ជាតិ
នយោបាយជាតិ
×![]()
ដោយ: ធឿន បញ្ញាឬទិ្ធ
ភ្នំពេញ៖ នៅទីបំផុត គណបក្សសង្គ្រោះជាតិ (CNRP) សម្រេចប្រគល់ផែនទីឌីជីថលទាំង២៦ផ្ទាំងទៅក្រុមការងារស្រាវជ្រាវព្រំដែន នៃរាជបណ្ឌិតសភាកម្ពុជា ដើម្បីផ្ទៀងផ្ទាត់ជាមួយផែនទីរបស់រដ្ឋាភិបាល រួមទាំងផែនទីដែលខ្ចីពីអង្គការសហប្រជាជាតិ។ ពិធីប្រគល់ផែនទីរបស់គណបក្សប្រឆាំងធ្វើឡើងនៅព្រឹកថ្ងៃទី១០សីហានេះ ក្នុងទីស្នាក់ការគណបក្សសង្គ្រោះជាតិ។
មន្ត្រីជាន់ខ្ពស់គណបក្សសង្គ្រោះជាតិលោក ហុង សុខហួរ ថ្លែងក្នុងពិធីប្រគល់ថា CNRP សម្រេចប្រគល់ផែនទីឌីជីថលទាំង ២៦ ផ្ទាំង ជូនរាជបណ្ឌិតសភាកម្ពុជា ដើម្បីផ្ទៀតផ្ទាត់ជាមួយផែនទីរដ្ឋាភិបាលដែលកំពុងតែប្រើប្រាស់ ថា តើផែនទីមួយណាត្រឹមត្រូវ ដើម្បីរកចំណុចរួមដោះស្រាយបញ្ហាព្រំដែនជាមួយគ្នា។
ផែនទីចំនួន ២៦ផ្ទាំងនេះ គឺលោកសម រង្ស៊ី ប្រធានគណបក្សប្រឆាំង បានទិញមកពីប្រទេសបារាំងក្នុងតម្លៃ១៦៨ ដុល្លារ។ បក្សប្រឆាំងធ្លាប់ចោទចោទរាជរដ្ឋាភិបាលថា ប្រើប្រាស់ផែនទីក្លែងក្លាយក្នុងការបោះបង្គោលព្រំដែនជាមួយប្រទេសវៀតណាម ដែលកំពុងតែមានជម្លោះព្រំដែនដ៏ក្តៅគគុកជាមួយកម្ពុជា។
ឱកាសនេះដែរ ប្រធានក្រុមការងារស្រាវជ្រាវព្រំដែននៃរាជបណ្ឌិតសភាកម្ពុជាលោក សុខ ទូច បញ្ជាក់ថា ក្រោយការពិនិត្យស្រាវជ្រាវរួច ក្រុមការងាររបស់លោកនឹងធ្វើ របាយការណ៍ស្រាវជ្រាវរួមមួយ ដាក់ជូនក្រុមអ្នកតំណាងរាស្ត្រដែលមានសំឡេងក្នុងរដ្ឋសភា ដើម្បីជ្រាបជាព័ត៌មាន។
កន្លងមកអ្នកតាមដានស្ថានការណ៍នយោបាយ និងក្រុមសង្គមស៊ីវិលមួយចំនួន រួមទាំងលោក ហ៊ុន សែន ផងដែរ ធ្លាប់ជំរុញបក្សសង្គ្រោះជាតិ ឲ្យប្រគល់ផែនទីមករដ្ឋាភិបាលដើម្បីផ្ទៀងផ្ទាត់ និងបញ្ជាក់ថាតើផែនទីមួយណាត្រឹមត្រូវ ឬក៏អាចស្វែងរកចំណុចវិជ្ជមានរួមមួយទាំងអស់គ្នា។
សូមរំឭកថា កាលពីថ្ងៃទី៦ ខែកក្កដា ឆ្នាំ២០១៥ ប្រមុខរដ្ឋាភិបាលកម្ពុជា លោក ហ៊ុន សែន បានសរសេរលិខិតទៅកាន់លោក បាន គីមូន អគ្គលេខាធិការអង្គការសហប្រជាជាតិ ដើម្បីសុំខ្ចីផែនទី ដែលសម្តេចនរោត្តម សីហនុ យកទៅតម្កល់នៅឆ្នាំ១៩៦៤ ដើម្បីយកមកដោះស្រាយភាពចម្រូងចម្រាស់បញ្ហាព្រំដែនកម្ពុជា-វៀតណាម និងបញ្ចប់ការចោទប្រកាន់ពីសំណាក់បក្សប្រឆាំង។ ជាការឆ្លើយតមនឹងសំណើរបស់លោក ហ៊ុន សែន អង្គការសហប្រជាតិបានសម្រេចឲ្យភាគីកម្ពុជាខ្ចីនូវផែនទី ចំនួន១៨ផ្ទាំង កាលពីថ្ងៃទី០៥ សីហា ឆ្នាំ២០១៥ ៕
