ជាតិ
សង្គមជាតិ
អ្នករាយការណ៍ពិសេស UN ថ្មី ប្តេជ្ញាសហការជាមួយរដ្ឋាភិបាលពង្រឹងសិទ្ធិមនុស្សនៅកម្ពុជា
×![]()
ភ្នំពេញ៖ អ្នករាយការណ៍ពិសេសថ្មីរបស់អង្គការសហប្រជាជាតិ (UN) ឃ្លាំមើលស្ថានភាពសិទ្ធិមនុស្សប្រចាំកម្ពុជា លោកស្រី រ៉ូណា ស្ម៊ីត (Rhona Smith) ប្តេជ្ញាថា នឹងបន្តសហប្រតិបត្តិការជាមួយរដ្ឋាភិបាលជំរុញការងារលើកម្ពស់ការគោរពសិទ្ធិមនុស្សនៅកម្ពុជាបន្ថែមទៀត។ ការលើកឡើងនេះ ប្រព្រឹត្តឡើងក្នុងពិធីសន្និសីទសារព័ត៌មាន នៅរសៀលថ្ងៃទី២៤ កញ្ញានេះ នៅការិយាល័យសិទ្ធិមនុស្សអង្គសហប្រជាជាតិប្រចាំកម្ពុជា (OHCHR)។
បន្ទាប់ពីបញ្ចប់ដំណើរទស្សនកិច្ចរយៈពេល ៩ថ្ងៃនៅកម្ពុជាលើកដំបូង លោកស្រី Rhona Smith កត់សម្គាល់ថា កម្ពុជាបាននិងកំពុងបន្តអភិវឌ្ឍក្នុងល្បឿនមួយលើសពីការរំពឹងទុក ហើយដែលកំពុងលេចធ្លោនៅក្នុងចំណោមប្រទេសក្នុងសមាគមអាស៊ាន (ASEAN) និងពិភពលោក។ លោកស្រីបន្តថា ការធ្វើដំណើរឆ្ពោះទៅមុខ វាគឺជាការសំខាន់ដែលគ្រប់ពីអង្គទាំងអស់ អាចដើរតួនាទីមួយប្រកបដោយអត្ថន័យ ក្នុងការពិភាក្សាគ្នាអំពីអនាគតរបស់កម្ពុជា។
លោកស្រីពិនិត្យឃើញភាពវិជ្ជមានពីសិទ្ធិសេរីភាពនៅកម្ពុជាថា៖«ពិតណាស់ ទិដ្ឋភាពវិជ្ជមានមួយ ក្នុងចំណោមទិដ្ឋភាពវិជ្ជមានធំៗផ្សេងទៀត គឺការបង្កឱកាសប្រើប្រាស់បណ្តាញ សារព័ត៌មានសង្គម និងសង្គមស៊ីវិលរីកដុះដាល»។
បេសកកម្មជាអ្នកការណ៍ពិសេស UN សិទ្ធិមនុស្សប្រចាំកម្ពុជា លោកស្រី Rhona Smith មានគោលដៅចំនួន ២ចម្បងគឺ ការណែនាំខ្លួនដើម្បីបង្កើតទំនាក់ទំនងជិតសិ្នទ្ធក្នុងន័យ ស្ថាបនាជាមួយរដ្ឋាភិបាល និងដៃគូពិភាក្សាពាក់ព័ន្ធដ៏ទៃទៀត ដែលជាមូលដ្ឋានមួយសម្រាប់ការបំពេញអាណត្តិការងារ។
