ជាតិ
សង្គមជាតិ
អ្នកនាំពាក្យ៖ សិស្សម្នាក់ត្រូវធ្លាក់ដោយស្វ័យប្រវត្ត និងមិនអាចចូលប្រឡងពីរឆ្នាំ
លោក រស់ សាលីន នៅខាងស្តាំ
×![]()
ដោយ: ថ្មីៗ
ភ្នំពេញ៖ អ្នកនាំពាក្យក្រសួងអប់រំ យុវជន និងកីឡា លោក រស់ សាលីន បាននិយាយថា បេក្ខជនម្នាក់ត្រូវធ្លាក់ដោយស្វ័យប្រវត្ត និងមិនអាចចូលប្រឡងបាក់ឌុបរយៈពេលពីរឆ្នាំជាប់គ្នា ដោយសារបេក្ខជនរូបនេះ អនុញ្ញាតឲ្យអ្នកដទៃបន្លំប្រឡងជំនួស ក្នុងមណ្ឌលវិទ្យាល័យវត្តកោះ នៅថ្ងៃទី២៤ សីហានេះ។ រីឯអ្នកប្រឡងជំនួសបេក្ខជនវិញ អ្នកនាំពាក្យថា ក្រសួងអប់រំសហការជាមួយអង្គភាពប្រឆាំងអំពើពុករលួយ និងកងរាជអាវុធហត្ថកំពុងធ្វើការតាមនីតិវិធី។
«អ្នកប្រឡងជំនួសបេក្ខជននៅមណ្ឌលវិទ្យាល័យវត្តកោះ ខាងជើង នៅព្រឹកមិញ ត្រូវប្រឈមមុខតាមផ្លូវច្បាប់។ ក្រសួងបានបញ្ជូនករណីនេះ ទៅសមត្ថកិច្ចរួចហើយ។ អ្នកត្រូវគេប្រឡងជំនួសត្រូវធ្លាក់ដោយស្វ័យប្រវត្ត និងមិនអាចចូលប្រឡងរយៈពេលពីរឆ្នាំបន្ទាប់»។ នេះជាប្រសាសន៍បញ្ជាក់របស់លោក រស់ សាលីន។
អ្នកនាំពាក្យកងរាជអាវុធហត្ថលើផ្ទៃប្រទេសលោក អេង ហ៊ី ពុំទាន់អាចពន្យល់ករណីនេះ ប្រាប់សារព័ត៌មានថ្មីៗបានទេ ដោយសារលោកកំពុងបំពេញបេសកកម្មការងារ នៅថ្ងៃទី២៤នេះ។
នៅព្រឹកថ្ងៃទី២៤ នេះ កម្លាំងកងរាជអាវុធហត្ថបានឃាត់ខ្លួនយុវជនម្នាក់ បញ្ជូនទៅអង្គភាពប្រឆាំងអំពើពុករលួយ បន្ទាប់ពីយុវជនរូបនោះ ចូលទៅប្រឡងជំនួសបេក្ខជននៅក្នុងមណ្ឌលប្រឡងវិទ្យាល័យវត្តកោះ៕
«អ្នកប្រឡងជំនួសបេក្ខជននៅមណ្ឌលវិទ្យាល័យវត្តកោះ ខាងជើង នៅព្រឹកមិញ ត្រូវប្រឈមមុខតាមផ្លូវច្បាប់។ ក្រសួងបានបញ្ជូនករណីនេះ ទៅសមត្ថកិច្ចរួចហើយ។ អ្នកត្រូវគេប្រឡងជំនួសត្រូវធ្លាក់ដោយស្វ័យប្រវត្ត និងមិនអាចចូលប្រឡងរយៈពេលពីរឆ្នាំបន្ទាប់»។ នេះជាប្រសាសន៍បញ្ជាក់របស់លោក រស់ សាលីន។
អ្នកនាំពាក្យកងរាជអាវុធហត្ថលើផ្ទៃប្រទេសលោក អេង ហ៊ី ពុំទាន់អាចពន្យល់ករណីនេះ ប្រាប់សារព័ត៌មានថ្មីៗបានទេ ដោយសារលោកកំពុងបំពេញបេសកកម្មការងារ នៅថ្ងៃទី២៤នេះ។
នៅព្រឹកថ្ងៃទី២៤ នេះ កម្លាំងកងរាជអាវុធហត្ថបានឃាត់ខ្លួនយុវជនម្នាក់ បញ្ជូនទៅអង្គភាពប្រឆាំងអំពើពុករលួយ បន្ទាប់ពីយុវជនរូបនោះ ចូលទៅប្រឡងជំនួសបេក្ខជននៅក្នុងមណ្ឌលប្រឡងវិទ្យាល័យវត្តកោះ៕
© រក្សាសិទ្ធិដោយ thmeythmey.com
