ជាតិ
សង្គមជាតិ
អាជ្ញាធរអប្សរាសម្រេចចិត្តស្ថាបនាផ្លូវកៅស៊ូពីអង្គរវត្តទៅបាយ័នក្រោយរងការខូចខាត
រូបភាព៖ អាជ្ញាធរអប្សរា
×![]()
សៀមរាប៖ ទីបំផុតទៅ អាជ្ញាធរអប្សរាបានសម្រេចចិត្តជួសជុលផ្លូវក្រាលកៅស៊ូ ដែលរងការខូចខាត ចាប់ពីមុខប្រាសាទអង្គរវត្តដល់ប្រាសាទបាយ័នហើយ។ ការសម្រេចនេះ ក្រោយពេលមានសំណើរជាច្រើន ឲ្យពិនិត្យមើលពីលទ្ធភាព ខណៈដែលអាជ្ញាធរអប្សរាចង់អភិរក្សផ្លូវបុរាណក្នុងតំបន់អង្គរ។
ផ្លូវក្រាលកៅស៊ូមួយខ្សែ ចាប់ពីមុខប្រាសាទអង្គរវត្តដល់ប្រាសាទបាយ័ន នឹងចេញជារូបរាងអំឡុងខែធ្នូ ឆ្នាំ២០១៥ខាងមុខនេះ។ បច្ចុប្បន្នក្រុមអ្នកជំនាញ កំពុងស្ថាបនាផ្លូវដែលរងការសឹករេចរិល ដោយសងខាងផ្លូវគឺជាប្រភេទដីក្រហម ហើយមានភក់ខ្លះនៅរដូវភ្លៀង និងមានដីហុយនៅរដូវក្តៅ។
អាជ្ញាធរអប្សរា តាមរយៈវីឌីអូដែលបានបង្ហោះក្នុងទំព័រហ្វេសប៊ុករបស់ខ្លួន បានពន្យល់ពីមូលហេតុ ដែលនាំឲ្យមានការស្ថាបនាផ្លូវមួយខ្សែចាប់ពីប្រាសាទអង្គរវត្ត ដល់ប្រាសាទបាយ័នថា គឺដើម្បីលើកសោភ័ណ្ឌភាពរមណីយដ្ឋានអង្គរ ក៏ដូចជាសុវត្ថិភាពភ្ញៀវទេសចរផងដែរ។ ភ្ញៀវទេសចរ ដែលចូលចិត្តធ្វើដំណើរដោយការជិះកង់ នឹងលែងបារម្ភខ្លាចក្រែងរថយន្តកៀរទៀតហើយ ព្រោះផ្លូវក្រាលកៅស៊ូដែលកំពុងស្ថាបនានេះ នឹងរៀបចំគំនួសដាច់ដោយឡែកសម្រាប់ពួកគេ និងមានទំហំធំជាងមុន។
ក្នុងវីឌីអូផ្សព្វផ្សាយរបស់ខ្លួន លោក សុខ សង្វារ ប្រធានក្រុមការងារអនុវត្តផែនការគ្រប់គ្រងទេសចរណ៍នៃអាជ្ញាធរអប្សរា បានបញ្ជាក់ថា ទំរាំអាចរៀបចំជួសជុលផ្លូវកៅស៊ូនេះបាន គឺមានការឆ្លងកាត់ការពិភាក្សាយ៉ាងល្អិតល្អន់ពីក្រុមការងារពាក់ព័ន្ធ មាននាយកដ្ឋានបុរាណវិទ្យា នាយកដ្ឋានព្រៃឈើនៃអាជ្ញាធរអប្សរា ជាពិសេសគម្រោងនេះ ក៏មានការឯកភាព គាំទ្រពីគណៈកម្មការ ICC Angkor ក៏ដូចជាអង្គការយូណេស្គូផងដែរ។
លោក សុខ សង្វារ មានសុទិដ្ឋិនិយមថា ក្រោយពេលផ្លូវក្រាលកៅស៊ូពីមុខអង្គរទៅបាយ័នរួចរាល់នោះ ចំនួនភ្ញៀវទេសចរដែលចូលចិត្តធ្វើដំណើរដោយជិះកង់នឹងកើនឡើង។ កង់គឺជាមធ្យោបាយតែមួយគត់ ដែលអាជ្ញាធរអប្សរាយល់ថា វាមានសុវត្ថិភាពសម្រាប់ប្រាង្គប្រាសាទ ព្រោះថាវាមិនបង្កឲ្យមានផ្សែងពុលក្នុងរមណីយដ្ឋានប្រវត្តិសាស្ត្រមួយនេះទេ។ លោក សុខ សង្វារ បន្ថែមថា ការស្ថាបនាផ្លូវនេះដែរ ក្នុងគោលបំណងលើកទឹកចិត្តឲ្យភ្ញៀវទេសចរ ដែលចូលចិត្តជិះកង់ ចូលកម្សាន្តក្នុងរមណីយដ្ឋានអង្គរកាន់តែច្រើនថែមទៀត។
