ជាតិ
លោក ហ៊ុន សែន មកដល់កម្ពុជាវិញ ក្រោយទស្សនកិច្ច៣ថ្ងៃនៅបារាំង
×
លោកនាយករដ្ឋមន្ត្រី ហ៊ុន សែន បានដឹកនាំគណៈប្រតិភូ ត្រឡប់មកដល់ ប្រទេសកម្ពុជា វិញ ហើយ នៅព្រឹកថ្ងៃទី២៨ តុលានេះ ក្រោយពីបញ្ចប់បេសកកម្មផ្លូវការរយៈពេលបីថ្ងៃនៅប្រទេសបារាំង។
ទស្សនកិច្ចរបស់លោកនាយករដ្ឋមន្ត្រី ហ៊ុន សែន នៅប្រទេសបារាំង ត្រូវបានមន្ត្រីជាន់ខ្ពស់រដ្ឋាភិបាលអះអាងថា ទទួលបានលទ្ធផលជាផ្លែផ្កាដែលនាំមកនូវផលប្រយោជន៍ប្រទេសទាំងពីរ។
លោក ហ៊ុន សែន ត្រូវបានប្រធានាធីបតីបារាំង លោក Francois Hollande អញ្ជើញទៅទស្សនកិច្ចនៅប្រទេសបារាំង កាលពីថ្ងៃទី២៥ ដល់ថ្ងៃទី២៧ ខែតុលា ឆ្នាំ២០១៥ ដោយជំនួបនោះក៏មានការចុះហត្ថលេខាលើឯកសារចំនួន៦ រួមមាន៖
១ កិច្ចព្រមព្រៀងស្ដីពីគម្រោងពង្រីកបន្ថែមបន្ទាន់សមត្ថភាពផ្គត់ផ្គង់ទឹកស្អាតនៅខេត្តសៀមរាប។
២ កិច្ចព្រមព្រៀងស្ដីពីគម្រោងសាងសង់សាលាជាតិបណ្តុះបណ្តាលវិជ្ជាជីវៈទេសចរណ៍នៅរាជធានីភ្នុំពេញនិងនៅខេត្តព្រះសីហនុ។
៣ កិច្ចព្រមព្រៀងស្ដីពីគម្រោងពង្រឹងវិស័យអប់រំ បណ្ដុះបណ្ដាលបច្ចេកទេស និងវិជ្ជាជីវៈ ជំហានទី២ ។
៤ កិច្ចព្រមព្រៀងស្ដីពីគម្រោងសាងសង់ប្រព័ន្ធខ្សែបញ្ជូននិងចែកចាយអគ្គិសនី នៅខេត្តកំពង់ចាម ខេត្តក្រចេះ និងខេត្តកោះកុង។
៥ អនុសញ្ញាស្ដីពីបត្យាប័ន និងទី៦ កិច្ចព្រមព្រៀងស្ដីពីការប្ដូរបញ្ញើវត្ថុសិល្បះ៕
© រក្សាសិទ្ធិដោយ thmeythmey.com