ព័ត៍មានសុខភាព
សុខភាព៖ ជំងឺអុតស្វាយ អាចការពារបានដែរឬទេ?
×
វ៉ាក់សាំងជំងឺអុតស្វាយ គឺជាវិធីដ៏ល្អបំផុត ដើម្បីបង្ការជំងឺអុតស្វាយ។ ក្រុមអ្នកជំនាញ មកពីមជ្ឈមណ្ឌលគ្រប់គ្រង និងបង្ការជំងឺឆ្លង (CDC) បានប៉ាន់ស្មានថា ការចាក់វ៉ាក់សាំងនេះ អាចផ្តល់នូវការការពារពេញលេញ ពីមេរោគជិតដល់ ៩០ ភាគរយ ចំពោះកុមារវ័យក្មេង ដែលបានទទួលវ៉ាក់សាំងនេះ។
ជាទូទៅ វ៉ាក់សាំងជំងឺអុតស្វាយ (Varivax) ត្រូវបានផ្ដល់ចំពោះ ៖
• កុមារ ត្រូវទទួលវ៉ាក់ស៊ាំង ២ ដង ដែលលើកដំបូង រវាងអាយុពី ១២ ទៅ ១៥ ខែ និងលើកទី ២ ចាប់ពីអាយុ ៤ ទៅ ៦ ឆ្នាំ ។ វ៉ាក់សាំង ត្រូវបានរួមបញ្ចូលគ្នា ជាមួយថ្នាំបង្ការជំងឺកញ្ជ្រឹល ស្រឡទែន និងស្អូច។ ប៉ុន្តែ ការរួមបញ្ចូលគ្នានេះ អាចបង្កើនហានិភ័យ នៃជំងឺគ្រុនក្តៅ និងប្រកាច់។
• កុមារដែលមានវ័យចំណាស់ ចាប់ពីអាយុពី ៧ ទៅ ១២ ឆ្នាំ ដែលមិនបានចាក់វ៉ាក់សាំងនេះ គួរតែទទួលវ៉ាក់សាំងម្ដង ២ ដូស ហើយយ៉ាងហោចណាស់ មានរយៈពេល ៣ ខែដាច់ពីគ្នា។ កុមារដែលមានអាយុ ១៣ ឆ្នាំ ឬចាស់ជាងនេះ ដែលមិនបានទទួលវ៉ាក់សាំង គួរតែទទួលវ៉ាក់សាំង ម្ដង ២ ដូស ហើយយ៉ាងហោចណាស់ មានរយៈពេល ៤ ខែដាច់ពីគ្នា។
• មនុស្សពេញវ័យ ដែលមិនធ្លាប់មាន ជំងឺអុតស្វាយពីមុន ប៉ុន្តែ មានហានិភ័យខ្ពស់ នៃការប៉ះពាល់ រួមមាន អ្នកថែទាំសុខភាព គ្រូបង្រៀន បុគ្គលិកថែទាំកុមារ អ្នកដំណើរអន្តរជាតិ បុគ្គលិកយោធា មនុស្សពេញវ័យ ដែលរស់នៅជាមួយកូនក្មេង និងស្ត្រីដែលមានគភ៌ ត្រូវទទួលទទួលវ៉ាក់សាំងម្ដង២ដូស ហើយយ៉ាងហោចណាស់ មានរយៈពេល ៤ ទៅ ៨ ខែដាច់ពីគ្នា៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com