ផ្លូវដែលអាជ្ញាធរអប្សរាកំពុងស្ថាបនាចាប់ពីអង្គរវត្ត ដល់បាយ័ន គឺជាប្រភេទផ្លូវ DBST ដែលមានប្រវែងសរុប ៣៤៦២ម៉ែត្រ ហើយការស្ថាបនាមាន៣ដំណាក់កាល។ ដំណាក់កាលទី១ ពីមុខអង្គរវត្តដល់ក្លោងទ្វារទន្លេអុំ គឺមានទទឹងសរុប ៩ម៉ែត្រ ដោយផ្លូវកណ្តាលសម្រាប់យានយន្តមានទំហំ៦ម៉ែត្រ និងសងខាងផ្លូវ ទំហំ១,៥ម៉ែត្រ សម្រាប់កង់។ ដំណាក់កាលទី២ ចាប់ពីទន្លេអុំ ដល់ប្រាសាទបាយ័ន ទទឹង៨ម៉ែត្រ ៥ម៉ែត្រសម្រាប់យានយន្ត និង១,៥ ម៉ែត្រសងខាងសម្រាប់កង់។ ដំណាក់កាលពី៣ ផ្លូវជុំវិញប្រាសាទបាយ័ន ដែលជាផ្លូវឯកទិស ៣,៥ សម្រាប់យានយន្ត និង ១,៥ សម្រាប់កង់។
គួរបញ្ជាក់ដែរថា កន្លងមកនៅពេលមានពិធីបុណ្យសំខាន់ម្តងៗ ភាគច្រើនមានសំណើរពីមន្ត្រីទូត ឲ្យមានការស្ថាបនាផ្លូវពីមុខអង្គរវត្តទៅប្រាសាទបាយ័ននេះ។ តាមការពន្យល់របស់អាជ្ញាធរអប្សរា គេមិនអាចស្ថាបនាផ្លូវក្នុងរមណីយដ្ឋានអង្គរបានដោយភ្លាមៗនោះទេ ជារួមគឺត្រូវមានការសិក្សាឲ្យបានត្រឹមត្រូវ ជៀសវាងផលប៉ះពាល់ដល់រមណីយដ្ឋានប្រវត្តិសាស្ត្រមួយនេះ៕
ផ្លូវក្រាលកៅស៊ូមួយខ្សែ ចាប់ពីមុខប្រាសាទអង្គរវត្តដល់ប្រាសាទបាយ័ន នឹងចេញជារូបរាងអំឡុងខែធ្នូ ឆ្នាំ២០១៥ខាងមុខនេះ។ បច្ចុប្បន្នក្រុមអ្នកជំនាញ កំពុងស្ថាបនាផ្លូវដែលរងការសឹករេចរិល ដោយសងខាងផ្លូវគឺជាប្រភេទដីក្រហម ហើយមានភក់ខ្លះនៅរដូវភ្លៀង និងមានដីហុយនៅរដូវក្តៅ។
អាជ្ញាធរអប្សរា តាមរយៈវីឌីអូដែលបានបង្ហោះក្នុងទំព័រហ្វេសប៊ុករបស់ខ្លួន បានពន្យល់ពីមូលហេតុ ដែលនាំឲ្យមានការស្ថាបនាផ្លូវមួយខ្សែចាប់ពីប្រាសាទអង្គរវត្ត ដល់ប្រាសាទបាយ័នថា គឺដើម្បីលើកសោភ័ណ្ឌភាពរមណីយដ្ឋានអង្គរ ក៏ដូចជាសុវត្ថិភាពភ្ញៀវទេសចរផងដែរ។ ភ្ញៀវទេសចរ ដែលចូលចិត្តធ្វើដំណើរដោយការជិះកង់ នឹងលែងបារម្ភខ្លាចក្រែងរថយន្តកៀរទៀតហើយ ព្រោះផ្លូវក្រាលកៅស៊ូដែលកំពុងស្ថាបនានេះ នឹងរៀបចំគំនួសដាច់ដោយឡែកសម្រាប់ពួកគេ និងមានទំហំធំជាងមុន។