ជាមួយគ្នានេះដែរ លោកស្រីបានប្តេជ្ញាថានឹងបន្តបំពេញការងារស្នងតំណែងពី អ្នករាយការណ៍ ពិសេសអាណតិ្ត កន្លងទៅ ក្នុងការផ្តល់ប្រឹក្សាយោបល់ ត្រួតពិនិត្យឃ្លាំមើល និងរាយការណ៍ពី ស្ថានភាពសិទ្ធិមនុស្សនៅកម្ពុជា ពិសេសគឺការអនុវត្កច្បាប់ដែលមានឥទ្ធិពលលើសិទ្ធិមនុស្ស។ «ការធានាដល់ការគោរពសិទ្ធិមនុស្ស និងសេរីភាពមូលដ្ឋាន គឺជាកាតព្វកិច្ចចម្បងរបស់រដ្ឋ នីមួយៗ ដែលទទួលយកសន្ធិសញ្ញាសិទ្ធិមនុស្សអន្តរជាតិ ដើម្បីធានាការពារសិទ្ធិក្នុងដែន សមត្ថកិច្ចរបស់ខ្លួន»។ នេះជាប្រសាសន៍បញ្ជាក់របស់លោកស្រី រ៉ូណា ស្ម៊ីត។
ក្នុងនាមជាអ្នករាយការណ៍ពិសេស UN លោកស្រីត្រៀមសហការជាស្រេចជាមួយរដ្ឋាភិបាល អង្គការក្រៅរដ្ឋាភិបាល និងភាគីពាក់ព័ន្ធ អនុវត្តន៍ឲ្យមានប្រសិទ្ធភាពនូវការផ្តល់សិទ្ធិមនុស្ស ពេញលេញដល់ប្រជាជនកម្ពុជា។ លោកស្រីថា៖«ខ្ញុំបានសន្យាថា នឹងអនុវត្តភារកិច្ចដ៏សំខាន់នេះ ប្រកបដោយសុចរិតភាព អព្យាក្រឹតភាពក្នុងស្មារតីនៃកិច្ចសហប្រតិបត្តិការ។ ខ្ញុំសូមអរគុណ ចំពោះរដ្ឋាភិបាល និងប្រជាជនកម្ពុជាដែលបានទទួលស្វាគមន៍ខ្ញុំយ៉ាងកក់ក្តៅបំផុត នៅក្នុងអំឡុងពេលនៃដំណើរទស្សនកិច្ចនេះ»។
ក្នុងដំណើទស្សនកិច្ចជាលើកដំបូងនៅកម្ពុជា រយៈពេល៩ថ្ងៃ ចាប់ពីថ្ងៃទី១៦ ដល់ថ្ងៃទី ២៤ កញ្ញានេះ អ្នករាយការណ៍ពិសេសថ្មីរបស់ UN ទទួលបន្ទុកសិទ្ធិមនុស្ស ប្រចាំកម្ពុជា លោកស្រី រ៉ូណា ស្ម៊ីត បានចូលជួបលោកនាយករដ្ឋមន្ត្រី ហ៊ុន សែន រដ្ឋមន្ត្រីក្រសួងមហាផៃ្ទ លោក ស ខេង រដ្ឋមន្ត្រីក្រសួងអប់រំ យុវជន និងកីឡា លោក ហង់ ជួនណារ៉ុន រដ្ឋមន្ត្រីក្រសួងយុត្តិធម៌ លោក អង្គ វង្សវឌ្ឍនា និងសមាជិកជាន់ខ្ពស់រាជរដ្ឋាភិបាលដទៃទៀត ព្រមទាំងអនុប្រធានទី១ នៃរដ្ឋសភា លោក កឹម សុខា ផងដែរ។ ក្រៅពីនោះ លោកស្រីក៏បានជួបជាមួយតំណាង សង្គមស៊ីវិល និងសហគមន៍មូលដ្ឋាននានា ព្រមទាំងក្រុមអង្គការ សហប្រជាជាតិ និងសហគមន៍ម្ចាស់ជំនួយ។
គួរបញ្ជាក់ផងដែរ លោកស្រី Rhona Smith ត្រូវបានតែងតាំងដោយក្រុមប្រឹក្សាសិទ្ធិមនុស្ស UN ក្នុងខែមីនា ឆ្នាំ២០១៥ ស្នងតំណែងរបស់លោក សុរិយា ប្រាសាទ ស៊ូប៊ែឌី ដែលបានបញ្ចប់អាណត្តិ ៦ឆ្នាំ នៅខែមីនា ឆ្នាំ២០១៥ ដើម្បីធ្វើសេចក្តីរាយការណ៍ និងផ្តល់ប្រឹក្សាយោបល់ស្តីពី ស្ថានភាពសិទ្ធិមនុស្សនៅកម្ពុជា។ លោកស្រី Rhona Smith ជាសាស្ត្រាចារ្យផ្នែកសិទ្ធិមនុស្សអន្តរជាតិនៅចក្រភពអង់គ្លេស និងជាសាស្ត្រាចារ្យទស្សនកិច្ចនៅសាកលវិទ្យាល័យបញ្ញាសាស្ត្រកម្ពុជា ផ្នែកច្បាប់សិទ្ធិមនុស្ស៕
