ជាតិ
សង្គមជាតិ
ក្រសួងស្នើឲ្យពលរដ្ឋប្រយ័ត្នចំពោះជំងឺគ្រុនឈាម ដែលអាចផ្ទុះរាតត្បាតនៅចន្លោះឆ្នាំ២០១៥-២០១៧
×![]()
ដោយ: ថ្មីៗ
ក្នុងរយៈពេល៦ខែដើមឆ្នាំ២០១៥នេះ ជំងឺគ្រុនឈាមបានកើតឡើងចំនួន២,៦៨៨ករណី កើនឡើងចំនួន១,៤៤៣ករណី បើធៀបនឹងរយៈពេលដូចគ្នាក្នុងឆ្នាំ២០១៤ ដែលមានចំនួន១,២៤៥ករណី។ តួលេខនេះ ត្រូវបានបង្ហាញនៅក្នុងរបាយការណ៍ជំងឺគ្រុនឈាមរបស់មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ប៉ារ៉ាស៊ីតសាស្ត្រ-បាណកសាស្ត្រ។
បើតាមរបាយការណ៍ដដែល ក្នុងចំណោមករណីគ្រុនឈាមទាំង២,៦៨៨ករណី ករណីស្លាប់មានតែ១០ករណីប៉ុណ្ណោះ ស្មើនឹង០.៤ភាគរយ និងទាបជាងអត្រាស្លាប់នៅឆ្នាំ២០១៤ ដែលមាន០.៧ភាគរយ ក្នុងចំណោម១,២៤៥ករណី។ ខេត្តក្រុងចំនួន៨ ដែលរកឃើញមានករណីជំងឺគ្រុនឈាមច្រើនជាងគេ រួមមានខេត្តកំពង់ចាម សៀមរាប កំពង់ធំ កណ្តាល ក្រុងភ្នំពេញ បន្ទាយមានជ័យ ព្រៃវែង និងខេត្តកំពង់ស្ពឺ ហើយ៧១ភាគរយនៃករណីជំងឺគ្រុនឈាម ត្រូវបានរកឃើញនៅលើកុមារអាយុចន្លោះពី៥ដល់១៤ឆ្នាំ។
តាមការវិភាគទិន្នន័យរបស់អង្គការសុខភាពពិភពលោក ជំងឺគ្រុនឈាមក្នុងសកលលោក បានកើនឡើង៣០ដងក្នុងរយៈពេល៥០ឆ្នាំចុងក្រោយនេះ ក្នុងនោះប្រជាជនប្រមាណ២,៥០០លាននាក់ ប្រឈមមុខនឹងការឆ្លងជំងឺ ក្នុងចំណោមប្រទេសជាង១០០ប្រទេស។
បើទោះបីជាជំងឺគ្រុនឈាមឆ្នាំនេះ មានការកើនឡើងជាងឆ្នាំមុនៗ ប៉ុន្តែថយចុះករណី អ្នកស្លាប់ក្តី មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ប៉ារ៉ាស៊ីតសាស្ត្រ-បាណកសាស្ត្រ នៅតែអំពាវនាវឲ្យប្រជាពលរដ្ឋមានការប្រុងប្រយ័ត្ន ព្រោះថាកន្លងមកករណីជំងឺគ្រុនឈាមនៅកម្ពុជា តែងមានការផ្ទុះជាងរៀងរាល់៣ទៅ៥ឆ្នាំដូចជានៅឆ្នាំ២៩៩៨(ករណីឈឺ១៦,២១៦ និងស្លាប់៤៧៥) ឆ្នាំ២០០៧(ករណីឈឺ៣៩,៤៦០ និងស្លាប់៤០៤នាក់) និងនៅឆ្នាំ២០១២(ករណីឈឺ៤០,៩០៩ និងស្លាប់១៨៩នាក់) មានន័យថាការផ្ទុះរាតត្បាតម្តងទៀតអាចនឹងកើតមាននៅចន្លោះឆ្នាំ២០១៥ និង២០១៧ ៕
បើតាមរបាយការណ៍ដដែល ក្នុងចំណោមករណីគ្រុនឈាមទាំង២,៦៨៨ករណី ករណីស្លាប់មានតែ១០ករណីប៉ុណ្ណោះ ស្មើនឹង០.៤ភាគរយ និងទាបជាងអត្រាស្លាប់នៅឆ្នាំ២០១៤ ដែលមាន០.៧ភាគរយ ក្នុងចំណោម១,២៤៥ករណី។ ខេត្តក្រុងចំនួន៨ ដែលរកឃើញមានករណីជំងឺគ្រុនឈាមច្រើនជាងគេ រួមមានខេត្តកំពង់ចាម សៀមរាប កំពង់ធំ កណ្តាល ក្រុងភ្នំពេញ បន្ទាយមានជ័យ ព្រៃវែង និងខេត្តកំពង់ស្ពឺ ហើយ៧១ភាគរយនៃករណីជំងឺគ្រុនឈាម ត្រូវបានរកឃើញនៅលើកុមារអាយុចន្លោះពី៥ដល់១៤ឆ្នាំ។
តាមការវិភាគទិន្នន័យរបស់អង្គការសុខភាពពិភពលោក ជំងឺគ្រុនឈាមក្នុងសកលលោក បានកើនឡើង៣០ដងក្នុងរយៈពេល៥០ឆ្នាំចុងក្រោយនេះ ក្នុងនោះប្រជាជនប្រមាណ២,៥០០លាននាក់ ប្រឈមមុខនឹងការឆ្លងជំងឺ ក្នុងចំណោមប្រទេសជាង១០០ប្រទេស។
បើទោះបីជាជំងឺគ្រុនឈាមឆ្នាំនេះ មានការកើនឡើងជាងឆ្នាំមុនៗ ប៉ុន្តែថយចុះករណី អ្នកស្លាប់ក្តី មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ប៉ារ៉ាស៊ីតសាស្ត្រ-បាណកសាស្ត្រ នៅតែអំពាវនាវឲ្យប្រជាពលរដ្ឋមានការប្រុងប្រយ័ត្ន ព្រោះថាកន្លងមកករណីជំងឺគ្រុនឈាមនៅកម្ពុជា តែងមានការផ្ទុះជាងរៀងរាល់៣ទៅ៥ឆ្នាំដូចជានៅឆ្នាំ២៩៩៨(ករណីឈឺ១៦,២១៦ និងស្លាប់៤៧៥) ឆ្នាំ២០០៧(ករណីឈឺ៣៩,៤៦០ និងស្លាប់៤០៤នាក់) និងនៅឆ្នាំ២០១២(ករណីឈឺ៤០,៩០៩ និងស្លាប់១៨៩នាក់) មានន័យថាការផ្ទុះរាតត្បាតម្តងទៀតអាចនឹងកើតមាននៅចន្លោះឆ្នាំ២០១៥ និង២០១៧ ៕
© រក្សាសិទ្ធិដោយ thmeythmey.com
