កីឡាជាតិ
ជាតិ
កែវ រំចង់ មុនពេលឡើងសង្វៀន Thai Fight ។ រូបថតហ្វេសប៊ុក
×![]()
លោក កែវ សំអាង ត្រូវជាឪពុក និងជាគ្រូបង្វឹករបស់កីឡាករ កែវ រំចង់ មិនពេញចិត្តចំពោះលទ្ធផលដែលគណៈកម្មការសម្រេចឱ្យកីឡាករថៃ Iquezang Kor Rungthanakeat ឈ្នះនៅក្នុងការប្រកួត Thai Fight នៅប្រទេសវៀតណាម កាលពីថ្ងៃទី២៤ ខែតុលា ម្សិលមិញនេះ។
បន្ទាប់ពីប្រកួតប្តូរកែង ជង្គង់ និងកណ្តាប់ដៃគ្នាទៅវិញទៅមកយ៉ាងស្វិតស្វាញ អស់រយៈពេល ៣ទឹក លទ្ធផលគណៈកម្មការបានសម្រេចឱ្យកីឡាករ កែវ រំចង់ ចាញ់កីឡាករថៃ Iquezang Kor Rungthanakeat ដោយពិន្ទុ។ សម្រាប់ការសសម្រេចនេះដែរ បានធ្វើឱ្យ លោក កែវ សំអាង ត្រូវជាឪពុក និងជាគ្រូបង្វឹករបស់កីឡាករ កែវ រំចង់ មិនពេញចំពោះលទ្ធផលនោះទេ ដោយលោក លើកឡើងថា «ខ្ញុំមិនសប្បាយចិត្ត មិនពេញចិត្ត និងសោកស្តាយយ៉ាងខ្លាំងចំពោះលទ្ធផលនេះបន្ទាប់ពីខ្ញុំបានឃើញសកម្មភាពប្រកួតរបស់កូនតាំងពីទឹកទី១ ដល់ទឹកទី៣នៅផ្ទះរបស់ខ្ញុំតាមរយៈទូរទស្សន៍លេខ៣ថៃ ទាំងខ្ញុំនិងអ្នកទស្សនាដទៃទៀតប្រហែល៣០នាក់ មានជំនឿ១០០% ថាកីឡាករ កែវ រំចង់ នឹងឈ្នះ ប៉ុន្តែលទ្ធផលជាក់ស្តែងត្រូវបានគណៈកម្មការសម្រេចឱ្យចាញ់ទៅវិញ ជាហេតុធ្វើឱ្យខ្ញុំ និងអ្នកទស្សនាទាំងនោះខកចិត្ត មិនពេញ និងសោកស្តាយចំពោះលទ្ធផលនេះ»។
លោក កែវ សំអាង បានបន្ថែមទៀតថា សូម្បីតែកីឡាករថៃខ្លួនឯងក៏ដឹងថាខ្លួនចាញ់ដែរ ព្រោះដោយគេធ្វើទឹកមុខអស់សង្ឃឹម មិនសប្បាយចិត្ត ប៉ុន្តែនៅពេលដែលអាជ្ញាកណ្តាលលើកដៃឱ្យឈ្នះ គេបានមកសំពះ រំចង់ ហើយចាប់ដៃលើកដើរជុំវិញរេញ។ មិនត្រឹមតែប៉ុណ្ណោះគណៈកម្មការ និងអ្នកទស្សនាជនជាតិវៀតណាម ក៏គាំទ្រ កែវ រំចង់ ផងដែរ។ ទោះបីយ៉ាងនេះក្តី សម្រាប់កីឡាករ កែវ រំចង់ ផ្ទាល់គេក៏ទទួលស្គាល់ចំពោះលទ្ធផល ដែលគណៈកម្មការសម្រេចឱ្យគេចាញ់នដោយក្តីសប្បាយរីករាយ។
លោកគ្រូម្នាក់នេះបានបញ្ជាក់ទៀតថា ខណៈពេលកីឡាករ កែវ រំចង់ នៅប្រទេសវៀតណាមនៅឡើយទេ ហើយគេនឹងចេញពីប្រទេសវៀតណាមនៅល្ងាចម៉ោង៥នេះ។ ដោយសារការមិនពេញចិត្តរបស់ទស្សនិកជន និងគណៈកម្មការមួយចំនួន នៅថ្ងៃទី២១ ខែវិច្ឆិកា ខាងមុខនេះ អ្នករៀបចំកម្មវិធីប្រកួត Thai Fight នឹងដាក់ឱ្យកីឡាករ កែវ រំចង់ ប៉ះកីឡាករថៃ Iquezang Kor Rungthanakeat ម្តងទៀត នៅក្នុងកម្មវិធី Thai Fight ប្រទេសវៀតណាម៕
