ភ្ញៀវទេសចរជាង ៩ម៉ឺននាក់ទៅកម្សាន្តនៅខេត្តព្រះសីហនុ នៅថ្ងៃបុណ្យភ្ជុំបិណ្ឌ

ជាតិ

សង្គមជាតិ

ភ្ញៀវទេសចរជាង ៩ម៉ឺននាក់ទៅកម្សាន្តនៅខេត្តព្រះសីហនុ នៅថ្ងៃបុណ្យភ្ជុំបិណ្ឌ

15, Oct 2015 , 9:01 am

រូបភាព

ដោយ: ថ្មីៗ

ភ្នំពេញ៖ ក្នុងឱកាសពិធីបុណ្យភ្ជុំបិណ្ឌ រយៈពេល៣ថ្ងៃចាប់ពីថ្ងៃទី១១ ដល់១៣ ខែតុលា ឆ្នាំ២០១៥ ភ្ញៀវទេសចរចំនួន ៩០.៣៤០នាក់បានធ្វើដំណើរកម្សាន្តនៅខេត្តព្រះសីហនុ បើប្រៀបធៀបនឹងចំនួនទេសចរកាលពីពិធីបុណ្យភ្ជុំបិណ្ឌក្នុងឆ្នាំ២០១៤នោះ ចំនួននេះ កើនឡើង ៣៣.៤៧ភាគរយ។ នេះបើតាមការបញ្ជាក់របស់លោក នូ សុផល ប្រធានមន្ទីរទេសចរណ៍ខេត្តព្រះសីហនុ ប្រាប់ទីភ្នាក់ងារសារព័ត៌មានកម្ពុជា (AKP)។

លោក នូ សុផល ប្រាប់ AKP ថា ភ្ញៀវទេសចរជាតិ និងអន្តរជាតិបានទៅលេងកម្សាន្តនៅតាមបណ្តាកោះចំនួន ៣.១៣៤នាក់ នៅខេត្តព្រះសីហនុ ក្នុងនោះ ភ្ញៀវជាតិមានចំនួន ១.៥២៤នាក់ និងភ្ញៀវអន្តរជាតិមានចំនួន ១.៦១០នាក់។ លោកថា បច្ចុប្បន្ន ភ្ញៀវទេសចរធ្វើ ដំណើរកម្សាន្តក្នុងខេត្តព្រះសីហនុភាគច្រើន ចាប់អារម្មណ៍ទៅកម្សាន្តនៅតាមបណ្តា កោះនានា ក្នុងនោះ រួមមាន កោះឫស្សី កោះព្រីង កោះរុងសន្លឹម កោះតូច ភូមិសុខសាន្ត និង កោះដទៃទៀត ដែលជាតំបន់ទេសចរណ៍ដ៏ទាក់ទាញប្រចាំខេត្តជាប់មាត់សមុទ្រ។

បើតាមការដកស្រង់សម្តីរបស់ប្រធានមន្ទីរទេសចរណ៍ ខេត្តព្រះសីហនុមានសណ្ឋាគារសរុបចំនួន ៦៣ ស្មើនឹង ៣.០៦៥បន្ទប់ ផ្ទះសំណាក់ចំនួន ២៥០ ស្មើនឹង ៣.៤៤៩បន្ទប់។ គួរបញ្ជាក់ថា កាលពីពិធីបុណ្យភ្ជុំបិណ្ឌឆ្នាំ ២០១៤ ភ្ញៀវទេសចរជាតិ និងអន្តរជាតិសរុបចំនួន ៦៧.៦៨៥នាក់ ក្នុងនោះភ្ញៀវជាតិមានចំនួន ៥៤.៩៧០នាក់ និងភ្ញៀវអន្តរជាតិមានចំនួន ១២.៧១៥នាក់ បានធ្វើដំណើរទេសចរទៅកាន់ខេត្តព្រះសីហនុ៕

ប្រភព៖ AKP

សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម

6 ថ្ងៃ

«ប្រទានកម្ម»មានន័យដូចម្តេច?

16 ម៉ោង

«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!

1 សប្តាហ៍

តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?

2 ថ្ងៃ

«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?

3 ថ្ងៃ

អត្ថបទពេញនិយមបន្ថែម