ជាតិ
×![]()
ដោយ: ថ្មីៗ
លោក អ៊ុំ សំអាន ប្រកាសពីសហរដ្ឋអាមេរិកមកថា រូបលោក បានរកឃើញផែនទីបោនរបស់កម្ពុជាចំនួន ២៦ ផ្ទាំង ទាំងផែនទី Digital និងផែនទីក្រដាស នៅបណ្ណាល័យសភា (Library of Congress) ក្នុងទីក្រុងវ៉ាស៊ីនតោនសហរដ្ឋអាមេរិក។ លោក អ៊ុំ សំអាន នឹងបន្តស្វែងរកមូលហេតុដែលអង្គការសហប្រជាជាតិរកមិនឃើញផែនទីរបស់កម្ពុជា នៅស្នាក់ការអង្គការធំនេះតែម្តង។
ចេញពីក្រុងវ៉ាស៊ីនតោន លោក អ៊ុំ សំអាន តំណាងរាស្ត្រគណបក្សសង្គ្រោះជាតិ នឹងបន្តដំណើរទៅទីស្នាក់ការអង្គការសហប្រជាជាតិ នៅទីក្រុង New York ដើម្បីរកហេតុផលពិតប្រាកដ ដែលអង្គការនេះរកផែនទីកម្ពុជាមិនឃើញ។ ក្នុងបទសម្ភាសន៍ជាមួយសារព័ត៌មានថ្មីៗ លោក អ៊ុំ សំអាន អះអាងថា រូបលោកមិនយល់ឡើយ តើហេតុអ្វីបានជាអង្គការសហប្រជាជាតិរកមិនឃើញ? តំណាងរាស្ត្ររូបនេះ បញ្ជាក់ដូច្នេះថា៖« ខ្ញុំចង់ដឹងឲ្យច្បាស់ថា បើផែនទីនោះបាត់រកមិនឃើញ ដោយសារអ្វី? ហើយបើបាត់ បាត់ពេលណា? ឬយើងមិនយកទៅតម្កល់»។
ពីទីក្រុងវ៉ាស៊ីនតោនសហរដ្ឋអាមេរិក លោក អ៊ុំ សំអាន អះអាងថា រូបលោក បានរកឃើញផែនទីនៅបណ្ណាល័យសភាសហរដ្ឋអាមេរិក (Library of Congress) ។ ផែនទីដែលលោករកឃើញនោះ ជាផែនទីបោនរបស់កម្ពុជាចំនួន ២៦ ផ្ទាំង ទាំងផែនទី Digital និងផែនទីក្រដាស។ លោកថា ផែនទីទាំងនេះ ព្រះបរមតនកោដ្ឋយកមកសុំឲ្យសហរដ្ឋអាមេរិកទទូលស្គាល់ខ្សែព្រំដែនម្ពុជានៅថ្ងៃទី២ខែមេសាឆ្នាំ១៩៦៤ ។ « ផែនទីទាំងនេះគ្មានត្រាយួននិងហត្ថលេខាលោក ឌិត មុន្ទី និងលោក លីវ វ៉ាន់ ឆ្នាំ១៩៨៥ ដូចផែនទីរដ្ឋាភិបាលទេ »។ នេះជាការអះអាងរបស់លោក អ៊ុំ សំអាន។
លោក វ៉ា គឹមហុង ប្រធានគណៈកម្មាធិការព្រំដែនកម្ពុជា មិនទាន់ធ្វើអត្ថាធិប្បាយអំពីបញ្ហានេះទេ៕
Tag:
អ៊ុំ សំអាន
ព្រំដែន
© រក្សាសិទ្ធិដោយ thmeythmey.com
