លោក សម រង្ស៊ី និងលោក កឹម សុខា ផ្ញើរសារឲ្យខ្មែរចេះអត់ឱនគ្នា ក្នុងឱកាសបុណ្យភ្ជុំបិណ្ឌ

ជាតិ

នយោបាយជាតិ

លោក សម រង្ស៊ី និងលោក កឹម សុខា ផ្ញើរសារឲ្យខ្មែរចេះអត់ឱនគ្នា ក្នុងឱកាសបុណ្យភ្ជុំបិណ្ឌ

28, Sep 2015 , 3:53 pm

រូបភាព

រូបពីហ្វេសប៊ុកលោក សម រង្ស៊ី

ដោយ: ធឿន បញ្ញាឬទិ្ធ

ថ្នាក់ដឹកនាំគណបក្សសង្គ្រោះជាតិ បានដឹកនាំមន្ត្រីគណបក្ស ទៅចូលរួមពិធីកាន់បិណ្ឌ វេនទី១ ដាក់បិណ្ឌថ្ងៃទី១ នៅព្រឹកថ្ងៃទី២៨ កញ្ញានេះ ដើម្បីឧទ្ទិសកុសលដល់បុព្វការីជនដែលបានចែកឋានទៅ តាមប្រពៃណី។ ក្នុងឱកាសបុណ្យភ្ជុំបិណ្ឌនេះទាំងលោក សម រង្ស៊ី និងលោក កឹម សុខា សុទ្ធតែផ្ញើសារអំពាវនាវឲ្យប្រជាពលរដ្ឋខ្មែរចេះរួបរួមគ្នា និងអត់ឱនឲ្យគ្នា ដើម្បីដោះស្រាយបញ្ហាប្រទេសជាតិ។

ក្រោយពីចប់ពិធីដាក់បិណ្ឌ នៅវត្តអង្គតាមិញ លោក សម រង្ស៊ី មិនបាននិយាយពាក់ព័ន្ធនឹងរឿងបញ្ហានយោបាយអ្វីឡើយ ដោយលោកគ្រាន់តែផ្ញើរសារឲ្យប្រជាពលរដ្ឋខ្មែរទាំងអស់ត្រូវចេះរួបរួមគ្នា និងអត់ឱនឲ្យគ្នា ដើម្បីការពារប្រទេសជាតិ។

ថ្លែងចំពោះមុខអ្នកកាសែតប្រធានគណបក្សរូបនេះបានបញ្ជាក់យ៉ាងដូច្នេះ៖«សូមឲ្យខ្មែរយើងរួបរួមគ្នា គោរពប្រពៃណី សាសនាយើងទាំងអស់គ្នា ហើយធ្វើបុណ្យធ្វើទានជាមួយគ្នា ចេះស្រលាញ់គ្នា អត់ឱនគ្នា ធ្វើម៉េចឲ្យខ្មែរទាំងអស់រួមគ្នាជាធ្លុងមួយធ្វើការបម្រើប្រទេសជាតិយើងទាំងអស់គ្នា»។

ចំណែកលោក កឹម សុខា អនុប្រធានគណបក្សសង្គ្រោះជាតិ ដែលដឹកនាំអ្នកតំណាងរាស្ដ្រ ចូលរួមកាន់បិណ្ឌវេនទី១ ជាមួយនឹងពុទ្ធបរិស័ទចំណុះជើងវត្តពោធិព្រឹក្ស ហៅវត្ត «ខ្ទរ» ឯណោះវិញ ក៏បានផ្ញើរសារអំពាវនាវឲ្យខ្មែរទាំងអស់រួបរួមគ្នាដោយសន្តិវិធី ដើម្បីដោះស្រាយបញ្ហាប្រទេសជាតិទាំងអស់គ្នា និងបោះបង់ចោលនូវអំពើហិង្សា សងសឹកគ្នារវាងខ្មែរនិងខ្មែរ៕

សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម

5 ថ្ងៃ

«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!

6 ថ្ងៃ

បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧

7 ថ្ងៃ

តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?

4 ម៉ោង

«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?

1 ថ្ងៃ

អត្ថបទពេញនិយមបន្ថែម