អន្តរជាតិ
×![]()
កាលពីយប់ម្សិលមិញនេះ មានការផ្ទុះជាបន្តបន្ទាប់នៅមូលដ្ឋានយោធាសហរដ្ឋអាមេរិកនៅប្រទេស ជប៉ុនដោយមិនដឹងពីមូលហេតុ។ ឧប្បទ្ទវហេតុនេះ មិនបានបណ្តាលឲ្យមានអ្នករបួស និង បាត់បង់ជីវិតនោះទេ។ នេះបើយោង តាមសារព័ត៌មាន AFP។
យោងតាមមេបញ្ជាការទ័ពជើងទឹក Bill Urban ជាអ្នកនាំពាក្យកងទ័ពអាមេរិក ឧប្បទ្ទវហេតុនៃការផ្ទុះ បានកើតឡើងនៅអាគារ Sagami Depot ក្នុងខេត្តសាហ្គាមិហារ៉ា ដែលមានចម្ងាយប្រមាណ៤០គីឡូ ម៉ែតពីរដ្ឋធានីតូក្យ៉ូ។ លោកបានបន្ថែមទៀតថា មិនទាន់មានរបាយការណ៍ណាមួយបង្ហាញពីចំនួន អ្នករបួសនោះទេ ហើយ ក្រុមអ្នកពន្លត់អគ្គិភ័យកំពុងកំពុងព្យាយាមទប់ស្កាត់អគ្គីសភ័យជៀសវាង ការឆេះបន្តទៅអាគារផ្សេងទៀត។
ជុំវិញបញ្ហានេះ រដ្ឋាភិបាលជប៉ុន កំពុងរង់ចាំនូវព័ត៌មានលំអិតពីរដ្ឋាភិបាលក្រុងវ៉ាស៊ីនតោនទៅលើ មូលហេតុដែលបណ្តាលឲ្យមានការផ្ទុះនេះ និង ជាពិសេសនោះពីអ្វីដែលបានផ្ទុកនៅក្នុងឃ្លាំងដែល រងនូវការផ្ទុះនោះ។
យ៉ាងណាក៏ដោយ លោកមេបញ្ជាការកងទ័ពជើងអាមេរិកបានអះអាងថា កន្លែងដែលបានផ្ទុះនោះ មិនមានផ្ទុកនូវសារធាតុរំសេវ ឬសារធាតុវិទ្យុសកម្មនោះទេ។ ជាមួយគ្នានេះ លោកបានច្រានចោល នូវការរាយការណ៍ដោយព័ត៌មានមួយចំនួនដែលលើកឡើងថា ការផ្ទុះនេះ គឺជាការផ្ទុះសារធាតុដ៏គ្រោះថ្នាក់។ ហើយមកទល់ពេលនេះ ក្រុមអ្នកជំនាញកំពុងធ្វើការកំណត់ និង ស៊ើបអង្កេត។
ទោះបីគេមិនទាន់អាចសន្និដ្ឋានពីមូលហេតុនៃការផ្ទុះនេះក៏ដោយ ក្នុងរយៈចុងក្រោយនេះ ប្រជាជន ជប៉ុន បានសម្តែងការមិនពេញចិត្តជាមួយនឹងវត្តមានរបស់កងទ័ពសហរដ្ឋអាមេរិក ដែលបានដាក់មូល ដ្ឋាននៅក្នុងប្រទេសជប៉ុននោះទេ។ ហើយជុំវិញនៃការផ្ទុះនេះដែរ រដ្ឋាភិបាលជប៉ុន អាចនឹងត្រូវរងនូវ ការរិះគន់ពីប្រជាជនកាន់តែខ្លាំងឡើង ដោយសារបណ្តែតបណ្តោយឲ្យទាហានបរទេសមកឈរជើង និង បង្កបញ្ហាទៀតផង។
សូមរម្លឹកផងដែរថា ក្រោយពីបញ្ចប់សង្គ្រាមលោកលើកទី២ សន្តិសុខរបស់ជប៉ុន ត្រូវបានធានាដោយ សហរដ្ឋអាមេរិក។ ក្នុងនោះ កងទ័ពអាមេរិកជាច្រើន ត្រូវបានបញ្ជូនមកឈរជើងនៅក្នុងទឹកដីជប៉ុន ដែលត្រូវបានគេចាត់ទុកជាសម្ពន្ធ័យោធាដ៏រឹងម៉ាំនៅក្នុងតំបន់អាស៊ីប៉ាស៊ីហ្វិក៕
Tag:
អាមេរិក
© រក្សាសិទ្ធិដោយ thmeythmey.com
