ជាតិ
សង្គមជាតិ
×![]()
សៀមរាប៖ អាជ្ញាធរអប្សរា ដែលមានតួនាទីគ្រប់គ្រង និងអភិរក្សរមណីយដ្ឋានឧទ្យានអង្គរ បានបញ្ចេញរបាយការណ៍ទេសចរណ៍ ក្នុងខែកក្កដា និងរយៈពេល៧ខែដើមឆ្នាំ២០១៥ ។ យោងតាមរបាយការណ៍ខាងដើម ទាំងនៅក្នុងខែកក្កដា និង៧ខែដើមឆ្នាំ ភ្ញៀវទេសចរបរទេសនៅតែបន្តកើនឡើងគួរឲ្យកត់សម្គាល់។
សេចក្តីប្រកាសព័ត៌មានរបស់អាជ្ញាធរជាតិអប្សរា ចេញផ្សាយនៅថ្ងៃទី៣ សីហា បានបង្ហាញថា ភ្ញៀវទេសចរបរទេសដែលចូលទស្សនារមណីយដ្ឋានអង្គរក្នុងខែកក្កដា ឆ្នាំ២០១៥កន្លងទៅ មានចំនួន ១៥៣,៩៥៩ នាក់ គឺកើនឡើង ៤.៩៦% បើធៀបនឹងឆ្នាំ២០១៤ ។ ចំណែកចំណូលពីការលក់សំបុត្រចូលទស្សនា ដែមានតម្លៃចន្លោះពី២០ ទៅ៦០ដុល្លារ មានចំនួន ៤,៣២៨,៨២០ ដុល្លារអាមេរិក គឺកើន ៤.២៨%។
ក្នុងរបាយការណ៍សង្ខេបមួយទំព័ររបស់ខ្លួន អាជ្ញាធរជាតិអប្សរា បានបន្តរៀបរាប់ពីស្ថិតិភ្ញៀវទេសចរបរទេស ដែលចូលមកកម្សាន្តរមណីយដ្ឋានអង្គរក្នុងរយៈពេល៧ខែដើមឆ្នាំ២០១៥នេះ។ ៧ខែដើមឆ្នាំ២០១៥ មានភ្ញៀវបរទេសចំនួន ១,២៣៨,៣៨៦នាក់ កើនឡើង ២.០១% រកចំណូលបាន ៣៥,០៥៩,២០០ដុល្លារអាមេរិក តែថយចុះ០.១០% បើធៀបនឹងឆ្នាំ២០១៤ ។
ដោយឡែក យើងងាកទៅចាប់អារម្មណ៍នឹងរបាយការណ៍សង្ខេបរបស់មន្ទីរទេសចរណ៍ខេត្តសៀមរាបវិញម្តង។ ក្នុងរយៈពេល៦ខែដើមឆ្នាំ២០១៥ មានភ្ញៀវទេសចរបរទេសចំនួន ១,១០៥,៦៨០នាក់ ចូលមកខេត្តសៀមរាប គឺថយចុះ ១០.៨០%។ ចំណែករបាយការណ៍របស់អាជ្ញាធរអប្សរា បានកត់ត្រាថា មានទេសចរបរទេសចំនួន ១,០៨៤,៤២៧នាក់ គឺកើនឡើង ១.៦១%។ យ៉ាងណាមិញ តាមការបញ្ជាក់របស់អាជ្ញាធរអប្សរាកន្លងមក តួលេខដែលខ្លួនប្រមូលបាន គឺគិតតែចំនួនភ្ញៀវទេសចរដែលបានចូលទិញសំបុត្រចូលទស្សនារមណីយដ្ឋានអង្គរតែប៉ុណ្ណោះ។ ក៏មានដែរ ទេសចរខ្លះដែលមកកម្សាន្ត ដោយមិនបានទិញសំបុត្រចូលទស្សនា មានដូចជាភ្ញៀវការទូត និងអ្នកស្រាវជ្រាវជាដើម៕
សេចក្តីប្រកាសព័ត៌មានរបស់អាជ្ញាធរជាតិអប្សរា ចេញផ្សាយនៅថ្ងៃទី៣ សីហា បានបង្ហាញថា ភ្ញៀវទេសចរបរទេសដែលចូលទស្សនារមណីយដ្ឋានអង្គរក្នុងខែកក្កដា ឆ្នាំ២០១៥កន្លងទៅ មានចំនួន ១៥៣,៩៥៩ នាក់ គឺកើនឡើង ៤.៩៦% បើធៀបនឹងឆ្នាំ២០១៤ ។ ចំណែកចំណូលពីការលក់សំបុត្រចូលទស្សនា ដែមានតម្លៃចន្លោះពី២០ ទៅ៦០ដុល្លារ មានចំនួន ៤,៣២៨,៨២០ ដុល្លារអាមេរិក គឺកើន ៤.២៨%។
ក្នុងរបាយការណ៍សង្ខេបមួយទំព័ររបស់ខ្លួន អាជ្ញាធរជាតិអប្សរា បានបន្តរៀបរាប់ពីស្ថិតិភ្ញៀវទេសចរបរទេស ដែលចូលមកកម្សាន្តរមណីយដ្ឋានអង្គរក្នុងរយៈពេល៧ខែដើមឆ្នាំ២០១៥នេះ។ ៧ខែដើមឆ្នាំ២០១៥ មានភ្ញៀវបរទេសចំនួន ១,២៣៨,៣៨៦នាក់ កើនឡើង ២.០១% រកចំណូលបាន ៣៥,០៥៩,២០០ដុល្លារអាមេរិក តែថយចុះ០.១០% បើធៀបនឹងឆ្នាំ២០១៤ ។
ដោយឡែក យើងងាកទៅចាប់អារម្មណ៍នឹងរបាយការណ៍សង្ខេបរបស់មន្ទីរទេសចរណ៍ខេត្តសៀមរាបវិញម្តង។ ក្នុងរយៈពេល៦ខែដើមឆ្នាំ២០១៥ មានភ្ញៀវទេសចរបរទេសចំនួន ១,១០៥,៦៨០នាក់ ចូលមកខេត្តសៀមរាប គឺថយចុះ ១០.៨០%។ ចំណែករបាយការណ៍របស់អាជ្ញាធរអប្សរា បានកត់ត្រាថា មានទេសចរបរទេសចំនួន ១,០៨៤,៤២៧នាក់ គឺកើនឡើង ១.៦១%។ យ៉ាងណាមិញ តាមការបញ្ជាក់របស់អាជ្ញាធរអប្សរាកន្លងមក តួលេខដែលខ្លួនប្រមូលបាន គឺគិតតែចំនួនភ្ញៀវទេសចរដែលបានចូលទិញសំបុត្រចូលទស្សនារមណីយដ្ឋានអង្គរតែប៉ុណ្ណោះ។ ក៏មានដែរ ទេសចរខ្លះដែលមកកម្សាន្ត ដោយមិនបានទិញសំបុត្រចូលទស្សនា មានដូចជាភ្ញៀវការទូត និងអ្នកស្រាវជ្រាវជាដើម៕
© រក្សាសិទ្ធិដោយ thmeythmey.com
