ជាតិ
×![]()
ដោយ: ម៉ៅ សុផា
អ្នកស្រាវជ្រាវសង្គម និងតាមដានស្ថានការណ៍នយោបាយ លោក កែម ឡី បានអះអាងថា រូបលោកនឹងមិនមានតួនាទី និងមុខតំណែងអ្វីទាំងអស់ក្នុងបក្សប្រជាធិបតេយ្យមូលដ្ឋាន ដែលរួបលោក និងសមាជិកស្ថាបនិកបណ្តាញខ្មែរដើម្បីខ្មែរមួយចំនួនទៀត គ្រោងនឹងបង្កើតនៅពេលខាងមុខ។ អ្នកតាមដានស្ថានការណ៍នយោបាយរូបនេះបញ្ជាក់ថា នៅពេលដែលគណបក្សថ្មីនេះត្រូវបានរៀបចំ និងចុះបញ្ជីត្រឹមត្រូវតាមផ្លូវច្បាប់រួចរាល់ រូបលោកនឹងដើរចេញពីបក្ស មកធ្វើជាអ្នកស្រាវជ្រាវសង្គមដដែល។
សមាជិកស្ថាបនិកបក្សប្រជាធិបតេយ្យមូលដ្ឋាន លោក កែម ឡី បានបដិសេធចំពោះការយល់ច្រឡំពីសំណាក់ប្រជាពលរដ្ឋ និងប្រព័ន្ធផ្សព្វផ្សាយមួយចំនួនដែលថារូបលោកនឹងធ្វើជាអ្នកនយោបាយ និងមានតួនាទីជាប្រធាន ឬអនុប្រធាន ក្នុងបក្សថ្មីដែលរូបលោក និងសមាជិកស្ថាបនិកមួយចំនួនទៀតគ្រោងនឹងបង្កើត។ លោកបញ្ជាក់ថា លោកនឹងមិនមានតួនាទីអ្វីទាំងអស់ក្នុងបក្សថ្មីនេះ ដោយហោចទៅសូម្បីតែសមាជិកធម្មតា ក៏លោកមិនធ្វើដែរ។ ប៉ុន្តែថា ការចួលរួមក្នុងសកម្មភាពនយោបាយនោះ លោកមិនបោះបង់នោះទេ។
លោកបញ្ជាក់ដូច្នេះថា៖ «ខ្ញុំមិនមានតួនាទីអ្វីក្នុងបក្សនោះទេ ការបង្កើតបក្សនេះ គឺខ្ញុំគ្រាន់តែចង់បង្រៀន និងបណ្តុះបណ្តាល ប្រជាពលរដ្ឋ ជាពិសេសយុវជន ឲ្យមានកាយល់ដឹងពីនយោបាយ ចេះរៀបចំ បង្កើតបក្សធ្វើនយោបាយដោយខ្លួនឯងក្នុងសង្គមប្រជាធិបតេយ្យ។ ខ្មែរយើងយល់ថា ទាល់តែកូនអ្នកមានលុយ មានអំណាច ឬជាប់សាច់ឈាមសែស្តេច កូនអ្នកធំ ទើបអាចធ្វើនយោបាយបាន។ អ៊ីចឹងយើងចង់លុបបំបាត់គំនិតនេះចេញ ដើម្បីឲ្យប្រជាពលរដ្ឋចេះធ្វើនយោបាយដោយខ្លួនឯង»។
នៅមានផ្នត់គំនិតមួយទៀតដែលលោកចង់លុបបំបាត់ដែរ ឬចង់កែប្រែដែរ។ លោកថា ប្រជាពលរដ្ឋខ្មែរទូទៅយល់ថា ឲ្យតែអ្នកណាជាអ្នកផ្តួចផ្តើមគំនិត អ្នកទាំងនោះច្រើនតែធ្វើជាអ្នកដឹកនាំ ឬជាប្រធានក្នុងស្ថាប័ននោះ ដូចជា លោក សួន សេរីរដ្ឋា លោកម៉ម សូណង់ដូ ទ្រង់នរោត្តម រណឫទ្ធិ ជាដើម។ ផ្ទុយទៅវិញ លោក កែម ឡី ដែលអ្នកផ្តួចផ្តើមឲ្យមានបណ្តាញខ្មែរដើម្បីខ្មែរ នឹងរហូតឈានដល់គ្រោងបង្កើតបក្សនយោបាយ តែរូបលោកបែរជាបដិសេធមិនចូលរួមធ្វើនយោបាយ និងមិនធ្វើជាប្រធាន ឬអនុប្រធានបក្សនោះទេ។
រហូតមកដល់ពេលនេះ លោក កែម ឡី មិនទាន់បញ្ជាក់បានថា តើអ្នកណានឹងធ្វើជាប្រធាន ហើយអ្នកណាធ្វើជាអនុប្រធានបក្សប្រជាធិបតេយ្យមូលដ្ឋាននេះ នោះទេ។
