ស្ត្រីខ្មែរ នួន ភីមាន ទទួលពានរង្វាន់កុមារសន្តិភាពពិភពលោកពីប្រទេសស៊ុយអ៊ែត

ជាតិ

សង្គមជាតិ

ស្ត្រីខ្មែរ នួន ភីមាន ទទួលពានរង្វាន់កុមារសន្តិភាពពិភពលោកពីប្រទេសស៊ុយអ៊ែត

17, Oct 2015 , 3:04 pm

រូបភាព

ដោយ: ថ្មីៗ

អ្នកស្រី នួន ភីមាន ដែលជាស្ថាបនិកអង្គការ People Improvement Organization ដែលធ្វើការងារលើការជួយកុមារក្រីក្រឲ្យទទួលបានការអប់រំរយៈ១៣ឆ្នាំហើយនោះ ត្រូវជ្រើសរើសជាជ័យលាភីនៃពានរង្វាន់ World’s Children ‘s Prize។ ពានរង្វាន់កុមារពិភពលោក ឬពេលខ្លះហៅថា ពានរង្វាន់សន្តិភាពកុមារ ត្រូវបានបង្កើតឡើងតាំងពីឆ្នាំ២០០០ ដោយអង្គការកុមារពិភពលោកនៃប្រទេសស៊ុយអ៊ែត។

សារព័ត៌មានអន្តរជាតិនានាបានផ្សាយឲ្យដឹងថា ស្ត្រីជនជាតិខ្មែរ នួន ភីមាន ត្រូវបានជ្រើសរើសជាជ័យលាភីសម្រាប់ពានរង្វាន់កុមារសន្តិភាពពិភពលោក សម្រាប់ការលះបង់ និងការងារជួយកុមារក្រីក្រឲ្យទទួលបានការអប់រំក្នុងរយៈពេល១៣ឆ្នាំកន្លងមកនេះ។

ជ័យលាភីនេះត្រូវបានសម្រេចឡើង បន្ទាប់ពីអ្នកស្រី នួន ភីមានទទួលបានការគាំទ្រពីការបោះឆ្នោតក្នុងចំណោមសាលារៀនកុមារជិត២លានសាលារៀននៅក្នុងពិភពលោក។ ក្នុងនាមជាជ័យលាភី អ្នកស្រី នួន ភីមាន បានទទួលទឹកប្រាក់ចំនួន ៥ម៉ឺនដុល្លារ។ ទន្ទឹមនឹងជ័យលាភីជាស្ត្រីខ្មែរនេះ ក៏មានជ័យលាភីកិត្តិយសពីររូបទៀតដែលជាជនជាតិអាមេរិក និងឥណ្ឌា ដែលធ្វើការលើការការពារសិទ្ធិកុមារនៅក្នុងមន្ទីរឃុំឃាំង និងការប្រយុទ្ធប្រឆាំងទាសភាពកុមារដែរ។ ជ័យលាភីកិត្តិយសទាំងពីរទទួលបានថវិកាម្នាក់២៥០០០ដុល្លារ។

ស្ថាបនិកនៃមូលនិធិ World's Children's Prize រួមមានម្ចាស់ក្សត្រី Silvia នៃប្រទេសស៊ុយអ៊ែត និងលោកស្រីជ័យលាភីណូប៊ែលសន្តិភាព អ៊ុងសាន ស៊ូជី ជាដើម៕

សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម

6 ថ្ងៃ

«ប្រទានកម្ម»មានន័យដូចម្តេច?

18 ម៉ោង

«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!

1 សប្តាហ៍

តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?

2 ថ្ងៃ

«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?

3 ថ្ងៃ

អត្ថបទពេញនិយមបន្ថែម