ជាតិ
សង្គមជាតិ
រូបភាពពីហ្វេសប៊ុក កំពតស្រុកកំណើតខ្ញុំ
×![]()
ដោយ: សារព័ត៌មានថ្មីៗ
ភ្នំពេញ៖ ជំនន់ទឹកភ្លៀងនៅខេត្តកំពត បានធ្វើឲ្យដីស្រែប្រជាពលរដ្ឋ២៥៩ ហិកតាខូចខាត និងប៉ះពាល់ដល់ប្រជាពលរដ្ឋ១៧៦០គ្រួសារ។ នេះបើតាមលោក កែវ វី នាយកខុទ្ទកាល័យនៃគណៈកម្មាធិការជាតិគ្រប់គ្រងគ្រោះមហន្តរាយ។
លោក កែវ វី បានឲ្យដឹងថា ជំនន់ទឹកភ្លៀងហូរចូលក្នុងក្រុងកំពតនៅព្រឹកថ្ងៃទី១៧នេះ បានធ្វើឲ្យប៉ះពាល់ដល់ឃុំចំនួន៣ ។ លោកថា មូលហេតុដែលជំនន់ទឹកភ្លៀងនៅខេត្តកំពតនេះ ដោយសារការធ្លាក់ភ្លៀងច្រើនជាបន្ដបន្ទាប់ មានទឹកធ្លាក់ពីលើភ្នំហៀចូលមកសមុទ្រអត់ស្រក និងការបើកទំនប់ទឹកកំចាយ។
ថ្លែងប្រាប់សារព័ត៌មានថ្មីៗ នាយខុទ្ទកាល័យរូបនេះ បញ្ជាក់ថា នៅពេលនេះក្រុមកាកបាទក្រហមកំពុងជួយជម្លៀសប្រជាពលរដ្ឋ និងសត្វពាហនៈ នៅតំបន់ដែលមានជំនន់ទឹកភ្លៀងទាំងនោះ ទៅកន្លែងមានសុវត្ថិភាព។ ក្រៅពីខេត្តកំពត ក៏មានជំនន់ទឹកភ្លៀងនៅក្រុងប៉ោយប៉ែត ដែលប៉ះពាល់ដល់ប្រជាពលរដ្ឋចំនួន១៣០គ្រួសារដែរ។
លោក កែវ វី បន្ថែមទៀតថា បើទឹកភ្លៀងនៅតែបន្តធ្លាក់ជាគំហុកបន្ដបន្ទាប់ទៀតនោះ ក៏អាចបណ្ដាលឲ្យខេត្តកំពង់ស្ពឺ និងរាជធានីភ្នំពេញទទួលរងជំនន់ទឹកភ្លៀងដែរ។ «បើភ្លៀងនៅតែបន្ដធ្លាក់ទៀត អាចធ្វើឲ្យទឹកស្ទឹងសំរោងនៅផ្លូវជាតិលេខ៤ ជន់ឡើង ហើយបន្ដមកទឹកស្ទឹងព្រែកត្នោតខេត្តកំពង់ស្ពឺជនឡើង ដែលអាចមកដល់ភ្នំពេញ»។ នេះជាការបញ្ជាក់របស់លោក កែវ វី។
បើតាមនាយខុទ្ទកាល័យរូបនេះ គណៈកម្មាធិការជាតិគ្រប់គ្រងគ្រោះមហន្តរាយ កំពុងតាមដានស្ថានការណ៍ទឹកភ្លៀង និងត្រៀមវិធានការនានា ដើម្បីដោះស្រាយនិងទប់ស្កាត់ជំនន់ទឹកភ្លៀងនេះ។
លោក ចាន់ យុត្ថា អ្នកនាំពាក្យ និងជានាយកខុទ្ទកាល័យក្រសួងធនធានទឹក និងឧតុនិយម ឲ្យដឹងដែរថា ប្រសិនបើភ្លៀងបន្តធ្លាក់ទៀតនោះ ជំនន់ទឹកភ្លៀង អាចនឹងជន់លិចតំបន់ស្ទឹងតាមបណ្តាខេត្តមួយចំនួន រួមមាន ខេត្តបាត់ដំបង ពោធិ៍សាត់ ព្រះសីហនុ កោះកុង បន្ទាយមានជ័យ និងខេត្តកំពង់ធំដែលមានស្ទឹងធំៗ ដូចជា ស្ទឹងសង្កែ ស្ទឹងមង្គលបូរី ស្ទឹងក្រាំងពន្លៃ ស្ទឹងត្រែង និងស្ទឹងសែន។
អ្នកនាំពាក្យរូបនេះ អំពាវទៅដល់ប្រជាពលរដ្ឋនៅតំបន់មាត់សមុទ្របង្កើន ការប្រុងប្រយ័ត្នខ្ពស់ ជាពិសេសប្រជានេសាទ និងអ្នកធ្វើដំណើរទេសចរតាមសមុទ្រ សូមផ្អាកសកម្មភាពនេសាទ និងការធ្វើដំណើរកម្សាន្តលើផ្ទៃសមុទ្រ ដើម្បីចៀសវាងគ្រោះថ្នាក់ដែលអាចកើតឡើងជាយថាហេតុ។
បើតាមសេចក្តីជូនដំណឹងក្រសួងធនធានទឹក និងឧតុនិយម កាលពីថ្ងៃទី១១ កញ្ញា រាជធានី-ខេត្តចំនួន៨ នឹងបន្តប្រឈមនឹងជំនន់ទឹកភ្លៀងរហូតដល់ថ្ងៃទី១៨ខែកញ្ញា ដោយសារតែឥទ្ធិពលមួយដែលកើតឡើងនៅក្នុងសមុទ្រចិនភាគខាងត្បូង ។ រាជធានី-ខេត្តទាំងនោះ រួមមានរាជធានីភ្នំពេញ ខេត្តកំពង់ស្ពឺ កណ្តាល តាកែវ កំពត កំពង់ធំ ព្រះសីហនុ និងខេត្តសៀមរាប៕
