ជាតិ
សង្គមជាតិ
នាយករដ្ឋមន្ត្រីអរគុណក្រុមហ៊ុនប្រេងសាំងដែលចុះថ្លៃ ១០០រៀល អំឡុងពិធីបុណ្យភ្ជុំបិណ្ឌ
× ភ្នំពេញ៖ លោកនាយករដ្ឋមន្ត្រី ហ៊ុន សែន តាមរយៈទំព័រហ្វេសប៊ុករបស់ខ្លួននៅថ្ងៃនេះ បានសរសេរអរគុណដល់ក្រុមហ៊ុនប្រេងសាំងទាំងអស់ ដែលបានបញ្ចុះតម្លៃ ១០០រៀល អំឡុងពិធីបុណ្យភ្ជុំបិណ្ឌ តាមការស្នើសុំរបស់លោក។
លោកនាយករដ្ឋមន្ត្រីបានរៀបរាប់ថា៖«ខ្ញុំសូមអរគុណដល់ក្រុមហ៊ុនប្រេងឥន្ឋនៈទាំងអស់ ដែលបានបញ្ចុះតម្លៃទៅតាមការស្នើសុំរបស់ខ្ញុំកាលពីពេលថ្មីៗនេះ ក្នុងការរួមចណែក ជួយដល់សង្គមជាតិ។ ទន្ទឹមនិងនេះ ខ្ញុំសូមអរគុណ ក្រសួងសេដ្ឋកិច្ច និងហិរញ្ញវត្ថុ និងក្រសួងពាណិជ្ជកម្ម ដែលបានខិតខំប្រឹងប្រែងធ្វើការងារនេះ ជាមួយបណ្តាក្រុមហ៊ុននានា
កន្លងមក ព្រមទាំងបានបើកប្រាក់ខែបានរហ័សទាន់ពេល ទាំងខែមុន និងខែនេះ ដល់មន្ត្រីរាជការ និងកងទ័ពជាតិយើង»។ លោក ហ៊ុន សែន សង្ឃឹមថា ប្រជាពលរដ្ឋដែលកំពុងជួបការលំបាកនឹងបានកាត់បន្ថយការចំណាយទៅលើប្រេងសាំងបានមួយកម្រិត។
ក្រុមហ៊ុនប្រេងសាំងបានព្រមព្រៀងបញ្ចុះថ្លៃ ១០០ រៀល ក្នុងប្រេងសាំងមួយលីត្រ រយៈពេល ១សប្តាហ៍ អំឡុងពិធីបុណ្យភ្ជុំបិណ្ឌ ចាប់ពីថ្ងៃទី៩ តុលា ដល់ទី ១៥ ខែតុលា ។ ប្រេងសាំងស៊ុបពែរតម្លៃ ៤០០០ រៀល ចុះមកត្រឹម ៣៩០០ រៀល ប្រេងសាំងធម្មតាថ្លៃ ៣៧០០ រៀល និងប្រេងម៉ាស៊ូតថ្លៃ ៣៥០០ រៀល៕
© រក្សាសិទ្ធិដោយ thmeythmey.com