ព័ត៍មានសុខភាព
ឈឺឆ្អឹងខ្នង ចង្កេះមើលមិនជា សូមទំនាក់ទំនងមជ្ឈមណ្ឌលឯកទេសរបស់យើង
× ចង្កេះ គឺជារចនាសម្ព័ន្ធដ៏ស្មុគ្រស្មាញមួយដែលបង្កើតឡើងដោយ ឆ្អឹងសាច់ដុំ សរសៃវិញាណ និងសន្លាក់ ។ ហេតុដូច្នេះហើយយើងពិបាកវាយតម្លៃណាស់ថាតើការឈឺចង្កេះ របស់អ្នកបណ្តាលមកពីអ្វីឲ្យពិតប្រាកដនោះ ។
ករណីភាគច្រើនការឈឺចង្កេះមិនបណ្តាលមកពីការរបួសធ្ងន់ធ្ងរ ការប្រេះ ការរងរបួស ឬប៉ះពាល់សរសៃវិញាណនោះទេ ។ ការឈឺចង្កេះអាចបណ្តាលមកពីសកម្មភាព ប្រចាំថ្ងៃនៅផ្ទះ សាលារៀន ឬកន្លែងធ្វើការ ដែលវាវិវត្តបន្តិចម្តងៗ ។
មូលហេតុនៃការឈឺចង្កេះអាចមានដូចជា ៖
• បត់ខ្នងច្រើនពេក
• លើក ឬដាក់របស់របរធ្ងន់ៗ
• បើកបរ ឬអង្គុយក្នុងឡានយូរពេកដោយមិនព្រមឈប់សម្រាក
br />
• ប្រឹងទាញ ឬពត់ខ្លួនខ្លាំងពេក
• ប្រើសាច់ដុំហួសកម្រិត ដូចជាការលេងកីឡា ឬធ្វើចលនាដដែលៗ ។
ការឈឺចង្កេះពេលខ្លះកើតឡើងភ្លាមៗដោយមិនមានមូលហេតុអ្វីទាំងអស់ ។ ឧទាហរណ៍ នៅពេលអ្នកភ្ញាក់ពីគេងអ្នកមានអារម្មណ៍ថាឈឺចង្កេះជាដើម ។
នរណាខ្លះកំពុងប្រឈមមុខនឹងការឈឺចង្កេះ ?
កត្តាខាងក្រោមនេះអាចចូលរួមចំណែកធ្វើឲ្យអ្នកប្រឈមមុខកាន់តែខ្លាំងនឹងការឈឺចង្កេះ ៖
• ធាត់លើសទម្ងន់៖ ការលើសទម្ងន់អាចដាក់បន្ទុកបន្ថែមទៅលើឆ្អឹងខ្នង
• ជក់បារី៖ នេះដោយសារតែវាអាចទៅបំផ្លាញជាលិកានៅខ្នង
b />
• មានទម្ងន់៖ ការបន្ថែមទម្ងន់ខ្លូនប្រាណដោយសារការពរពោះទារកក៏ដាក់សម្ពាធ ទៅលើខ្នងផងដែរ
• ការប្រើប្រាស់ថ្នាំរយៈពេលយូរក៏ធ្វើឲ្យឆ្អឹងខ្សោយផងដែរ
• មានជំងឺធ្លាក់ទឹកចិត្ត ឬស្ត្រេស ។
ក្នុងករណីខ្លះរោគសញ្ញានៃជំងឺមួយចំនួនអាចធ្វើឲ្យអ្នកឈឺចង្កេះដូចជា ៖
• ការឈឺនៅឆ្នឹងខ្នងផ្នែកខាងក្រោមដែលរួមផ្សំជាមួយនឹងការស្ពឹក ឬមាន អារម្មណ៍ ថាតឹងណែនអាចជាសញ្ញានៃជំងឺស្យាទិក ឬលៀនទ្រនាប់ឆ្អឹងខ្នង
• ការឈឺសន្លាក់នៅពេលដើរនិងតឹងៗនៅពេលព្រឹកព្រលឹមអាចជាសញ្ញានៃជំងឺ រលាកសន្លាក់រ៉ាំរ៉ៃ