មន្ត្រីជាន់ខ្ពស់គណបក្សសង្គ្រោះជាតិលោក ហុង សុខហួរ ថ្លែងក្នុងពិធីប្រគល់ថា CNRP សម្រេចប្រគល់ផែនទីឌីជីថលទាំង ២៦ ផ្ទាំង ជូនរាជបណ្ឌិតសភាកម្ពុជា ដើម្បីផ្ទៀតផ្ទាត់ជាមួយផែនទីរដ្ឋាភិបាលដែលកំពុងតែប្រើប្រាស់ ថា តើផែនទីមួយណាត្រឹមត្រូវ ដើម្បីរកចំណុចរួមដោះស្រាយបញ្ហាព្រំដែនជាមួយគ្នា។
ផែនទីចំនួន ២៦ផ្ទាំងនេះ គឺលោកសម រង្ស៊ី ប្រធានគណបក្សប្រឆាំង បានទិញមកពីប្រទេសបារាំងក្នុងតម្លៃ១៦៨ ដុល្លារ។ បក្សប្រឆាំងធ្លាប់ចោទចោទរាជរដ្ឋាភិបាលថា ប្រើប្រាស់ផែនទីក្លែងក្លាយក្នុងការបោះបង្គោលព្រំដែនជាមួយប្រទេសវៀតណាម ដែលកំពុងតែមានជម្លោះព្រំដែនដ៏ក្តៅគគុកជាមួយកម្ពុជា។
ឱកាសនេះដែរ ប្រធានក្រុមការងារស្រាវជ្រាវព្រំដែននៃរាជបណ្ឌិតសភាកម្ពុជាលោក សុខ ទូច បញ្ជាក់ថា ក្រោយការពិនិត្យស្រាវជ្រាវរួច ក្រុមការងាររបស់លោកនឹងធ្វើ របាយការណ៍ស្រាវជ្រាវរួមមួយ ដាក់ជូនក្រុមអ្នកតំណាងរាស្ត្រដែលមានសំឡេងក្នុងរដ្ឋសភា ដើម្បីជ្រាបជាព័ត៌មាន។
កន្លងមកអ្នកតាមដានស្ថានការណ៍នយោបាយ និងក្រុមសង្គមស៊ីវិលមួយចំនួន រួមទាំងលោក ហ៊ុន សែន ផងដែរ ធ្លាប់ជំរុញបក្សសង្គ្រោះជាតិ ឲ្យប្រគល់ផែនទីមករដ្ឋាភិបាលដើម្បីផ្ទៀងផ្ទាត់ និងបញ្ជាក់ថាតើផែនទីមួយណាត្រឹមត្រូវ ឬក៏អាចស្វែងរកចំណុចវិជ្ជមានរួមមួយទាំងអស់គ្នា។
សូមរំឭកថា កាលពីថ្ងៃទី៦ ខែកក្កដា ឆ្នាំ២០១៥ ប្រមុខរដ្ឋាភិបាលកម្ពុជា លោក ហ៊ុន សែន បានសរសេរលិខិតទៅកាន់លោក បាន គីមូន អគ្គលេខាធិការអង្គការសហប្រជាជាតិ ដើម្បីសុំខ្ចីផែនទី ដែលសម្តេចនរោត្តម សីហនុ យកទៅតម្កល់នៅឆ្នាំ១៩៦៤ ដើម្បីយកមកដោះស្រាយភាពចម្រូងចម្រាស់បញ្ហាព្រំដែនកម្ពុជា-វៀតណាម និងបញ្ចប់ការចោទប្រកាន់ពីសំណាក់បក្សប្រឆាំង។ ជាការឆ្លើយតមនឹងសំណើរបស់លោក ហ៊ុន សែន អង្គការសហប្រជាតិបានសម្រេចឲ្យភាគីកម្ពុជាខ្ចីនូវផែនទី ចំនួន១៨ផ្ទាំង កាលពីថ្ងៃទី០៥ សីហា ឆ្នាំ២០១៥ ៕
© រក្សាសិទ្ធិដោយ thmeythmey.com