លោក កែវ វី បានឲ្យដឹងថា ជំនន់ទឹកភ្លៀងហូរចូលក្នុងក្រុងកំពតនៅព្រឹកថ្ងៃទី១៧នេះ បានធ្វើឲ្យប៉ះពាល់ដល់ឃុំចំនួន៣ ។ លោកថា មូលហេតុដែលជំនន់ទឹកភ្លៀងនៅខេត្តកំពតនេះ ដោយសារការធ្លាក់ភ្លៀងច្រើនជាបន្ដបន្ទាប់ មានទឹកធ្លាក់ពីលើភ្នំហៀចូលមកសមុទ្រអត់ស្រក និងការបើកទំនប់ទឹកកំចាយ។
ថ្លែងប្រាប់សារព័ត៌មានថ្មីៗ នាយខុទ្ទកាល័យរូបនេះ បញ្ជាក់ថា នៅពេលនេះក្រុមកាកបាទក្រហមកំពុងជួយជម្លៀសប្រជាពលរដ្ឋ និងសត្វពាហនៈ នៅតំបន់ដែលមានជំនន់ទឹកភ្លៀងទាំងនោះ ទៅកន្លែងមានសុវត្ថិភាព។ ក្រៅពីខេត្តកំពត ក៏មានជំនន់ទឹកភ្លៀងនៅក្រុងប៉ោយប៉ែត ដែលប៉ះពាល់ដល់ប្រជាពលរដ្ឋចំនួន១៣០គ្រួសារដែរ។
លោក កែវ វី បន្ថែមទៀតថា បើទឹកភ្លៀងនៅតែបន្តធ្លាក់ជាគំហុកបន្ដបន្ទាប់ទៀតនោះ ក៏អាចបណ្ដាលឲ្យខេត្តកំពង់ស្ពឺ និងរាជធានីភ្នំពេញទទួលរងជំនន់ទឹកភ្លៀងដែរ។ «បើភ្លៀងនៅតែបន្ដធ្លាក់ទៀត អាចធ្វើឲ្យទឹកស្ទឹងសំរោងនៅផ្លូវជាតិលេខ៤ ជន់ឡើង ហើយបន្ដមកទឹកស្ទឹងព្រែកត្នោតខេត្តកំពង់ស្ពឺជនឡើង ដែលអាចមកដល់ភ្នំពេញ»។ នេះជាការបញ្ជាក់របស់លោក កែវ វី។
បើតាមនាយខុទ្ទកាល័យរូបនេះ គណៈកម្មាធិការជាតិគ្រប់គ្រងគ្រោះមហន្តរាយ កំពុងតាមដានស្ថានការណ៍ទឹកភ្លៀង និងត្រៀមវិធានការនានា ដើម្បីដោះស្រាយនិងទប់ស្កាត់ជំនន់ទឹកភ្លៀងនេះ។
លោក ចាន់ យុត្ថា អ្នកនាំពាក្យ និងជានាយកខុទ្ទកាល័យក្រសួងធនធានទឹក និងឧតុនិយម ឲ្យដឹងដែរថា ប្រសិនបើភ្លៀងបន្តធ្លាក់ទៀតនោះ ជំនន់ទឹកភ្លៀង អាចនឹងជន់លិចតំបន់ស្ទឹងតាមបណ្តាខេត្តមួយចំនួន រួមមាន ខេត្តបាត់ដំបង ពោធិ៍សាត់ ព្រះសីហនុ កោះកុង បន្ទាយមានជ័យ និងខេត្តកំពង់ធំដែលមានស្ទឹងធំៗ ដូចជា ស្ទឹងសង្កែ ស្ទឹងមង្គលបូរី ស្ទឹងក្រាំងពន្លៃ ស្ទឹងត្រែង និងស្ទឹងសែន។
អ្នកនាំពាក្យរូបនេះ អំពាវទៅដល់ប្រជាពលរដ្ឋនៅតំបន់មាត់សមុទ្របង្កើន ការប្រុងប្រយ័ត្នខ្ពស់ ជាពិសេសប្រជានេសាទ និងអ្នកធ្វើដំណើរទេសចរតាមសមុទ្រ សូមផ្អាកសកម្មភាពនេសាទ និងការធ្វើដំណើរកម្សាន្តលើផ្ទៃសមុទ្រ ដើម្បីចៀសវាងគ្រោះថ្នាក់ដែលអាចកើតឡើងជាយថាហេតុ។
បើតាមសេចក្តីជូនដំណឹងក្រសួងធនធានទឹក និងឧតុនិយម កាលពីថ្ងៃទី១១ កញ្ញា រាជធានី-ខេត្តចំនួន៨ នឹងបន្តប្រឈមនឹងជំនន់ទឹកភ្លៀងរហូតដល់ថ្ងៃទី១៨ខែកញ្ញា ដោយសារតែឥទ្ធិពលមួយដែលកើតឡើងនៅក្នុងសមុទ្រចិនភាគខាងត្បូង ។ រាជធានី-ខេត្តទាំងនោះ រួមមានរាជធានីភ្នំពេញ ខេត្តកំពង់ស្ពឺ កណ្តាល តាកែវ កំពត កំពង់ធំ ព្រះសីហនុ និងខេត្តសៀមរាប៕
© រក្សាសិទ្ធិដោយ thmeythmey.com
