ជាតិ
សង្គមជាតិ
ក្លឹបអ្នកកាសែតស្នើសមត្ថកិច្ចវែកមុខបុគ្គលគំរាមសម្លាប់អ្នកយកព័ត៌មានទូរទស្សន៍អប្សរា
×![]()
ដោយ: ថ្មីៗ
ភ្នំពេញ៖ ក្លឹបអ្នកកាសែតកម្ពុជា (ក.អ.ក) អំពាវនាវកម្លាំងមានសមត្ថកិច្ចគ្រប់ជាន់ថ្នាក់វែកមុខបុគ្គលដែលគំរាមសម្លាប់លោក តាំង ហូ អ្នកយកព័ត៌មានទូរទស្សន៍អប្សរា (ANN) ប្រចាំខេត្តសៀមរាប យកមកផ្តន្ទាទោសតាមច្បាប់ជាធរមាន ដើម្បីផ្តល់យុត្តិធម៌ដល់អ្នកសារព័ត៌មាន។
ក្លឹបអ្នកកាសែតដែលមានបេសកកម្មឯករាជ្យបម្រើផលប្រយោជន៍ការពារអ្នកកាសែត បានចាត់ទុកការគំរាមកំហែងសម្លាប់អ្នកសារព័ត៌មាន ANN ថា ជាការបំបាក់ស្មាតីអ្នកសារព័ត៌មានដែលកំពុងបំពេញការងារតាមវិជ្ជាជីវៈ។ ក.អ.ក បញ្ជាក់ថា ទង្វើនេះ គឺប៉ះពាល់យ៉ាងធ្ងន់ធ្ងរដល់សិទ្ធិសេរីភាព សុវត្ថិភាពរបស់អ្នកសារព័ត៌មាននៅកម្ពុជា។
តាមរយៈសេចក្តីថ្លែងការណ៍ចុះថ្ងៃទី៤នេះ ក.អ.ក ប្រកាសថ្កោលទោសដាច់ខាត ចំពោះបុគ្គលដែលបានគំរាមសម្លាប់អ្នកសារព័ត៌មាន ទោះជាតាមរយៈពាក្យសំដី ឬទូរសព្ទ ក៏ដោយ។ ជាមួយគ្នានោះ ក.អ.ក បានអំពាវនាវដល់ប្រព័ន្ធតុលាការ និងសមត្ថកិច្ចគ្រប់ជាន់ថ្នាក់ ស្រាវជ្រាវវែកមុខជនសង្ស័យ ដើម្បីនាំខ្លួនយកមកផ្តន្ទាទោសតាមច្បាប់ជាធរមាន ដើម្បីរកយុត្តិធម៌ដល់អ្នកសារព័ត៌មាន។
លោក តាំង ហូ អ្នកសារព័ត៌មានទូរទស្សន៍ ANN ប្រចាំខេត្តសៀមរាប បានរងនូវការគំរាមសម្លាប់តាមទូរសព្ទពីបុគ្គលម្នាក់ ក្រោយពេលលោកចុះយកព័ត៌មាន និងផ្តិតរូបភាពជន សង្ស័យជួញដូគ្រឿងញៀន ដែលសមត្ថកិច្ចកងរាជអាវុធហត្ថខេត្តសៀមរាបឃាត់ខ្លួនកាលពីថ្ងៃទី២ ខែសីហា ឆ្នាំ២០១៥ នៅទីបញ្ជាការដ្ឋាន។ បើតាម ក.អ.ក បន្ទាប់ពីរងការគំរាមសម្លាប់លោក តាំង ហូ បានដាក់ពាក្យបណ្តឹងទៅតុលាការ ហើយលោកបានសម្ងំលាក់ខ្លួននៅផ្ទះបងប្អូនជាបណ្តោះអាសន្នដែរ ដោយសារលោកភ័យខ្លាចសុវត្ថិភាពលោកផ្ទាល់។
