ជាតិ
សង្គមជាតិ
យុវជនកម្ពុជាបើកយុទ្ធនាការទប់ស្កាត់ការជួញដូរមនុស្ស ភ្នំពេញ៖ ក្រុមអ្នកដឹកនាំយុវជនអាស៊ានប្រចាំប្រទេសកម្ពុជា ឬ ASEAN Youth Leader Association-Cambodia (AYLA) បានចាត់ទុកការជួញដូរមនុស្ស ជាសោដនាដកម្មសម្រាប់មនុស្សជាតិ ពិសេសគឺ សកម្មភាពបង្កវិបត្តិរាំងស្ទះដល់ការអភិវឌ្ឍសង្គមជាតិ។ ដោយសារមើលឃើញពីផលប៉ះពាល់បែបនេះហើយទើប យុវជនជាង ២០នាក់បានរៀបចំយុទ្ធនាការយុវជន និងផលប៉ះពាល់ទប់ស្កាត់ការជួញដូរមនុស្ស ដើម្បីជួយបង្កើនការយល់ដឹង និងយកចិត្តទុកដាក់ខ្ពស់ពីការបង្ក្រាបអំពើជួញដូរមនុស្ស និងអំពើធ្វើអាជីវកម្មផ្លូវភេទអំពើលក់ដូរមនុស្សទាំងក្នុង និងក្រៅប្រទេស តាមរយៈគម្រោងផ្សេងៗ ដូចជា យុទ្ធនាការតាមប្រព័ន្ធផ្សព្វផ្សាយសង្គម និងការរៀបចំសិក្ខាសាលានៅតាមសាកលវិទ្យាល័យចំនួន ធំៗ នៅក្នុងរាជធានីភ្នំពេញ ក្នុងឆ្នាំ ២០១៥។ ជាងនេះទៀត AYLA កម្ពុជា ក៏នឹងចុះផ្សព្វផ្សាយ បង្កើនការយល់ដឹងពីការជួយដូរមនុស្សដល់ប្រជាជននៅតាមបណ្តាខេត្តផងដែរ ក្នុងគោលបំណងឲ្យប្រជាជនយល់ដឹងបាន កាន់តែច្បាស់ពីរូបភាពនិងផលប៉ះពាល់នៃអំពើជួញដូរមនុស្ស។
តើលោកអ្នកធ្វើអ្វីខ្លះ ដើម្បីទប់ស្កាត់ការជួញដូរមនុស្ស និងអំពើធ្វើអាជីវកម្មផ្លូវភេទអំពើលក់ដូរមនុស្ស? ជាបន្តសូមទស្សនាវីឌីអូខ្លី ពីយុទ្ធនាការអប់រំ និងទប់ស្កាត់ការជួញដូរមនុស្ស ដែលផលិតដោយ ASEAN Youth Leader Association-Cambodia (AYLA) ដូចតទៅ៖
បើយោងតាមរបាយការណ៍របស់អង្គការពលកម្មអន្តរជាតិ (International labor Organization) មនុស្សជាង ២០,៩លាននាក់ គឺជាជនរងគ្រោះផ្ទាល់នៃអំពើជួញដូរមនុស្សដោយក្នុងនោះមាន ៥៥ភាគរយ ជាស្ត្រី និង កុមារ នៅទូទាំងពិភពលោក៕
© រក្សាសិទ្ធិដោយ thmeythmey.com