កីឡាជាតិ
×![]()
នៅលើសង្វៀន ភី អិន អិន (PNN) ថ្ងៃសៅរ៍ ទី២៤ ខែតុលា នេះ កីឡាករ សែន រ៉ាឌី និង កីឡាករ ជា សំនៀង ត្រូវតទល់ជាមួយថៃ ខណៈ អាំង សំអាត ប៉ះ សៀវ ង៉ុយ នៅក្នុងកម្មវិធីប្រដាល់សមរភូមិអ្នកប្រយុទ្ធស្រាបៀរលីអូ លក្ខណៈមិត្តភាពអន្តរជាតិដណ្តើមជើងឯកខ្សែក្រវ៉ាត់ វគ្គផ្តាច់ព្រ័ត្រ ដើម្បីដណ្តើប្រាក់រង្វាន់ ១ម៉ឺនដុល្លារ ក្នុងប្រភេទទម្ងន់ ៥៤ គ.ក្រ, ៥៧ គ.ក្រ និង ៦៣.៥ គ.ក្រ ចាប់ពីម៉ោង ៤លា្ងចតទៅ។
កីឡាករជើងខ្លាំងវ័យក្មេង សែន រ៉ាឌី ហៅម្ទេសខ្មាំង ធ្លាប់ប្រកួត ៥៦ដង ឈ្នះ៤៥ដង ចាញ់១១ដង និងផ្តួលដៃគូឲ្យសន្លប់ចំនួន៣២ដង មកពីក្លិបអប្សរាក្បាច់គុនខ្មែរ ត្រូវជួបប្រកួតជាមួយកីឡាករជើងខ្លាំងថៃ KONGPOLLEK ដែលមានប្រវត្តិប្រកួត ៧៩ដង ឈ្នះ៥២ដង ចាញ់២៥ដង ស្មើ២ដង និងផ្តួលដៃគូឲ្យសន្លប់ចំនួន១៩ដង ក្នុងប្រភេទទម្ងន់ ៥៧ គ.ក្រ។
ឬឯកីឡាករ ជា សំនៀង ធ្លាប់ប្រកួត ៩១ដង ឈ្នះ៨២ដង ចាញ់៨ដង ស្មើ១ដង និងផ្តួលគូប្រកួតចំនួន ១៧ដង មកពីក្លិបកងពលតូចឆ័ត្រយោង៩១១ ត្រូវជួបប្រកួតជាមួយកីឡាករថៃ MONKORNPETCH ដែលមានប្រវត្តិប្រកួតចំនួន ៨៨ដង ឈ្នះ ៦៨ដង ចាញ់២៨ដង ស្មើ២ដង និងផ្តួលដៃគូឲ្យសន្លប់ចំនួន៣៣ដង ក្នុងប្រភេទទម្ងន់ ៦៣.៥ គ.ក្រ។
ចំណែកកីឡាករ អាំង សំអាត ដែលមានប្រវត្តិប្រកួត ៤៩ដង ឈ្នះ ២៥ដង ចាញ់១៩ដង ស្មើ៥ដង និងផ្តួលដៃគូឲ្យសន្លប់ចំនួន៣ដង មកពីក្លិបតាព្រហ្មមានជ័យ នឹងប៉ះកីឡាករ សៀវ ង៉ុយ មកពីសមាគមកីឡាប្រដាល់ក្រសួងការពារជាតិ ធ្លាប់ប្រកួត ៨៤ដង ឈ្នះ៦៣ដង ចាញ់២១ដង និងផ្តួលដៃគូឲ្យសន្លប់ចំនួន២១ដង ក្នុងប្រភេទទម្ងន់៥៤គ.ក្រ៕
Tag:
ប្រដាល់
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
31 នាទី
