ប្លែកៗ
អន្តរជាតិ
សហរដ្ឋអាមេរិក ៖ នារីម្នាក់បើកឡានអគ្គិសនី Barbie ទៅរៀន បន្ទាប់ពីត្រូវដកហូតប័ណ្ណបើកបរ
×![]()
ដោយ: ធីតា
សម្រាប់មនុស្សមួយចំនួន ពួកគេពិតជាជ្រើសរើសប្រើប្រាស់មធ្យោបាយធ្វើដំណើរសាធារណៈជាក់ជាមិនខាន បើគ្មានប័ណ្ណបើកបរ។ តែសម្រាប់និស្សិតស្រីអាមេរិកាំងម្នាក់នេះ នាងសុខចិត្តបើកឡានជ័រ Barbie វិញ។ Tara Monroe អាយុ ២០ ឆ្នាំបានក្លាយទៅជាមនុស្សគួរជាទីចាប់អារម្មណ៍នៅក្នុងសាកលវិទ្យាល័យ Texas នេះបើតាមការចុះផ្សាយរបស់កាសែតក្នុងតំបន់ San Antonio Express-News កាលពីថ្ងៃអង្គារកន្លងទៅនេះ។
បន្ទាប់ពីចេញពីកម្មវិធីប្រគំតន្ត្រីមួយ នាងត្រូវប៉ូលិសស្ទាក់ឲ្យធ្វើតេស្តវាស់កម្រិតជាតិអាល់កុលក្នុងឈាម តែនាងបានបដិសេធ។ ប៉ូលិសក៏បានដកហូតប័ណ្ណបើកបររបស់នាងចាប់តាំងពីខែកក្កដាមក។ ឪពុករបស់នាងបានផ្តល់យោបល់ឲ្យនាងជិះកង់ទៅរៀន។ តែនាងបែរជាទៅទិញឡានតុក្កតា Barbie ពណ៌ផ្កាឈូក ក្នុងតម្លៃ ៦០ ដុល្លារវិញតាមអ៊ីនធឺណេតវិញ។
នាងបានជិះរថយន្តអគ្គិសនីនេះទៅសាកលវិទ្យាល័យ ដោយអាចបើកបានក្នុងល្បឿន ៨ គ.ម/ម៉ោង ហើយក៏ក្លាយទៅជាមនុស្សល្បីក្នុងសាលា។ នាងបាននិយាយដោយរីករាយថា៖ « ខ្ញុំជិះឡានជ័រនេះទៅសាកលវិទ្យាល័យ នេះគឺជាជម្រើសដ៏ល្អមែន »៕
Tag:
អាមេរិក
© រក្សាសិទ្ធិដោយ thmeythmey.com
