ជាតិ
នយោបាយជាតិ
×![]()
ដោយ: រួបរួម
លោកនាយករដ្ឋមន្ត្រី ហ៊ុន សែន បានថ្លែងសារជាវីដេអូដើម្បីវាយប្រហារទៅលើគណបក្សប្រឆាំង ដែលលោកចាត់ទុកថា ជាអ្នកបំប៉ោងព័ត៌មានទាក់ទងនឹងការគំរាមកាត់ផ្តាច់អាហារូបករណ៍របស់និស្សិតខ្មែរនៅបារាំង ប្រសិនបើពួកគេគ្មានវត្តមានស្វាគមន៍រូបលោកនាអំឡុងនៃដំណើរទស្សនកិច្ចនៅបារាំង។
តាមរយៈវីដេអូ ដែលមានរយៈពេល៦នាទី លោក ហ៊ុន សែន សម្តែងការហួសចិត្តនឹងព័ត៌មានរបស់វិទ្យុផ្សាយសំឡេងមួយនៅបារាំង ដែលថា និស្សិតដែលមិនចូលរួមជួបលោក នឹងត្រូវបានកាត់ផ្តាច់អាហារូបករណ៍។ លោកហ៊ុន សែន លើកឡើងថា៖ «ខ្ញុំហាក់ដូចជាមានការហួសចិត្ត និងអៀនខ្មាស់ជំនួសបក្សប្រឆាំងដែលហ៊ានធ្វើទៅរួចពីការបោកប្រាស់ប្រជាពលរដ្ឋ»។
លោកបានអះអាងថា តាំងពីដើមមក លោកមិនដែលបង្ខំឲ្យអ្នកណាទៅអង្គុយស្តាប់លោកនោះឡើយ ហើយវត្តមានរបស់លោកជាមួយសហគមន៍ខ្មែរនៅក្រៅប្រទេស គឺធ្វើឡើងទៅតាមសំណូមពររបស់ពលរដ្ឋនៅទីនោះ។ លោក ហ៊ុន សែន បាននិយាយធ្ងន់ៗថា ទង្វើបក្សប្រឆាំងគឺជាការគំរាមស្មារតីនិស្សិត ហើយលោកអំពាវនាវដល់មេបក្សប្រឆាំងឲ្យបញ្ឈប់ទង្វើនេះ ដោយលោកចាត់ទុកថា ជាទង្វើថោកទាប។
លោកនាយករដ្ឋមន្ត្រី ហ៊ុន សែន ត្រូវចេញដំណើរទៅកាន់ប្រទេសបារាំងនាល្ងាចក្នុងដំណើរទស្សនកិច្ចរយៈពេល៤ថ្ងៃ តាមការអញ្ជើញរបស់ប្រធានាធិបតីបារាំង លោក Francois Hollande។ ក្រៅពីជំនួបជាមួយថ្នាក់ដឹកនាំរដ្ឋាភិបាល និងក្រុមហ៊ុនបារាំង លោក ហ៊ុន សែន គ្រោងជួបពលរដ្ឋខ្មែរ និស្សិត ជាពិសេសសមាជិកគណបក្សប្រជាជនកម្ពុជា ប្រមាណ៧០០នាក់។
ពីទីក្រុងប៉ារីស កាលពីថ្ងៃទី២៣ ខែតុលា ស្ថានទូតខ្មែរប្រចាំប្រទេសបារាំង បានចេញសេចក្តីប្រកាសបដិសេធចំពោះការផ្សាយរបស់វិទ្យុ CMN (Cambodia Media Network) ដែលបានផ្សាយថា ស្ថានទូតដាក់កំហិតចំពោះនិស្សិតឲ្យចូលរួមស្តាប់នាយករដ្ឋមន្ត្រី។ ស្ថានទូតខ្មែរ បានអះអាងថា ជំនួបនៅសាលប្រជុំ Maison de La Chimie ក្នុងទីក្រុងប៉ារីស នាថ្ងៃទី២៥ ខែតុលា គឺជាការចូលរួមដោយស្ម័គ្រចិត្ត ដោយគ្មានលក្ខខណ្ឌបង្ខំ៕
តាមរយៈវីដេអូ ដែលមានរយៈពេល៦នាទី លោក ហ៊ុន សែន សម្តែងការហួសចិត្តនឹងព័ត៌មានរបស់វិទ្យុផ្សាយសំឡេងមួយនៅបារាំង ដែលថា និស្សិតដែលមិនចូលរួមជួបលោក នឹងត្រូវបានកាត់ផ្តាច់អាហារូបករណ៍។ លោកហ៊ុន សែន លើកឡើងថា៖ «ខ្ញុំហាក់ដូចជាមានការហួសចិត្ត និងអៀនខ្មាស់ជំនួសបក្សប្រឆាំងដែលហ៊ានធ្វើទៅរួចពីការបោកប្រាស់ប្រជាពលរដ្ឋ»។
លោកបានអះអាងថា តាំងពីដើមមក លោកមិនដែលបង្ខំឲ្យអ្នកណាទៅអង្គុយស្តាប់លោកនោះឡើយ ហើយវត្តមានរបស់លោកជាមួយសហគមន៍ខ្មែរនៅក្រៅប្រទេស គឺធ្វើឡើងទៅតាមសំណូមពររបស់ពលរដ្ឋនៅទីនោះ។ លោក ហ៊ុន សែន បាននិយាយធ្ងន់ៗថា ទង្វើបក្សប្រឆាំងគឺជាការគំរាមស្មារតីនិស្សិត ហើយលោកអំពាវនាវដល់មេបក្សប្រឆាំងឲ្យបញ្ឈប់ទង្វើនេះ ដោយលោកចាត់ទុកថា ជាទង្វើថោកទាប។
លោកនាយករដ្ឋមន្ត្រី ហ៊ុន សែន ត្រូវចេញដំណើរទៅកាន់ប្រទេសបារាំងនាល្ងាចក្នុងដំណើរទស្សនកិច្ចរយៈពេល៤ថ្ងៃ តាមការអញ្ជើញរបស់ប្រធានាធិបតីបារាំង លោក Francois Hollande។ ក្រៅពីជំនួបជាមួយថ្នាក់ដឹកនាំរដ្ឋាភិបាល និងក្រុមហ៊ុនបារាំង លោក ហ៊ុន សែន គ្រោងជួបពលរដ្ឋខ្មែរ និស្សិត ជាពិសេសសមាជិកគណបក្សប្រជាជនកម្ពុជា ប្រមាណ៧០០នាក់។
ពីទីក្រុងប៉ារីស កាលពីថ្ងៃទី២៣ ខែតុលា ស្ថានទូតខ្មែរប្រចាំប្រទេសបារាំង បានចេញសេចក្តីប្រកាសបដិសេធចំពោះការផ្សាយរបស់វិទ្យុ CMN (Cambodia Media Network) ដែលបានផ្សាយថា ស្ថានទូតដាក់កំហិតចំពោះនិស្សិតឲ្យចូលរួមស្តាប់នាយករដ្ឋមន្ត្រី។ ស្ថានទូតខ្មែរ បានអះអាងថា ជំនួបនៅសាលប្រជុំ Maison de La Chimie ក្នុងទីក្រុងប៉ារីស នាថ្ងៃទី២៥ ខែតុលា គឺជាការចូលរួមដោយស្ម័គ្រចិត្ត ដោយគ្មានលក្ខខណ្ឌបង្ខំ៕
Tag:
អាហារូបករណ៍
ហ៊ុន សែន-បារាំង
© រក្សាសិទ្ធិដោយ thmeythmey.com
