ជាតិ
នយោបាយជាតិ
លោក ហ៊ុន ម៉ាណែត គ្មានចម្លើយសម្រាប់អ្នកកាសែតអូស្ត្រាលីដែលសួរពីការបន្តវេនពីឪពុក លោក ហ៊ុន ម៉ាណែត ក្នុងបទសម្ភាសដ៏កម្រមួយជាមួយវិទ្យុអូស្ត្រាលី
× «Not No, Not Yes» នេះជាចម្លើយរបស់លោក ហ៊ុន ម៉ាណែត កូនប្រុសច្បងរបស់លោកនាយករដ្ឋមន្ត្រី ហ៊ុន សែន ក្នុងបទសម្ភាសដ៏កម្រមួយជាមួយវិទ្យុអូស្ត្រាលី ដែលបានចោទសួរលោកទាក់ទងនឹងបំណងបន្តតំណែងពីឪពុក។
ក្នុងឃ្លីបវីដេអូដែលមានរយៈពេលជាង៦នាទី អ្នកកាសែតអូស្ត្រាលីឈ្មោះ Beverley O’Connor បានព្យាយាមសួរម្តងហើយម្តងទៀតថា តើលោកមានបំណងធ្វើជានាយករដ្ឋមន្ត្រី បន្តវេនពីឪពុក ឬយ៉ាងណា? លោក ហ៊ុន ម៉ាណែត ដែលមានឋានៈ ជានាយរងសេនាធិការចម្រុះនៃកងយោធពលខេមរភូមិន្ទផងដែរនោះ បានត្រឹមតែញញឹម ហើយឆ្លើយថា «ចម្លើយ ខ្ញុំមិនដឹងឡើយ» ហើយក្រោយមកទៀត លោកតបថា «Not No, Not Yes»។
ក្នុងបទសម្ភាសដ៏កម្រនោះដែរ លោក ហ៊ុន ម៉ាណែត បានសរសើរពីគុណបំណាច់របស់ឪពុកដែលបានកាន់កាប់រដ្ឋាភិបាលនារយៈពេលជាង៣០ឆ្នាំកន្លងមកនេះ៕
© រក្សាសិទ្ធិដោយ thmeythmey.com