• ឈឺនិងតឹងនៅស្មាដែលធ្វើឲ្យអ្នកពិបាកបើកបរគេងអាចជាសញ្ញានៃជំងឺរឹងស្មា (frozen shoulder)។
ក្នុងករណីកម្រការឈឺចង្កេះអាចជាសញ្ញានៃជំងឺធ្ងន់ធ្ងរដូចជាការបាក់ឆ្អឹងខ្នងការឆ្លងមេរោគនៅឆ្អឹងខ្នង ឬជំងឺមហារីក។
បើសិនជាអ្នកមានបញ្ហាឈឺឆ្អឹងខ្នង ឈឺចង្កេះមើលមិនជានោះអ្នកត្រូវទំនាក់ទំនងជាមួយមជ្ឈមណ្ឌលឯកទេសផ្នែកជំងឺឆ្អឹងកងខ្នងដើម្បីរកអោយឃើញមូលហេតុនិងដើម្បីធ្វើការព្យាបាលអោយត្រឹមត្រូវនិងមានប្រសិទ្ឋភាព។
មជ្ឈមណ្ឌលឆ្អឹងកងខ្នង និងសន្លាក់នៃមន្ទីរពេទ្យ Ramsay Sime Darby Health Care ដែលទទួលស្គាល់ដោយនាយករដ្ឋមន្ត្រីម៉ាឡេស៊ី ត្រូវបានង្កើតឡើងដោយបច្ចេកវិទ្យាវេជ្ជសាស្ត្រល្អបំផុតជាមួយនឹងក្រុមគ្រូពេទ្យ និងអ្នកជំនាញឯកទេសខាងវេជ្ជសាស្ត្រដើម្បីកំនត់បាននូវរោគវិនិច្ឆ័យ ក៏ដូចជាការព្យាបាលជំងឺឆ្អឹងកងខ្នង និងសន្លាក់របស់អ្នកបានយ៉ាងច្បាស់លាស់ និងត្រឹមត្រូវតាមក្បួនខ្នាតវេជ្ជសាស្ត្រ។
មជ្ឈមណ្ឌលនេះផ្តល់ជូននូវសេវាកម្មពិសេសៗដូចជា ការវះកាត់ឆ្អឹងកងខ្នងដែលមានការវះស្នាមបើកមុខតូចបំផុត និងការវះកាត់ប្តូរសន្លាក់ទាំងមូលតែម្តងដោយប្រើប្រព័ន្ធកុំព្យូទ័រជាជំនួយ។
មជ្ឈមណ្ឌលសន្លាក់ឆ្អឹងកងខ្នង និងសន្លាក់ពោរពេញទៅដោយសម្ភារៈទំនើបនិងសម្បូរបែបជាមួយនឹងជំនួយដោយការព្យបាលចលនាដោយប្រើអាងហែលទឹកព្យាបាលជំងឺ (Hydrotherapy Pool)។ សេវាកម្មស្តាលទ្ធពលកម្មនេះអាចធ្វើតម្រូវទៅតាមការចង់បានរបស់អ្នកជំងឺម្នាក់ៗ ហើយអ្នកជំនាញខាងព្យាបាលក៏មានការថែទាំបន្ថែមទៀតចំពោះវិធីគ្រប់គ្រងជំងឺរបស់ពួកគេ និងដំណើរការនៃការជាសះស្បើយទៀតដែរ។
សម្រាប់ព័ត៌មានបន្ថែមសូមទំនាក់ទំនង វេជ្ជបណ្ឌិត ងួន សេរ័ត្ន តំណាងមន្ទីរពេទ្យ Ramsay Sime Darby Healthcare ប្រចាំនៅប្រទេសកម្ពុជាតាមទូរស័ព្ទលេ ០១២២៦៧២៧៧៕
© រក្សាសិទ្ធិដោយ thmeythmey.com