បន្ទាប់ពីប្រកួតប្តូរកែង ជង្គង់ និងកណ្តាប់ដៃគ្នាទៅវិញទៅមកយ៉ាងស្វិតស្វាញ អស់រយៈពេល ៣ទឹក លទ្ធផលគណៈកម្មការបានសម្រេចឱ្យកីឡាករ កែវ រំចង់ ចាញ់កីឡាករថៃ Iquezang Kor Rungthanakeat ដោយពិន្ទុ។ សម្រាប់ការសសម្រេចនេះដែរ បានធ្វើឱ្យ លោក កែវ សំអាង ត្រូវជាឪពុក និងជាគ្រូបង្វឹករបស់កីឡាករ កែវ រំចង់ មិនពេញចំពោះលទ្ធផលនោះទេ ដោយលោក លើកឡើងថា «ខ្ញុំមិនសប្បាយចិត្ត មិនពេញចិត្ត និងសោកស្តាយយ៉ាងខ្លាំងចំពោះលទ្ធផលនេះបន្ទាប់ពីខ្ញុំបានឃើញសកម្មភាពប្រកួតរបស់កូនតាំងពីទឹកទី១ ដល់ទឹកទី៣នៅផ្ទះរបស់ខ្ញុំតាមរយៈទូរទស្សន៍លេខ៣ថៃ ទាំងខ្ញុំនិងអ្នកទស្សនាដទៃទៀតប្រហែល៣០នាក់ មានជំនឿ១០០% ថាកីឡាករ កែវ រំចង់ នឹងឈ្នះ ប៉ុន្តែលទ្ធផលជាក់ស្តែងត្រូវបានគណៈកម្មការសម្រេចឱ្យចាញ់ទៅវិញ ជាហេតុធ្វើឱ្យខ្ញុំ និងអ្នកទស្សនាទាំងនោះខកចិត្ត មិនពេញ និងសោកស្តាយចំពោះលទ្ធផលនេះ»។
លោក កែវ សំអាង បានបន្ថែមទៀតថា សូម្បីតែកីឡាករថៃខ្លួនឯងក៏ដឹងថាខ្លួនចាញ់ដែរ ព្រោះដោយគេធ្វើទឹកមុខអស់សង្ឃឹម មិនសប្បាយចិត្ត ប៉ុន្តែនៅពេលដែលអាជ្ញាកណ្តាលលើកដៃឱ្យឈ្នះ គេបានមកសំពះ រំចង់ ហើយចាប់ដៃលើកដើរជុំវិញរេញ។ មិនត្រឹមតែប៉ុណ្ណោះគណៈកម្មការ និងអ្នកទស្សនាជនជាតិវៀតណាម ក៏គាំទ្រ កែវ រំចង់ ផងដែរ។ ទោះបីយ៉ាងនេះក្តី សម្រាប់កីឡាករ កែវ រំចង់ ផ្ទាល់គេក៏ទទួលស្គាល់ចំពោះលទ្ធផល ដែលគណៈកម្មការសម្រេចឱ្យគេចាញ់នដោយក្តីសប្បាយរីករាយ។
លោកគ្រូម្នាក់នេះបានបញ្ជាក់ទៀតថា ខណៈពេលកីឡាករ កែវ រំចង់ នៅប្រទេសវៀតណាមនៅឡើយទេ ហើយគេនឹងចេញពីប្រទេសវៀតណាមនៅល្ងាចម៉ោង៥នេះ។ ដោយសារការមិនពេញចិត្តរបស់ទស្សនិកជន និងគណៈកម្មការមួយចំនួន នៅថ្ងៃទី២១ ខែវិច្ឆិកា ខាងមុខនេះ អ្នករៀបចំកម្មវិធីប្រកួត Thai Fight នឹងដាក់ឱ្យកីឡាករ កែវ រំចង់ ប៉ះកីឡាករថៃ Iquezang Kor Rungthanakeat ម្តងទៀត នៅក្នុងកម្មវិធី Thai Fight ប្រទេសវៀតណាម៕
Tag:
កែវ រំចង់
ប្រដាល់
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ម៉ោង