ជាមួយគ្នានេះ ក.អ.ក បានបញ្ជាក់អ្នកសារព័ត៌មានឲ្យគោរពខ្ជាប់ខ្ជួន នូវក្រមសីលធម៌វិជ្ជាជីវៈក្នុងពេលបំពេញការងារ ដើម្បីជៀសវាងរាល់ទង្វើប៉ះពាល់ដល់កិត្តិយសសេចក្តីថ្លៃថ្នូរ របស់អ្នកសារព័ត៌មានផងដែរ៕
ក្លឹបអ្នកកាសែតដែលមានបេសកកម្មឯករាជ្យបម្រើផលប្រយោជន៍ការពារអ្នកកាសែត បានចាត់ទុកការគំរាមកំហែងសម្លាប់អ្នកសារព័ត៌មាន ANN ថា ជាការបំបាក់ស្មាតីអ្នកសារព័ត៌មានដែលកំពុងបំពេញការងារតាមវិជ្ជាជីវៈ។ ក.អ.ក បញ្ជាក់ថា ទង្វើនេះ គឺប៉ះពាល់យ៉ាងធ្ងន់ធ្ងរដល់សិទ្ធិសេរីភាព សុវត្ថិភាពរបស់អ្នកសារព័ត៌មាននៅកម្ពុជា។
តាមរយៈសេចក្តីថ្លែងការណ៍ចុះថ្ងៃទី៤នេះ ក.អ.ក ប្រកាសថ្កោលទោសដាច់ខាត ចំពោះបុគ្គលដែលបានគំរាមសម្លាប់អ្នកសារព័ត៌មាន ទោះជាតាមរយៈពាក្យសំដី ឬទូរសព្ទ ក៏ដោយ។ ជាមួយគ្នានោះ ក.អ.ក បានអំពាវនាវដល់ប្រព័ន្ធតុលាការ និងសមត្ថកិច្ចគ្រប់ជាន់ថ្នាក់ ស្រាវជ្រាវវែកមុខជនសង្ស័យ ដើម្បីនាំខ្លួនយកមកផ្តន្ទាទោសតាមច្បាប់ជាធរមាន ដើម្បីរកយុត្តិធម៌ដល់អ្នកសារព័ត៌មាន។
លោក តាំង ហូ អ្នកសារព័ត៌មានទូរទស្សន៍ ANN ប្រចាំខេត្តសៀមរាប បានរងនូវការគំរាមសម្លាប់តាមទូរសព្ទពីបុគ្គលម្នាក់ ក្រោយពេលលោកចុះយកព័ត៌មាន និងផ្តិតរូបភាពជន សង្ស័យជួញដូគ្រឿងញៀន ដែលសមត្ថកិច្ចកងរាជអាវុធហត្ថខេត្តសៀមរាបឃាត់ខ្លួនកាលពីថ្ងៃទី២ ខែសីហា ឆ្នាំ២០១៥ នៅទីបញ្ជាការដ្ឋាន។ បើតាម ក.អ.ក បន្ទាប់ពីរងការគំរាមសម្លាប់លោក តាំង ហូ បានដាក់ពាក្យបណ្តឹងទៅតុលាការ ហើយលោកបានសម្ងំលាក់ខ្លួននៅផ្ទះបងប្អូនជាបណ្តោះអាសន្នដែរ ដោយសារលោកភ័យខ្លាចសុវត្ថិភាពលោកផ្ទាល់។
ជាមួយគ្នានេះ ក.អ.ក បានបញ្ជាក់អ្នកសារព័ត៌មានឲ្យគោរពខ្ជាប់ខ្ជួន នូវក្រមសីលធម៌វិជ្ជាជីវៈក្នុងពេលបំពេញការងារ ដើម្បីជៀសវាងរាល់ទង្វើប៉ះពាល់ដល់កិត្តិយសសេចក្តីថ្លៃថ្នូរ របស់អ្នកសារព័ត៌មានផងដែរ៕
© រក្សាសិទ្ធិដោយ thmeythmey.com
