សម្រាប់ការប្រកួតជ្រើសរើសជើងឯកថ្នាក់ជាតិប្រចាំឆ្នាំ២០១៥ នៅពហុកីឡាដ្ឋានជាតិអូឡាំពិក លើវិញ្ញាសាប្រដាល់ក្បាច់បុរាណខ្មែរក្នុងក្រមខ័ណ្ឌ ក១ និង ក២ កាលពីថ្ងៃទី២១ ខែតុលា មានកីឡាករសន្លប់រហូតដល់ទៅ ២២ នាក់ និងបោះបង់ការប្រកួតចំនួន ១៥នាក់ ក្នុងចំណោមការប្រកួតចំនួន ៦០គូ ហើយក្រៅពីនោះក៏មានកីឡាករមួយចំនួនអវត្តមានក្នុងការប្រកួតផងដែរ។
កីឡាករដែលសន្លប់ក្នុងទឹកទី១ មានចំនួន ៥នាក់ (ថៃ ចន្ថា, ម៉ី សារុន, ម៉ុន ស៊ីម៉ាក់, សុខ សុជាតិ, ម៉ន គឹមឡេង) ឬឯកីឡាករដែលសន្លប់ក្នុងទឹកទី២ មានចំនួន ៩នាក់ (ឃួន គីន, ធើន គីមហ៊ាប, មាស ចាន់នឿន, ភាព សុជា, សិទ្ធ រ័ង្សី, ព្រឿន សុជាតិ, ស៊ីម គីមឡាយ, ចាន់ សោភ័ណ្ឌ, សែត សាលីន) ចំណែកកីឡាករដែលសន្លប់ក្នុងទឹកទី៣មានចំនួន ៤នាក់ (ស៊ុម ទិត្យ, សៅ ដាវីត, ឈើញ ងីវណ្ណរ៉ា, កែវ កុសល ) និងកីឡាករដែលសន្លប់ក្នុងទឹកទី៤មានចំនួន ៤នាក់ (ចៅ ចិត្រ, ធឿន សុវណ្ណ, សោ វណ្ណដា, និងញ៉ាញ់ បញ្ញា )។
កីឡាករដែលបោះបង់ការប្រកួតក្នុងទឹកទី១មានចំនួន ៥នាក់ (តាំង គឹមឈី, ហេង ពន្លឺ, ធី ចាន់រ៉ា, វ៉ុន សាវាត, និង ខេម បូរុំ) ឬឯបោះបង់ការក្នុងទឹកទី២ មានចំនួន ៥នាក់ (សូត្រ រដ្ឋសភា, សុខ ទូ, សរ សែន, សី ស៊ីណាត, និង ឡុង ជិន) ចំណែកបោះបង់ការប្រកួតទឹកទី៣ មានចំនួន ៤នាក់(សៅ សុខហុង, វឿន សុភ័ក្រ, អាត រិទ្ធី និង សូយ អាមេ) និងកីឡាករដែលបោះបង់ការប្រកួតក្នុងទឹកទី៤ មានតែ ១នាក់ទេគឺ មិ ថុរ៉ា។
ក្រៅពីសន្លប់ និងបោះបង់ការប្រកួត ក៏មានកីឡាករអវត្តមានក្នុងការប្រកួតចំនួន ៥នាក់ផងដែរ រួមមាន ( លន សុធា, គុណ វាសនា, ផាន់ ភារម្យ, ម៉ាត់ រ៉ាវី និងកីឡាករ ធឿន គឹមហ៊ាន)៕