បន្ទាប់ពីបញ្ចប់ដំណើរទស្សនកិច្ចរយៈពេល ៩ថ្ងៃនៅកម្ពុជាលើកដំបូង លោកស្រី Rhona Smith កត់សម្គាល់ថា កម្ពុជាបាននិងកំពុងបន្តអភិវឌ្ឍក្នុងល្បឿនមួយលើសពីការរំពឹងទុក ហើយដែលកំពុងលេចធ្លោនៅក្នុងចំណោមប្រទេសក្នុងសមាគមអាស៊ាន (ASEAN) និងពិភពលោក។ លោកស្រីបន្តថា ការធ្វើដំណើរឆ្ពោះទៅមុខ វាគឺជាការសំខាន់ដែលគ្រប់ពីអង្គទាំងអស់ អាចដើរតួនាទីមួយប្រកបដោយអត្ថន័យ ក្នុងការពិភាក្សាគ្នាអំពីអនាគតរបស់កម្ពុជា។
លោកស្រីពិនិត្យឃើញភាពវិជ្ជមានពីសិទ្ធិសេរីភាពនៅកម្ពុជាថា៖«ពិតណាស់ ទិដ្ឋភាពវិជ្ជមានមួយ ក្នុងចំណោមទិដ្ឋភាពវិជ្ជមានធំៗផ្សេងទៀត គឺការបង្កឱកាសប្រើប្រាស់បណ្តាញ សារព័ត៌មានសង្គម និងសង្គមស៊ីវិលរីកដុះដាល»។
បេសកកម្មជាអ្នកការណ៍ពិសេស UN សិទ្ធិមនុស្សប្រចាំកម្ពុជា លោកស្រី Rhona Smith មានគោលដៅចំនួន ២ចម្បងគឺ ការណែនាំខ្លួនដើម្បីបង្កើតទំនាក់ទំនងជិតសិ្នទ្ធក្នុងន័យ ស្ថាបនាជាមួយរដ្ឋាភិបាល និងដៃគូពិភាក្សាពាក់ព័ន្ធដ៏ទៃទៀត ដែលជាមូលដ្ឋានមួយសម្រាប់ការបំពេញអាណត្តិការងារ។
ជាមួយគ្នានេះដែរ លោកស្រីបានប្តេជ្ញាថានឹងបន្តបំពេញការងារស្នងតំណែងពី អ្នករាយការណ៍ ពិសេសអាណតិ្ត កន្លងទៅ ក្នុងការផ្តល់ប្រឹក្សាយោបល់ ត្រួតពិនិត្យឃ្លាំមើល និងរាយការណ៍ពី ស្ថានភាពសិទ្ធិមនុស្សនៅកម្ពុជា ពិសេសគឺការអនុវត្កច្បាប់ដែលមានឥទ្ធិពលលើសិទ្ធិមនុស្ស។ «ការធានាដល់ការគោរពសិទ្ធិមនុស្ស និងសេរីភាពមូលដ្ឋាន គឺជាកាតព្វកិច្ចចម្បងរបស់រដ្ឋ នីមួយៗ ដែលទទួលយកសន្ធិសញ្ញាសិទ្ធិមនុស្សអន្តរជាតិ ដើម្បីធានាការពារសិទ្ធិក្នុងដែន សមត្ថកិច្ចរបស់ខ្លួន»។ នេះជាប្រសាសន៍បញ្ជាក់របស់លោកស្រី រ៉ូណា ស្ម៊ីត។
