ជាតិ
នយោបាយជាតិ
លោក សុន ឆ័យ ស្នើក្រុមប្រឹក្សាធម្មនុញ្ញពិនិត្យធម្មនុញ្ញភាពនៃច្បាប់ស្តីពី NGO
×![]()
ភ្នំពេញ៖ នៅថ្ងៃ៣០ ខែកក្កដានេះ ក្រុមតំណាងមតិភាគតិចនៃរដ្ឋសភា ដឹកនាំដោយលោក សុន ឆ័យ ព្រមទាំងសមាជិកព្រឹទ្ធសភាគណបក្ស សម រង្ស៊ី បានដាក់លិខិតស្នើដល់ប្រធានប្រឹក្សាធម្មនុញ្ញ លោក ឯក សំអុល ដើម្បីពិនិត្យធម្មនុញ្ញភាព នៃច្បាប់ស្តីពីសមាគម និងអង្គការមិនមែនរដ្ឋាភិបាល (LANGO)។ ពួកគេចាត់ទុកថា ច្បាប់នេះ មានការរឹតត្បិតយ៉ាងធ្ងន់ធ្ងរលើសិទ្ធិបង្កើតសមាគម និងសិទ្ធិមួយចំនួនទៀត ដែលផ្ទុយពីច្បាប់ជាតិ និងអន្តរជាតិ។
សំឡេងលោក សុន ឆ័យ៖
«ការរឹតត្បិតយ៉ាងធ្ងន់ធ្ងរនេះ នឹងធ្វើឲ្យប្រជាពលរដ្ឋខ្មែរមានការលំបាកជាខ្លាំង ក្នុងការប្រើប្រាស់សិទ្ធិ ដែលមានធានាក្នុងមាត្រា៤២ នៃរដ្ឋធម្មនុញ្ញ »។ នេះជាប្រសាសន៍អះអាងរបស់លោក សុន ឆ័យ។
ច្បាប់ស្តីពី សមាគម និងអង្គការមិនមែនរដ្ឋាភិបាល តាក់តែងឡើងជាលាយលក្ខណ៍អក្សរ មាន៩ជំពូក និង៣៩មាត្រា។ ច្បាប់នេះ ត្រូវបានរដ្ឋសភាអនុម័តចំនួន ៦៨/៦៨សំឡេង នៃចំនួនសមាជិករដ្ឋសភាមកពីគណបក្សប្រជាជនកម្ពុជាកាលពីថ្ងៃទី១៣ ខែកក្កដា រួចសមាជិកព្រឹទ្ធសភាមកពីគណបក្សប្រជាជនកម្ពុជាចំនួន ៤៤រូប បានអនុម័តជាឯកច្ឆន្ទក្នុងសំឡេង ៤៤/ ៤៤ ដោយពុំមានការកែសម្រួលខ្លឹមសារអ្វីទាំងអស់ ក្នុងសម័យប្រជុំពេញអង្គលើកទី៧ នីតិកាលទី៣ នៅថ្ងៃទី២៤ ខែកក្កដា។
កន្លងមក អ្នកនាំពាក្យព្រឹទ្ធសភា លោក ម៉ម ប៊ុននាង បាននិយាយការពារច្បាប់ថា៖«សេចក្តីព្រាងច្បាប់ស្តីពី NGOនេះ គឺចែងស្របតាមរដ្ឋធម្មនុញ្ញ ច្បាប់ជាតិ និងអន្តរជាតិទាំងអស់ កំពុងអនុវត្តក្នុងប្រទេសប្រជាធិបតេយ្យ»។
សំឡេងលោក សុន ឆ័យ៖
«ការរឹតត្បិតយ៉ាងធ្ងន់ធ្ងរនេះ នឹងធ្វើឲ្យប្រជាពលរដ្ឋខ្មែរមានការលំបាកជាខ្លាំង ក្នុងការប្រើប្រាស់សិទ្ធិ ដែលមានធានាក្នុងមាត្រា៤២ នៃរដ្ឋធម្មនុញ្ញ »។ នេះជាប្រសាសន៍អះអាងរបស់លោក សុន ឆ័យ។
ច្បាប់ស្តីពី សមាគម និងអង្គការមិនមែនរដ្ឋាភិបាល តាក់តែងឡើងជាលាយលក្ខណ៍អក្សរ មាន៩ជំពូក និង៣៩មាត្រា។ ច្បាប់នេះ ត្រូវបានរដ្ឋសភាអនុម័តចំនួន ៦៨/៦៨សំឡេង នៃចំនួនសមាជិករដ្ឋសភាមកពីគណបក្សប្រជាជនកម្ពុជាកាលពីថ្ងៃទី១៣ ខែកក្កដា រួចសមាជិកព្រឹទ្ធសភាមកពីគណបក្សប្រជាជនកម្ពុជាចំនួន ៤៤រូប បានអនុម័តជាឯកច្ឆន្ទក្នុងសំឡេង ៤៤/ ៤៤ ដោយពុំមានការកែសម្រួលខ្លឹមសារអ្វីទាំងអស់ ក្នុងសម័យប្រជុំពេញអង្គលើកទី៧ នីតិកាលទី៣ នៅថ្ងៃទី២៤ ខែកក្កដា។
កន្លងមក អ្នកនាំពាក្យព្រឹទ្ធសភា លោក ម៉ម ប៊ុននាង បាននិយាយការពារច្បាប់ថា៖«សេចក្តីព្រាងច្បាប់ស្តីពី NGOនេះ គឺចែងស្របតាមរដ្ឋធម្មនុញ្ញ ច្បាប់ជាតិ និងអន្តរជាតិទាំងអស់ កំពុងអនុវត្តក្នុងប្រទេសប្រជាធិបតេយ្យ»។
© រក្សាសិទ្ធិដោយ thmeythmey.com
