កីឡាជាតិ
ជាតិ
មនុស្សប្រមាណ៨០០នាក់ចូលរួមរត់ពាក់កណ្តាលម៉ារ៉ាតុងនៅលើកំពូលភ្នំបូកគោ
× បូកគោ-កំពត៖ ការប្រកួតរត់ប្រណាំងលក្ខណៈអន្តរជាតិពាក់កណា្តលម៉ារ៉ាតុង ដែលប្រព្រឹត្តនៅលើកំពូលភ្នំបូកគោ បានប្រព្រឹត្តទៅកាលពីព្រឹកថ្ងៃទី២៤ ខែតុលានេះ ដោយមានអត្តពលិកចូលរួមប្រកួតប្រមាណ៨០០នាក់។ នេះបើតាមការឱ្យដឹងរបស់ លោក កាំង សុធា មន្ត្រីព័ត៌មានរបស់គណៈកម្មាធិការជាតិអូឡាំពិកកម្ពុជា (NOCC)។ កម្មវិធីនេះរៀបចំដោយរមណីយដ្ឋានឋានសួគបូកគោ និងសណ្ឋាគារសុខា សហការជាមួយសហព័ន្ធកីឡាអត្តពលកម្មកម្ពុជា។
លោក កាំង សុធា តំណាងអគ្គលេខាធិការជាតិអូឡាំពិកកម្ពុជាបានឱ្យដឹងទៀតថា អត្តពលិកដែលចូលរួមប្រកួតរត់ប្រណាំង តម្រូវឱ្យបង់ប្រាក់ទៅតាមប្រភេទចម្ងាយនីមួយៗ សម្រាប់ចម្ងាយ ២១គីឡូម៉ែត្រ ជនបរទេស៣០ដុល្លារ ជនជាតិខ្មែរ១៥ដុល្លារ ,ចម្ងាយ១០គីឡូម៉ែត្រ ជនបរទេស ២០ដុលា្លរ ជនជាតិខ្មែរ១០ដុល្លារ ,ចម្ងាយ៥កីឡូម៉ែត្រ ជនបរទេស១៥ដុល្លារ ជនជាតិខ្មែរ៥ដុល្លារ និងចម្ងាយ ៣គីឡូម៉ែត្រ ជនបរទេស ១០ដុល្លារ ជនជាតិខ្មែរ៥ដុល្លារ។
លោកបានបន្ថែមថា សម្រាប់ការប្រណាំងចម្ងាយពី ៥គីឡូម៉ែត្រ ដល់ ២១គីឡូម៉ែត្រ ត្រូវធ្វើការបែងចែកជា២ក្រុម ក្រុមបុរស និងនារី ប៉ុន្តែសម្រាប់ចម្ងាយ៣គីឡូម៉ែត្រមិនមានការបែងចែកនោះទេ។ ហើយសម្រាប់ប្រាក់រង្វាន់លោកមិនបានដឹងច្បាស់លាស់នោះទេ វាស្រ័យទៅលើអ្នករៀបចំ៕
Tag:
ពាក់កណ្តាលម៉ារ៉ាតុង
បូកគោ
© រក្សាសិទ្ធិដោយ thmeythmey.com