ក្នុងនាមជាអ្នករាយការណ៍ពិសេស UN លោកស្រីត្រៀមសហការជាស្រេចជាមួយរដ្ឋាភិបាល អង្គការក្រៅរដ្ឋាភិបាល និងភាគីពាក់ព័ន្ធ អនុវត្តន៍ឲ្យមានប្រសិទ្ធភាពនូវការផ្តល់សិទ្ធិមនុស្ស ពេញលេញដល់ប្រជាជនកម្ពុជា។ លោកស្រីថា៖«ខ្ញុំបានសន្យាថា នឹងអនុវត្តភារកិច្ចដ៏សំខាន់នេះ ប្រកបដោយសុចរិតភាព អព្យាក្រឹតភាពក្នុងស្មារតីនៃកិច្ចសហប្រតិបត្តិការ។ ខ្ញុំសូមអរគុណ ចំពោះរដ្ឋាភិបាល និងប្រជាជនកម្ពុជាដែលបានទទួលស្វាគមន៍ខ្ញុំយ៉ាងកក់ក្តៅបំផុត នៅក្នុងអំឡុងពេលនៃដំណើរទស្សនកិច្ចនេះ»។
ក្នុងដំណើទស្សនកិច្ចជាលើកដំបូងនៅកម្ពុជា រយៈពេល៩ថ្ងៃ ចាប់ពីថ្ងៃទី១៦ ដល់ថ្ងៃទី ២៤ កញ្ញានេះ អ្នករាយការណ៍ពិសេសថ្មីរបស់ UN ទទួលបន្ទុកសិទ្ធិមនុស្ស ប្រចាំកម្ពុជា លោកស្រី រ៉ូណា ស្ម៊ីត បានចូលជួបលោកនាយករដ្ឋមន្ត្រី ហ៊ុន សែន រដ្ឋមន្ត្រីក្រសួងមហាផៃ្ទ លោក ស ខេង រដ្ឋមន្ត្រីក្រសួងអប់រំ យុវជន និងកីឡា លោក ហង់ ជួនណារ៉ុន រដ្ឋមន្ត្រីក្រសួងយុត្តិធម៌ លោក អង្គ វង្សវឌ្ឍនា និងសមាជិកជាន់ខ្ពស់រាជរដ្ឋាភិបាលដទៃទៀត ព្រមទាំងអនុប្រធានទី១ នៃរដ្ឋសភា លោក កឹម សុខា ផងដែរ។ ក្រៅពីនោះ លោកស្រីក៏បានជួបជាមួយតំណាង សង្គមស៊ីវិល និងសហគមន៍មូលដ្ឋាននានា ព្រមទាំងក្រុមអង្គការ សហប្រជាជាតិ និងសហគមន៍ម្ចាស់ជំនួយ។
គួរបញ្ជាក់ផងដែរ លោកស្រី Rhona Smith ត្រូវបានតែងតាំងដោយក្រុមប្រឹក្សាសិទ្ធិមនុស្ស UN ក្នុងខែមីនា ឆ្នាំ២០១៥ ស្នងតំណែងរបស់លោក សុរិយា ប្រាសាទ ស៊ូប៊ែឌី ដែលបានបញ្ចប់អាណត្តិ ៦ឆ្នាំ នៅខែមីនា ឆ្នាំ២០១៥ ដើម្បីធ្វើសេចក្តីរាយការណ៍ និងផ្តល់ប្រឹក្សាយោបល់ស្តីពី ស្ថានភាពសិទ្ធិមនុស្សនៅកម្ពុជា។ លោកស្រី Rhona Smith ជាសាស្ត្រាចារ្យផ្នែកសិទ្ធិមនុស្សអន្តរជាតិនៅចក្រភពអង់គ្លេស និងជាសាស្ត្រាចារ្យទស្សនកិច្ចនៅសាកលវិទ្យាល័យបញ្ញាសាស្ត្រកម្ពុជា ផ្នែកច្បាប់សិទ្ធិមនុស្ស៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
17 ម៉ោង