ក្នុងវីឌីអូផ្សព្វផ្សាយរបស់ខ្លួន លោក សុខ សង្វារ ប្រធានក្រុមការងារអនុវត្តផែនការគ្រប់គ្រងទេសចរណ៍នៃអាជ្ញាធរអប្សរា បានបញ្ជាក់ថា ទំរាំអាចរៀបចំជួសជុលផ្លូវកៅស៊ូនេះបាន គឺមានការឆ្លងកាត់ការពិភាក្សាយ៉ាងល្អិតល្អន់ពីក្រុមការងារពាក់ព័ន្ធ មាននាយកដ្ឋានបុរាណវិទ្យា នាយកដ្ឋានព្រៃឈើនៃអាជ្ញាធរអប្សរា ជាពិសេសគម្រោងនេះ ក៏មានការឯកភាព គាំទ្រពីគណៈកម្មការ ICC Angkor ក៏ដូចជាអង្គការយូណេស្គូផងដែរ។
លោក សុខ សង្វារ មានសុទិដ្ឋិនិយមថា ក្រោយពេលផ្លូវក្រាលកៅស៊ូពីមុខអង្គរទៅបាយ័នរួចរាល់នោះ ចំនួនភ្ញៀវទេសចរដែលចូលចិត្តធ្វើដំណើរដោយជិះកង់នឹងកើនឡើង។ កង់គឺជាមធ្យោបាយតែមួយគត់ ដែលអាជ្ញាធរអប្សរាយល់ថា វាមានសុវត្ថិភាពសម្រាប់ប្រាង្គប្រាសាទ ព្រោះថាវាមិនបង្កឲ្យមានផ្សែងពុលក្នុងរមណីយដ្ឋានប្រវត្តិសាស្ត្រមួយនេះទេ។ លោក សុខ សង្វារ បន្ថែមថា ការស្ថាបនាផ្លូវនេះដែរ ក្នុងគោលបំណងលើកទឹកចិត្តឲ្យភ្ញៀវទេសចរ ដែលចូលចិត្តជិះកង់ ចូលកម្សាន្តក្នុងរមណីយដ្ឋានអង្គរកាន់តែច្រើនថែមទៀត។
ផ្លូវដែលអាជ្ញាធរអប្សរាកំពុងស្ថាបនាចាប់ពីអង្គរវត្ត ដល់បាយ័ន គឺជាប្រភេទផ្លូវ DBST ដែលមានប្រវែងសរុប ៣៤៦២ម៉ែត្រ ហើយការស្ថាបនាមាន៣ដំណាក់កាល។ ដំណាក់កាលទី១ ពីមុខអង្គរវត្តដល់ក្លោងទ្វារទន្លេអុំ គឺមានទទឹងសរុប ៩ម៉ែត្រ ដោយផ្លូវកណ្តាលសម្រាប់យានយន្តមានទំហំ៦ម៉ែត្រ និងសងខាងផ្លូវ ទំហំ១,៥ម៉ែត្រ សម្រាប់កង់។ ដំណាក់កាលទី២ ចាប់ពីទន្លេអុំ ដល់ប្រាសាទបាយ័ន ទទឹង៨ម៉ែត្រ ៥ម៉ែត្រសម្រាប់យានយន្ត និង១,៥ ម៉ែត្រសងខាងសម្រាប់កង់។ ដំណាក់កាលពី៣ ផ្លូវជុំវិញប្រាសាទបាយ័ន ដែលជាផ្លូវឯកទិស ៣,៥ សម្រាប់យានយន្ត និង ១,៥ សម្រាប់កង់។
គួរបញ្ជាក់ដែរថា កន្លងមកនៅពេលមានពិធីបុណ្យសំខាន់ម្តងៗ ភាគច្រើនមានសំណើរពីមន្ត្រីទូត ឲ្យមានការស្ថាបនាផ្លូវពីមុខអង្គរវត្តទៅប្រាសាទបាយ័ននេះ។ តាមការពន្យល់របស់អាជ្ញាធរអប្សរា គេមិនអាចស្ថាបនាផ្លូវក្នុងរមណីយដ្ឋានអង្គរបានដោយភ្លាមៗនោះទេ ជារួមគឺត្រូវមានការសិក្សាឲ្យបានត្រឹមត្រូវ ជៀសវាងផលប៉ះពាល់ដល់រមណីយដ្ឋានប្រវត្តិសាស្ត្រមួយនេះ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
31 នាទី
