អន្តរជាតិ
បុរសម្នាក់លេបថ្នាំ Viagra ៣៥ គ្រាប់ដើម្បីលេងសើច ទីបំផុតលិង្គឡើងរឹង ៥ ថ្ងៃ
×
លិង្គរបស់បុរសជនជាតិអង់គ្លេសម្នាក់ឡើងរឹងរយៈពេល ៥ ថ្ងៃបន្ទាប់ពីលេបថ្នាំជំរុញអារម្មណ៍ផ្លូវភេទអស់ ៣៥ គ្រាប់ក្នុងរយៈពេលមួយម៉ោង។ ស្ថិតក្នុងភាពស្រវឹងស្រា បុរសនេះគិតថា លេបថ្នាំនេះដើម្បីលេងសើចជាមួយមិត្តភក្តិរបស់ខ្លួន។
នេះគឺជាការលេងសើចដែលគ្មានចំណេញអ្វីទាល់តែសោះ។ ក្នុងពេលកំពុងស៊ីផឹកជាមួយនឹងមិត្តភក្តិ លោក Daniel Medforth អាយុ ៣៦ ឆ្នាំរស់នៅតំបន់ Withernsea ភាគខាងកើតចក្រភពអង់គ្លេស បានសម្រេចចិត្តលេបថ្នាំសម្រើប Viagra អស់មួយប្រអប់ ដើម្បីជាការលេងសើច។ មួយម៉ោងក្រោយពីលេបថ្នាំនោះមក ថ្នាំចាប់ផ្តើមបញ្ចេញឫទ្ធិ។ បុរសជាឪពុកកូនពីរនាក់ររូបនេះនៅថងចាំពីប្រតិកម្មនៃថ្នាំថា៖ « ខ្ញុំក្អួតចង្អោរផង វិលមុខផង។ ខ្ញុំចាប់ផ្តើមបែកអំពិលអំពែកហើយ »។
ឥទ្ធិពលថ្នាំមិនមែនបញ្ចេញប្រតិកម្មត្រឹមតែប៉ុន្មានម៉ោងនោះទេ។ លិង្គរបស់បុរសពូកែលេងសើចម្នាក់នេះឡើងរឹងរយៈពេល ៥ ថ្ងៃមិនព្រមស្រកវិញសោះ។ ដោយព្រួយបារម្ភនឹងសភាពរបស់ខ្លួន គាត់បានសារភាពគ្រប់យ៉ាងប្រាប់ប្រពន្ធ ហើយប្រពន្ធរបស់គាត់ក៏ហៅរថយន្តសង្គ្រោះបន្ទាន់បញ្ជូនគាត់ទៅមន្ទីរពេទ្យ។ ដើម្បីដោះស្រាយសភាពនេះ គ្រូពេទ្យបានសុលសាប៊ូចូលរន្ធគូថអ្នកជំងឺ។ អ្នកជំងឺត្រូវដេកសម្រាកក្នុងមន្ទីរពេទ្យជាច្រើនថ្ងៃ ដើម្បីបានធូរស្រាលវិញ។ លោក Daniel ពិតជាសោកស្តាយខ្លាំងណាស់ចំពោះទង្វើលេងសើចដ៏ឥតប្រយោជន៍នេះ៕
© រក្សាសិទ្ធិដោយ thmeythmey.com