ខេត្តព្រះសីហនុទទួលបានភ្ញៀវទេសចរជាង១លាននាក់ ក្នុងរយៈពេល៩ខែ

ជាតិ

សេដ្ឋកិច្ច

ខេត្តព្រះសីហនុទទួលបានភ្ញៀវទេសចរជាង១លាននាក់ ក្នុងរយៈពេល៩ខែ

08, Oct 2015 , 7:39 pm

រូបភាព

ដោយ: ថ្មីៗ

ក្នុងរយៈពេល៩ខែ ឆ្នាំ២០១៥នេះ ខេត្តព្រះសីហនុទទួលបានភ្ញៀវទេសចរសរុបចំនួន១,០៦៩,៩៣៧នាក់ ក្នុងនោះភ្ញៀវទេសចរអន្តរជាតិ៧៩០,៣៧០នាក់កើនឡើង១៤.៤៦ភាគរយ និងភ្ញៀវទេសចរជាតិចំនួន២៧៩,៥៦៧នាក់ កើនឡើង៥.១៧ភាគរយ។ នេះបើយោងតាមរបាយការណ៍របស់មន្ទីរទេសចរណ៍ខេត្តព្រះ សីហនុ។

បើតាមរបាយការណ៍ដដែល ភ្ញៀវទេសចរមកតាមជើងយន្តហោះមានចំនួន៦១៣ជើង កើន៣១៤ជើង មានភ្ញៀវទេសចរសរុបចំនួន៣៥,៧៤៩នាក់ កើនឡើង១៣៩.៧នាគរយ ក្នុងនោះភ្ញៀវជាតិមានចំនួន២២១នាក់ កើនឡើង១៨.៨១ភាគរយ និងភ្ញៀវអន្តរជាតិមានចំនួន៣៥.៥២នាក់ កើនឡើង១៤១.២២ភាគរយ។

របាយការណ៍ដដែលបន្តថា នាវាទេសចរណ៍ចូលចតនៅ កំពង់ផែក្រុងព្រះសីហនុចំនួន២៧នាវា កើនឡើង៦នាវា មានភ្ញៀវអន្តរជាតិមានចំនួន២៥,១៧៩នាក់ កើនឡើង១២២.២៣ភាគរយ។

លោក នូ សុផល ប្រធានមន្ទីរទេសចរណ៍ខេត្តព្រះសីហនុ បានបញ្ជាក់ថា កំណើនភ្ញៀវទេសចរមកកាន់ខេត្តព្រះសីហនុ គឺដោយសារអាជ្ញាធរបានរៀបចំសន្តិសុខ សណ្តាប់ធ្នាប់សាធារណៈជូនភ្ញៀវទេសចរ ជាពិសេសប្រជាពលរដ្ឋក្នុងខេត្តបានចូលរួមយ៉ាងសកម្មក្នុងចលនាថែរក្សាអនាម័យ បរិស្ថាន និងចូលរួមទប់ស្កាត់នូវរាល់បទល្មើសនានា៕

ប្រភព៖ AKP