ម្ចាស់ផ្ទះកម្ពុជា ១ ទល់ ០ កាលពីថ្ងៃបើកឆាក។
ចំណែកក្រុមកម្ពុជា ត្រូវជួបក្រុមជើងខ្លាំងប្រចាំទ្វីបអាស៊ី គឺក្រុមអូស្ត្រាលី នៅវេលាម៉ោង ៦:៣០ នាទីល្ងាច។ លោកគ្រូបង្វឹកជនជាតិជប៉ុន Iki Yusuke របស់ក្រុម U16 កម្ពុជា ទទួលស្គាល់ថាក្រុមអូស្ត្រាលី ជាជើងខ្លាំង ហើយលោកនៅមិនទាន់បានឃើញពីទម្រង់លេងរបស់ក្រុមមួយនេះនៅឡើយទេ។ លោកគ្រូបង្វឹករូបនេះសន្យាថានឹងប្រឹងប្រែងដឹកនាំក្រុមបន្ថែមដើម្បីរកជ័យជម្នះជាលើកទី២ ប្រចាំពូល B នេះ។
សហព័ន្ធកីឡាបាល់ទាត់អាស៊ីអាគ្នេយ៍ បានផ្ដល់សិទ្ធិឱ្យសហព័ន្ធកីឡាបាល់ទាត់កម្ពុជា ធ្វើជាម្ចាស់ផ្ទះក្នុងការប្រកួតកីឡាបាល់ទាត់ក្រោមអាយុ១៦ឆ្នាំប្រចាំតំបន់នេះ ចាប់ពីថ្ងៃទី ២៧ ខែ កក្កដា ដល់ ៩ ខែ សីហា ឆ្នាំ ២០១៥ ខាងមុខ ដោយមានក្រុមចូលរួមចំនួន ១១ ចែកជា ២ ពូល។ ចំពោះពូល A មាន ម៉ាឡេស៊ី, វៀតណាម, ឡាវ, ទីម័រខាងកើត, ប្រ៊ុយណេ និង ថៃ ហើយពូល B មាន អូស្ត្រាលី, សិង្ហបុរី, ហ្វីលីពីន, មីយ៉ាន់ម៉ា និងម្ចាស់ផ្ទះកម្ពុជា ប្រកួតជម្រុះនៅពហុកីឡដ្ឋានជាតិ និង កីឡដ្ឋានកងយោធពលខេមរភូមិន្ទ (ស្ដាតចាស់)។
ប្រកួតនេះសហព័ន្ធកីឡាបាល់ទាត់កម្ពុជា បានដាក់លក់សំបុត្រចូលទស្សនាការប្រកួតក្នុងពានរង្វាន់នេះ នៅខាងមុខច្រកចូលពហុ កីឡដ្ឋានជាតិក្នុងតម្លៃ ៥០០០ រៀល និង ១០០០០ រៀល។ សម្រាប់ពត៌មានបន្ថែមអាចទាក់ទងទៅកាន់លេខ: ០៧១ ៤៨ ៦៩ ៤៧៥ ឬ ០១៥ ៤៤ ៧៦ ៨០ ៕
ចំពោះលទ្ធផលប្រកួតនៅក្នុងពូល A ម្សិលមិញមាន៖
- ឡាវ ៣-២ ទីម័រខាងកើត
- ប្រ៊ុយណេ ១-៦ វៀតណាម
- ម៉ាឡេស៊ី ១-៣ ថៃ
តើកម្ពុជា ឬ អូស្ត្រាលី អាចរកបាន ៣ ពិន្ទុនៅល្ងាចនេះ?
Tag:
កីឡាជាតិ
AFF U16
© រក្សាសិទ្ធិដោយ thmeythmey.com
