អន្តរជាតិ
×![]()
អតីតនាយករដ្ឋមន្ត្រីម៉ាឡេស៊ីលោក ម៉ាហាធា មហាម៉េត (Mahathir Mohamad) បានអះអាងក្នុងសុន្ទរកថាបើកកម្មវិធីវគ្គសិក្សាស្តីពីសន្តិភាពពិភពលោកលើកទី៤នៅទីក្រុង ពូត្រាចាយ៉ា (Putra Jaya) កាលពីថ្ងៃអង្គារ ថា ក្រុមរដ្ឋឥស្លាមបានរៀនសូត្រតាមទាហានអាមេរិកក្នុងការប្រើប្រាស់អំពើព្រៃផ្សៃអមនុស្សធម៌ដើម្បីធ្វើឲ្យគ្រប់គ្នាភ័យរន្ធត់។ លោកបានលើកយកការអន្តរាគមន៍អាមេរិកនៅក្នុងប្រទេសអ៊ីរ៉ាក់ឆ្នាំ២០០៣ ជាឧទាហរណ៍ នៅពេលដែលអាមេរិកចាប់អនុវត្តគោលការណ៍ព្រៃផ្សៃដើម្បីធ្វើឲ្យជនជាតិអ៊ីរ៉ាក់ភ័យញញើតនិងព្រមចុះចាញ់។
លោក មុំ ពិទូរ្យ លម្អិតព័ត៌មាននេះ
លោក ម៉ាហាធា មហាម៉េត នាយករដ្ឋមន្ត្រីទី៤ និងជាមេដឹកនាំកាន់តំណែងយូរបំផុតក្នុងប្រវត្តិសាស្ត្រនយោបាយម៉ាឡេស៊ីបានអះអាងថា ក្រុមសកម្មប្រយុទ្ធរដ្ឋឥស្លាមដែលកំពុងបំភ័យពិភពលោកដោយប្រើអំពើហិង្សា ព្រៃផ្សៃសាហាវឃោរឃៅនេះ រៀនសូត្រតាមគោលការណ៍ទាហានអាមេរិកដែលប្រើប្រាស់ក្នុងសង្គ្រាមឈ្លានពានអ៊ីរ៉ាក់។ អតីតនាយករដ្ឋមន្ត្រីម៉ាឡេស៊ីរូបនេះ បានអះអាងដូច្នេះក្នុងពេលផ្តល់សុន្ទរកថាបើកកម្មវិធីវគ្គសិក្សាខ្លីស្តីពីសន្តិភាពពិភពលោកលើកទី៤នៅទីក្រុងរដ្ឋបាល ពូត្រាចាយ៉ា កាលពីថ្ងៃទី១៥កញ្ញាកន្លងមក។
លោកបានបញ្ជាក់ថា៖« សហរដ្ឋអាមេរិកបានអនុវត្តគោលការណ៍មួយដើម្បីធ្វើឲ្យមនុស្សរន្ធត់និងបង្កើតភាពភ័យខ្លាចមួយសម្រាប់ប្រជាជន ក្នុងពេលដែលពួកគេឈ្លានពានអ៊ីរ៉ាក់ឆ្នាំ២០០៣ ។ អាមេរិកប្រើគោលការណ៍បង្កើតក្តីរន្ធត់និងភាពភ័យខ្លាចនេះ ដើម្បីឲ្យប្រជាជនអ៊ីរ៉ាក់ព្រមចុះចាញ់។ តែគោលការណ៍នេះត្រូវបានក្រុមភេរវជនរដ្ឋឥស្លាមចម្លងយកមកប្រើប្រាស់ទាំងស្រុងដើម្បីបំភ័យមនុស្សដូចគ្នាផងគ្នា»
លោកបន្តថា ដូចដែលឃើញស្រាប់ ក្រុមរដ្ឋឥស្លាមបានសម្លាប់អ្នកកាសែត ដោយចាប់ផ្តើមកាត់ក ដោយប្រើប្រាស់កូនកាំបិតខ្លី អារចុះឡើងបន្តិចម្តងនៅចំពោះមុខកាមេរ៉ាមុនចែកចាយឲ្យមនុស្សគ្រប់គ្នាបានឃើញ។ នេះហើយជាមធ្យោបាយបង្កើតក្តីរន្ធត់និងធ្វើឲ្យមនុស្សខ្លាចរអាខ្លាំង។ ដោយសារភាពខ្លាចរអានិងរន្ធត់នេះដូច្នេះហើយ ទើបបានជាក្រុមនេះអាចមានលទ្ធភាពបង្កការភ័យខ្លាចដល់ពិភពលោក បង្កគ្រោះមហន្តរាយដល់មនុស្សជាតិ ព្រោះប្រទេសជាច្រើនស្ទាក់ស្ទើរក្នុងការចូលរួមប្រយុទ្ធនិងកម្ចាត់ក្រុមនេះ។