សូមរំឭកថា កាលពីថ្ងៃទី២៧ ខែកក្កដា ឆ្នាំ២០១៥ សមាជិកស្ថាបនិកនៃបណ្តាញសង្គមខ្មែរដើម្បីខ្មែរមួយរូប គឺ លោក សាម អ៊ីន បានប្រាប់សារព័ត៌មានថ្មីៗ ថា គណៈកម្មការបណ្តោះអាសន្នដែលចេញពីបណ្តាញសង្គមខ្មែរដើម្បីខ្មែរ នឹងដាក់លិខិតស្នើសុំបង្កើតគណបក្ស «ប្រជាធិបតេយ្យមូលដ្ឋាន» ទៅក្រសួងមហាផ្ទៃនៅថ្ងៃទី៣ ខែសីហា ឆ្នាំ២០១៥ ដើមសប្តាហ៍ក្រោយនេះ៕
សមាជិកស្ថាបនិកបក្សប្រជាធិបតេយ្យមូលដ្ឋាន លោក កែម ឡី បានបដិសេធចំពោះការយល់ច្រឡំពីសំណាក់ប្រជាពលរដ្ឋ និងប្រព័ន្ធផ្សព្វផ្សាយមួយចំនួនដែលថារូបលោកនឹងធ្វើជាអ្នកនយោបាយ និងមានតួនាទីជាប្រធាន ឬអនុប្រធាន ក្នុងបក្សថ្មីដែលរូបលោក និងសមាជិកស្ថាបនិកមួយចំនួនទៀតគ្រោងនឹងបង្កើត។ លោកបញ្ជាក់ថា លោកនឹងមិនមានតួនាទីអ្វីទាំងអស់ក្នុងបក្សថ្មីនេះ ដោយហោចទៅសូម្បីតែសមាជិកធម្មតា ក៏លោកមិនធ្វើដែរ។ ប៉ុន្តែថា ការចួលរួមក្នុងសកម្មភាពនយោបាយនោះ លោកមិនបោះបង់នោះទេ។
លោកបញ្ជាក់ដូច្នេះថា៖ «ខ្ញុំមិនមានតួនាទីអ្វីក្នុងបក្សនោះទេ ការបង្កើតបក្សនេះ គឺខ្ញុំគ្រាន់តែចង់បង្រៀន និងបណ្តុះបណ្តាល ប្រជាពលរដ្ឋ ជាពិសេសយុវជន ឲ្យមានកាយល់ដឹងពីនយោបាយ ចេះរៀបចំ បង្កើតបក្សធ្វើនយោបាយដោយខ្លួនឯងក្នុងសង្គមប្រជាធិបតេយ្យ។ ខ្មែរយើងយល់ថា ទាល់តែកូនអ្នកមានលុយ មានអំណាច ឬជាប់សាច់ឈាមសែស្តេច កូនអ្នកធំ ទើបអាចធ្វើនយោបាយបាន។ អ៊ីចឹងយើងចង់លុបបំបាត់គំនិតនេះចេញ ដើម្បីឲ្យប្រជាពលរដ្ឋចេះធ្វើនយោបាយដោយខ្លួនឯង»។
នៅមានផ្នត់គំនិតមួយទៀតដែលលោកចង់លុបបំបាត់ដែរ ឬចង់កែប្រែដែរ។ លោកថា ប្រជាពលរដ្ឋខ្មែរទូទៅយល់ថា ឲ្យតែអ្នកណាជាអ្នកផ្តួចផ្តើមគំនិត អ្នកទាំងនោះច្រើនតែធ្វើជាអ្នកដឹកនាំ ឬជាប្រធានក្នុងស្ថាប័ននោះ ដូចជា លោក សួន សេរីរដ្ឋា លោកម៉ម សូណង់ដូ ទ្រង់នរោត្តម រណឫទ្ធិ ជាដើម។ ផ្ទុយទៅវិញ លោក កែម ឡី ដែលអ្នកផ្តួចផ្តើមឲ្យមានបណ្តាញខ្មែរដើម្បីខ្មែរ នឹងរហូតឈានដល់គ្រោងបង្កើតបក្សនយោបាយ តែរូបលោកបែរជាបដិសេធមិនចូលរួមធ្វើនយោបាយ និងមិនធ្វើជាប្រធាន ឬអនុប្រធានបក្សនោះទេ។
រហូតមកដល់ពេលនេះ លោក កែម ឡី មិនទាន់បញ្ជាក់បានថា តើអ្នកណានឹងធ្វើជាប្រធាន ហើយអ្នកណាធ្វើជាអនុប្រធានបក្សប្រជាធិបតេយ្យមូលដ្ឋាននេះ នោះទេ។
សូមរំឭកថា កាលពីថ្ងៃទី២៧ ខែកក្កដា ឆ្នាំ២០១៥ សមាជិកស្ថាបនិកនៃបណ្តាញសង្គមខ្មែរដើម្បីខ្មែរមួយរូប គឺ លោក សាម អ៊ីន បានប្រាប់សារព័ត៌មានថ្មីៗ ថា គណៈកម្មការបណ្តោះអាសន្នដែលចេញពីបណ្តាញសង្គមខ្មែរដើម្បីខ្មែរ នឹងដាក់លិខិតស្នើសុំបង្កើតគណបក្ស «ប្រជាធិបតេយ្យមូលដ្ឋាន» ទៅក្រសួងមហាផ្ទៃនៅថ្ងៃទី៣ ខែសីហា ឆ្នាំ២០១៥ ដើមសប្តាហ៍ក្រោយនេះ៕
Tag:
លោក កែម ឡី
© រក្សាសិទ្ធិដោយ thmeythmey.com