ជាការពិត ក្រុមរដ្ឋឥស្លាមបានព្យាយាមបង្កក្តីរន្ធត់និងបង្កើតអារម្មណ៍ភ័យខ្លាចសម្រាប់ប្រជាជនពិភពលោក ដោយប្រើប្រាស់រាល់ទង្វើផ្សៃព្រៃ ឃោរឃៅគ្មានពីរលើលោក។ ពួកគេចាប់ខ្លួននិងសម្លាប់ប្រជាជនស៊ីវិល អ្នកកាសែត និងជនបរទេសដោយដុតទាំងរស់ កាត់ក និងបាញ់សម្លាប់គ្មានត្រាប្រណី។ អាចនិយាយបានថា ក្រុមភេរវជនរដ្ឋឥស្លាមនេះ មានសមត្ថភាពដឹងច្បាស់ពីបញ្ហាចិត្តសាស្ត្រ ដោយឆ្លៀតឱកាសប្រើប្រាស់ហិង្សាឃោរឃៅ បង្កអារម្មណ៍ភ័យខ្លាចនិងបំបាក់ស្មារតីមនុស្សទូទៅ៕
លោក មុំ ពិទូរ្យ លម្អិតព័ត៌មាននេះ
លោក ម៉ាហាធា មហាម៉េត នាយករដ្ឋមន្ត្រីទី៤ និងជាមេដឹកនាំកាន់តំណែងយូរបំផុតក្នុងប្រវត្តិសាស្ត្រនយោបាយម៉ាឡេស៊ីបានអះអាងថា ក្រុមសកម្មប្រយុទ្ធរដ្ឋឥស្លាមដែលកំពុងបំភ័យពិភពលោកដោយប្រើអំពើហិង្សា ព្រៃផ្សៃសាហាវឃោរឃៅនេះ រៀនសូត្រតាមគោលការណ៍ទាហានអាមេរិកដែលប្រើប្រាស់ក្នុងសង្គ្រាមឈ្លានពានអ៊ីរ៉ាក់។ អតីតនាយករដ្ឋមន្ត្រីម៉ាឡេស៊ីរូបនេះ បានអះអាងដូច្នេះក្នុងពេលផ្តល់សុន្ទរកថាបើកកម្មវិធីវគ្គសិក្សាខ្លីស្តីពីសន្តិភាពពិភពលោកលើកទី៤នៅទីក្រុងរដ្ឋបាល ពូត្រាចាយ៉ា កាលពីថ្ងៃទី១៥កញ្ញាកន្លងមក។
លោកបានបញ្ជាក់ថា៖« សហរដ្ឋអាមេរិកបានអនុវត្តគោលការណ៍មួយដើម្បីធ្វើឲ្យមនុស្សរន្ធត់និងបង្កើតភាពភ័យខ្លាចមួយសម្រាប់ប្រជាជន ក្នុងពេលដែលពួកគេឈ្លានពានអ៊ីរ៉ាក់ឆ្នាំ២០០៣ ។ អាមេរិកប្រើគោលការណ៍បង្កើតក្តីរន្ធត់និងភាពភ័យខ្លាចនេះ ដើម្បីឲ្យប្រជាជនអ៊ីរ៉ាក់ព្រមចុះចាញ់។ តែគោលការណ៍នេះត្រូវបានក្រុមភេរវជនរដ្ឋឥស្លាមចម្លងយកមកប្រើប្រាស់ទាំងស្រុងដើម្បីបំភ័យមនុស្សដូចគ្នាផងគ្នា»
លោកបន្តថា ដូចដែលឃើញស្រាប់ ក្រុមរដ្ឋឥស្លាមបានសម្លាប់អ្នកកាសែត ដោយចាប់ផ្តើមកាត់ក ដោយប្រើប្រាស់កូនកាំបិតខ្លី អារចុះឡើងបន្តិចម្តងនៅចំពោះមុខកាមេរ៉ាមុនចែកចាយឲ្យមនុស្សគ្រប់គ្នាបានឃើញ។ នេះហើយជាមធ្យោបាយបង្កើតក្តីរន្ធត់និងធ្វើឲ្យមនុស្សខ្លាចរអាខ្លាំង។ ដោយសារភាពខ្លាចរអានិងរន្ធត់នេះដូច្នេះហើយ ទើបបានជាក្រុមនេះអាចមានលទ្ធភាពបង្កការភ័យខ្លាចដល់ពិភពលោក បង្កគ្រោះមហន្តរាយដល់មនុស្សជាតិ ព្រោះប្រទេសជាច្រើនស្ទាក់ស្ទើរក្នុងការចូលរួមប្រយុទ្ធនិងកម្ចាត់ក្រុមនេះ។
ជាការពិត ក្រុមរដ្ឋឥស្លាមបានព្យាយាមបង្កក្តីរន្ធត់និងបង្កើតអារម្មណ៍ភ័យខ្លាចសម្រាប់ប្រជាជនពិភពលោក ដោយប្រើប្រាស់រាល់ទង្វើផ្សៃព្រៃ ឃោរឃៅគ្មានពីរលើលោក។ ពួកគេចាប់ខ្លួននិងសម្លាប់ប្រជាជនស៊ីវិល អ្នកកាសែត និងជនបរទេសដោយដុតទាំងរស់ កាត់ក និងបាញ់សម្លាប់គ្មានត្រាប្រណី។ អាចនិយាយបានថា ក្រុមភេរវជនរដ្ឋឥស្លាមនេះ មានសមត្ថភាពដឹងច្បាស់ពីបញ្ហាចិត្តសាស្ត្រ ដោយឆ្លៀតឱកាសប្រើប្រាស់ហិង្សាឃោរឃៅ បង្កអារម្មណ៍ភ័យខ្លាចនិងបំបាក់ស្មារតីមនុស្សទូទៅ៕
Tag:
ម៉ាឡេស៊ី
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
